Trein

Trein.

'n Elektriese trein.

'n Diesel aangedrewe trein.

'n Stoomtrein.

'n Trein is 'n voertuig wat op 'n spoor beweeg en uit een of meer trokke of waens bestaan. Treine word gebruik om mense, diere en goedere te vervoer. Die plek waar treine stop, sodat mense kan op- of afklim, word 'n treinstasie genoem. Die eerste trok van die trein is die lokomotief, wat die kragbron bevat en die res van die trein agterna sleep.

Alle treine word beheer deur 'n bestuurder wat die trein moet versnel en briek. Stoomtreine het ook 'n brandweerman aan boord, wat die vuur moet stook om die stoom wat die trein aandryf te lewer.

Tipes treine

Treine word ingedeel volgens aandryfmetode (elektries, diesel, stoom) asook waarvoor dit aangewend word:

Goederetrein

Goederetreine word gebruik om goedere in trokke van een plek na 'n ander te vervoer. As voorbeeld, 'n trein wat steenkool na kragsentrales aanry.

Passasierstrein

Passasierstreine gebruik spesiale waens eerder as trokke sodat mense gerieflik tussen stasies daarin vervoer kan word. 'n Voorbeeld hiervan is die Gautrein in Suid-Afrika.

Sien ook

• Spoorvervoer in Suid-Afrika
• Gautrein
• Moltrein
• Trem