Kanaaleilande

Kanaaleilande Inheemse naam: Îles d'la Manche, Îles Anglo-Normandes / Îles de la Manche, Channel Islands
Die Engelse Kanaal met die eilande Jersey en Guernsey
Geografie
Ligging	Engelse Kanaal
Koördinate	49°25′N 02°20′W
Argipel	Britse Eilande
Totale eilande	14
Hoofeilande	Jersey
Oppervlakte	250 vk km
Hoogste punt	Les Platons 136 m
Administrasie
Verenigde Koninkryk
Britse Kroongebiede	Jersey
Hoofstad	Saint Helier
Grootste stad	Saint Helier (28 310)
Elizabeth II	Elizabeth II
Demografie
Bevolking	160 000

Ligging van die Kanaaleilande

Kaart van die Kanaaleilande

Kaart van Jersey

Kaart van Guernsey

Die Kanaaleilande (Engels: Channel Islands, Frans: Îles Anglo-Normandes of Îles de la Manche, Normandies: Îles d'la Manche) is 'n eilandgroep wat tussen die Verenigde Koninkryk en Frankryk lê. Alhoewel die Koningin van Engeland in haar funksie as Hertogin van Normandië die staatshoof van die eilande is, maak hulle nie deel uit van die Verenigde Koninkryk nie. As laaste oorblyfsel van die Hertogdom van Normandië is hulle 'n Britse Kroongebied met selfregering. Chausey is die enigste eilandgroep, wat tot Frankryk behoort.

Die mees noordelike eiland is Alderney (sowat 80 kilometer van Engeland en 13 kilometer van Frankryk af), wat deur die klein eilande Burhou, Ortac en die Casquets omring word. 25 kilometer suidwes van Alderney lê Guernsey met die kleiner eilande Sark, Lihou, Herm en Jethou. 24 kilometer suidoos van Guernsey lê Jersey met Les Ecrehou en die Minquiers-rotsbank. 45 kilometer suid van Jersey en 83 kilometer van Alderney af lê die klein eilandgroep van Chausey, waarvan net een eiland bewoon is. Die laasgenoemde behoort tot Frankryk.

Die oorgrote meerderheid van die bevolking praat Engels, en meer as 70 persent is nie op die eilande self gebore nie, maar het weens die milde golfstroomklimaat en belastingvoordele na die eilande verhuis. Die oorspronklike Normandiese eilanddialekte Jèrriais op Jersey en Dgèrnésiais op Guernsey word nog deur 'n minderheid van die inwoners as omgangstaal gepraat.

Eilande

Bailiwick of Jersey (Distrik van die eiland Jersey)

Eiland	Oppervlakte	Bevolking	Koördinate
Jersey	116,2 km²	87 186	49°13′0″N 2°7′57″W
Les Dirouilles	< 1 km²	0	49°19′30″N 2°2′30″W
Ecréhous	< 1 km²	0	49°17′30″N 1°55′30″W
Minquiers	< 1 km²	0	48°58′30″N 2°7′30″W
Pierres de Lecq	< 1 km²	0	49°17′30″N 2°12′10″W

Bailiwick of Guernsey (Distrik van die eiland Guernsey)

Eiland	Oppervlakte	Bevolking	Koördinate
Guernsey	63,4 km²	59 807	49°27′21″N 2°34′39″W
Alderney	7,9 km²	2 294	49°42′N 2°12′W
Sark	5,5 km²	550	49°26′N 2°22′W
Herm	2 km²	97	49°28′22″N 2°26′58″W
Brecqhou	< 1 km²	2	49°25′53″N 2°23′14″W
Burhou	< 1 km²	0	49°43′53″N 2°15′7″W
Jethou	< 1 km²	3	49°27′28″N 2°27′45″W
Lihou	< 1 km²	0	49°27′38″N 2°40′6″W
Casquets	< 1 km²	0	49°43′4″N 2°22′7″W