Rio Grande

Hierdie artikel handel oor die rivier in Noord-Amerika. Vir die gelyknamige deelstate in Brasilië, sien gerus Rio Grande do Norte en Rio Grande do Sul.

Rio Grande – Río Bravo del Norte
Die Rio Grande in die Big Bend National Park, Texas. Die Rio Grande in die Big Bend National Park, Texas.
Die stroomgebied van die Rio Grande.
Oorsprong	Rotsgebergte, Colorado (Verenigde State)
Monding	Meksiko en Verenigde State Golf van Meksiko
Stroomgebied	Verenigde State en Meksiko
Lengte	3 051 km (1 896 myl)
Oorspronghoogte	3 658 m (12 000 voet)
Mondinghoogte	0 m
Gemiddelde afloop	68 m³/s (2 403 ft³/s)
Stroomgebiedopp.	471 900 km² (182 200 myl²)
Kaart van die Rio Grande-bekken in Noord-Amerika.

Die Rio Grande (Spaans vir "groot Rivier"), Río Bravo del Norte of net Río Bravo genoem in Meksiko (Wild-rivier van die Noorde), is 'n groot suidoos-vloeiende rivier in Noord-Amerika. Die rivier, met 'n lengte van 3 051 km, is die derde langste rivier in Noord-Amerika ná die Missouririvier-Mississippirivier en die Yukonrivier.

Die Rio Grande tussen Ciudad Juárez, Chihuahua, en El Paso, Texas.

Die Rio Grande vloei deur die volgende lande: Verenigde State van Amerika en Meksiko, asook deur die volgende stede: Albuquerque, Las Cruces, El Paso, Ciudad Juárez, Nuevo Laredo en Laredo. Die rivier loop deur die suid-oostelike Amerikaanse deelstate Colorado, Nieu-Meksiko en Texas, asook deur die noord-oostelike Meksikaanse deelstate Chihuahua, Coahuila, Nuevo León en Tamaulipas.

Die rivier mond in die Golf van Meksiko uit en vorm sedert die Meksikaans-Amerikaanse Oorlog van 1848 die grens tussen Meksiko en die Verenigde State.