Apside

Die perigeum (X) en apogeum (Y) van ’n voorwerp (B) in ’n baan om die Aarde (A).

’n Apside (ook apsis genoem) is die naaste en verste punt in die elliptiese wentelbaan van een hemelliggaam om ’n ander (meestal groter) een. Die lyn van een apside na ’n ander is die langste as van die ellips, oftewel die apsidelyn.

Om die twee punte te onderskei, word verskillende benamings vir die naaste en die verste punt gebruik, na gelang van die groter liggaam waarom die ander een wentel. ’n Paar voorbeelde is:

Hemelliggaam	Grootste afstand	Kleinste afstand
’n Voorwerp om die Son	aphelion	perihelion
’n Voorwerp om die Aarde	apogeum	perigeum
’n Voorwerp om Jupiter	apojovium	perijovium
’n Voorwerp om Mars	apomartion	perimartion
’n Voorwerp om ’n ster of dubbelster	apastron	periastron
’n Voorwerp om ’n sterrestelsel	apogalaktikon	perigalaktikon

Die perigeum van die maan is dus die punt waar dit die naaste aan die Aarde is, en die aphelion van die Aarde is die verste punt van die Son af.

• Hierdie artikel is vertaal uit die Nederlandse Wikipedia