George

George
Die NG Kerk in George.
George
Koördinate: 33°58′0″S 22°27′0″O
Land	Suid-Afrika
Provinsie	Wes-Kaap
Distriksmunisipaliteit	Eden
Plaaslike Munisipaliteit	George
Stigting	1811
Vernoem na	George III
Regering
• Burgemeester	(DA)
Oppervlak
• Totaal	1 072 km2 (414 vk. myl)
Bevolking
• Totaal	136 542
• Digtheid	127,4/km2 (330/vk. myl)
Tydsone	UTC+2 (SAST)
Poskode	6530
Skakelkodes	+27 (0)44
Webwerf	www.george.org.za

George is 'n stad in die provinsie Wes-Kaap, Republiek van Suid-Afrika, aan die suidekant van die Outeniekwaberge, met sowat 200 000 inwoners.

George lê aan die kus sowat 300 km oos van Kaapstad aan die bekende Tuinroete. Saam met Mosselbaai vorm dit die ekonomiese hart van die Tuinroete. In die omgewing lê toeristetrekpleisters soos die wye strande, die volstruisdorp Oudtshoorn en Knysna met sy lagune, sedert Maart 2009 deel van die Tuinroete Nasionale Park .

George is bekend om sy uitstekende gholfbane (daar is drie verskillende 18-putjie bane op die Fancourt Landgoed alleen) en die geskiedkundige Montagupas oor die Outeniekwaberg (geopen in 1847).

Geskiedenis

George Town, die eerste distrik, is op 23 April 1811 geproklameer. Die naam het die destydse monarg George III vereer. Adrianus van Kervel is as die eerste landdros aangestel. Die NG moedergemeente is in 1812 gestig. Die eerste predikant was ds. T.J. Herhold, na wie die dorpie Herold en die vakansieoord Heroldsbaai genoem is. Die eerste plaaslike owerheid is in 1837 verkies en die dorp het in 1884 volle munisipale status verkry.

Landbou

George staan as die hart van die Tuinroete bekend. Die Suid-Afrikaanse hopsbedryf is hier gesetel. Met sy Mediterreense klimaat en voldoende reën regdeur die jaar is die dorp uiters geskik vir die aanplanting van hierdie belangrike bestanddeel in die bierbrouproses. Die enigste brouery in die omgewing is in Knysna te vind.

Infrastruktuur

Dit het 'n lughawe wat dit regstreeks verbind met die groot stede soos Kaapstad en Johannesburg. Die dorp is padlangs verbind met Kaapstad en Port Elizabeth met die N2 nasionale pad. Die N12 verbind George via die Outeniekwapas met die binneland. Daar is ook 'n spoorlyn wat George met Mosselbaai en Oudtshoorn verbind. Die spoorlyn vanaf Kaapstad het die dorp in 1907 bereik.

Susterstede

• Tacoma, Washington, VSA
• Fuzhou, Sjina (Volksrepubliek van Sjina)

Sien ook

• Cradockpas
• Montagupas
• Outeniekwapas
• Outeniekwa Spoorwegpas
• Sewepassepad
• Lys van dorpe in Suid-Afrika
• Spookplekke in Suid-Afrika

Fotogalery

• 
  George se teater is in die geskiedkundige middedorp geleë.
• 
  Die NG gemeente George het 'n ruim perseel naby aan die middedorp waarop die kerkgebou, ou pastorie (nou 'n gastehuis) en die kerkkantoor geleë is.
• 
  Die Rose on York Restaurant is geleë in die een van die mooi ou geboue in die middedorp.
• 
  George se Presbiteriaanse kerk.
• 
  Nog 'n mooi ou gebou in die lowerryke middedorp.
• 
  Toe dié foto in Junie 2012 geneem is, was dié gebou as sakeperseel te huur. Dit is ook in die middedorp geleë, langs die museum.
• 
  'n Verdiepinggebou in die geskiedkundge middedorp.
• 
  Die ou pastorie van die NG gemeente George, nou 'n gastehuis wat die gemeente bedryf.
• 
  Die George-museum is geleë in die geskiedkundige hart van die stad.
• 
  'n Sakegebou in die ouer deel van die stad.