Karp

Karp
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Orde:	Cypriniformes
Familie:	Cyprinidae
Subfamilie:	Cyprininae
Genus:	Cyprinus Linnaeus, 1758
Sinonieme
Mesocyprinus Fang, 1936

Die Karp (Cyprinus carpio) is 'n varswatervis van die familie Cyprinidae. Die gewone karp is die bekendste karp en is oorspronklik afkomstig van Asië. In die 12de eeu het Europese monnike karpe geteel vir 'n bron van voedsel en in 1877 is karpe in die Verenigde State van Amerika ingevoer. In sentraal Europa is karp 'n algemene tradisionele gereg oor Kersfees.

Voorkoms

Die vis is olyf-bruin tot goud in kleur. Drie verskillende skub patrone word op die visse gevind:

• lyf is vol skubbe en staan bekend as die Volskaal karp
• lyf het geen skubbe nie en staan bekend as die Leer karp
• lyf is gedeeltelik bedek met skubbe en staan bekend as die Spieël karp

Die mond kan vorentoe uitstrek en daar is 'n paar baarde aan die mond wat dien as 'n voel orgaan. Die vis kan tot 24 kg swaar word.

Habitat

Die vis leef in damme, mere, modderrige riviere en stadig vloeiende riviere, selfs staande water. Hulle is gewoonlik op die bodem doenig waar die modder versteur en kos gesoek word. Die wyfie lê haar eiers gedurende die lente en somer in vlak water op onder water plante.

Koi

Die Koi-visse is almal karpe wat spesiaal geteel word.

Sien ook

• Koi
• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• First Field Guide to Fishes of Souhern Africa. Rudy van der Elst. 1999. ISBN 978-1-86872-288-4