Pous Leo IX: Verskil tussen weergawes

in Wikipedia, die vrye ensiklopedie
Content deleted Content added
JAnDbot (besprekings | bydraes)
k r2.7.3) (untranslated message tl:Papa Leo IX
Lyn 59: Lyn 59:


[[Kategorie:Pouse|Leo IX]]
[[Kategorie:Pouse|Leo IX]]
[[Kategorie:Heiliges in die christendom|Leo IX]]
[[Kategorie:Heiliges in die Christendom|Leo IX]]


[[ar:ليون التاسع]]
[[ar:ليون التاسع]]

Wysiging soos op 20:43, 12 Februarie 2013

Pous Leo IX
Geboortenaam Bruno von Egisheim-Dagsburg
Pontifikaat begin 12 Februarie 1049
Pontifikaat eindig 19 April 1054
Voorganger Damasus II
Opvolger Victor II
Gebore 21 Junie 1002
Eguisheim, Elsas
Sterf 19 April 1054
Rome, Italië
Ander pouse genaamd Leo

Leo IX was die 152ste pous van die Rooms-Katolieke Kerk.

Biografie

Pous Leo IX is gebore as Bruno von Egisheim-Dagsburg op 21 Junie 1002 in Eguisheim, Elsas, die seun van graaf Hugo von Egisheim en sy vrou Heilwig von Dagsburg[1]. Hy het sy loopbaan begin as soldaat en offisier in die keiserlike leër. Voor sy verkiesing as pous was hy biskop van Toul vanaf 1026. Op 12 Februarie 1049 volg hy Pous Damasus II op en regeer tot sy dood op 19 April 1054. Hy word opgevolg deur Pous Victor II. Die naam ‘Leo’ beteken 'leeu'.

Pontifikaat

Pous Leo IX was 'n neef van keiser Hendrik III en deur sy toedoen verkies as pous. Hy is bekend vir die deurvoering van die hervormings van Cluny. Hy stig die kollege van kardinale en vestig die top-bestuur van die kerk. In die Paas-sinode van 1049 word die selibaat vir die klerus weer bevestig en is simonie weer veroordeel. Op 29 April 1050 hou hy 'n verdere Paas-sinode oor die leer van Alberic (of Berengar) van Tours.

Die pous het probeer om die Normandiërs in Suid-Iralië te bestry, maar hy is verslaan in die slag by Civitate op 18 Junie 1053. Hy is gevang en in Benevento aangehou tot Maart 1054. Daarna is hy terug na Rome waar hy sterf op 19 April 1054.

Leo IX het die kardinaal Humbert van Mourmoutiers, kardinaal-biskop van Silva Candida, na Konstantinopel gestuur om die patriarg Michael I Cerularius te ekskommunikeer oor sy gedrag in Suid-Italië. Die patriarg het toe op sy beurt vir Humbert en die pous ge-ekskommunikeer en sodoende het die groot Westerse Skisma op 16 Julie 1054 ontstaan. Hoewel dit oënskynlik oor ekskommunikasie en Suid-Italië gegaan het, was dit in werklikheid oor die oppergesag van die pous van Rome oor die Oosterse Kerk van die patriarg.

Verering

Pous Leo IX word as heilige vereer in die Rooms Katolieke Kerk. Sy feesdag is op 19 April. Hy is die patroonheilige van musikante en orreliste.

Bibliografie

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
  • Gresser, Georg. (2006) Die Synoden und Konzilien zur Zeit des Reformpapsttums in Deutschland und Italien von Leo IX. bis Calixt II. 1049–1123. Paderborn.

Verwysings

  1. "Leo IX, Saint." Encyclopædia Britannica. 2008. Encyclopædia Britannica Online. 19 Junie 2008 <http://www.britannica.com/eb/article-9047795>

Eksterne skakels

Wikisource
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging

Voorafgegaan deur
Damasus II
Pous (Pontifex Maximus)
10491054
Opgevolg deur
Victor II