Oscar Pistorius: Verskil tussen weergawes

in Wikipedia, die vrye ensiklopedie
Content deleted Content added
k r2.6.5) (robot Bygevoeg: ar:أوسكار بيستوريوس
ZéroBot (besprekings | bydraes)
k r2.7.1) (robot Bygevoeg: ro:Oscar Pistorius
Lyn 122: Lyn 122:
[[pl:Oscar Pistorius]]
[[pl:Oscar Pistorius]]
[[pt:Oscar Pistorius]]
[[pt:Oscar Pistorius]]
[[ro:Oscar Pistorius]]
[[ru:Писториус, Оскар]]
[[ru:Писториус, Оскар]]
[[simple:Oscar Pistorius]]
[[simple:Oscar Pistorius]]

Wysiging soos op 19:18, 25 Februarie 2013

Oscar Pistorius

Oscar Leonard Carl Pistorius (gebore 22 November 1986) is 'n Suid-Afrikaanse Paralimpiese atleet. Albei sy bene is op 11 maande tussen die knie en enkel geamputeer. Hy word later bekend as die "vinnigste man sonder bene" deur met spesiaal ontwerpte lemme te hardloop.

Pistorius ding mee in die T44-afeling (enkele amputasie onder die knie), ten spyte daarvan dat hy eintlik in die T43-kategorie (dubbele amputasie onder die knie) tuishoort. In 2007 neem hy aan sy eerste internasionale kompetisie vir niegestremde atlete deel. Aanvanklik was sy deelname omstrede ná bewerings dat sy lemme hom 'n onregverdige voordeel gee.

Aanvanklik word Pistorius deur die Internasionale Atletiek Federasie verbied om aan die Olimpiese Somerspele 2008 deel te neem nadat 'n Duitse universiteit bevind het dat sy bioniese kunsbene hom 'n voordeel bo gewone atlete gee[1]. Die verbod is later opgehef[2], maar hy kon nie vir deelname kwalifiseer nie.

Op 19 Julie 2011 oortref hy sy beste tyd in die 400 m in Italië en word die eerste paralimpiese atleet om vir die 2012-wêreldbyeenkoms in Daegu, Suid-Korea en die Olimpiese Spele in Londen te kwalifiseer.[3]

Moordverdagte

Pistorius is op 14 Februarie 2013 in hegtenis geneem nadat hy na bewering sy meisie, Reeva Steenkamp, in sy huis in Pretoria-Oos doodgeskiet het[4]

Die polisie het Pistorius aangekla van die moord op Steenkamp en hy het op Vrydag 15 Februarie die eerste keer in Pretoria se landdroshof verskyn op 'n klag van moord met voorbedagte rade. Die landdros, Desmond Nair, Pretoria se hooflanddros, het met die verdediging saamgestem dat die borgtogverhoor uitgestel word tot Dinsdag 19 Februarie en dat Pistorius in aanhouding bly in die selle in Brooklyn se polisiekantoor.

Tydens die borgaansoek het die aanklaer beweer dat Pistorius vier skote deur 'n geslote toiletdeur geskiet en Steenkamp binne-in die toiletvertrek raakgeskiet het. In die hof op 19 Februarie het Pistorius aangevoer dat hy bang was daar is by sy huis ingebreek en dat hy nie geweet het Steenkamp was aan die ander kant van die deur nie. Maar in getuienis tydens die borgaansoek het die hoof-ondersoekbeampte, Hilton Botha, erken daar is geen polisierekord dat Pistorius voorheen doodsdreigemente of ander misdade aangemeld het nie. Botha moes tydens kruisverhoor erken dat hy prosedurefoute begaan het tydens die aanvanklike ondersoek in Pistorius se huis en dat hy geen bewyse kon kry wat Pistorius se weergawe van die skietery regstreeks weerspreek nie.

Aanklaer Gerrie Nel het aangevoer Pistorius kon nie om die dubbelbed geloop het na die badkamer sonder dat hy sou gesien het dat Steenkamp nie daarin lê nie. Botha het ook gesê dat 'n .38-pistool se ammunisie in die kluis gekry is, maar dat geen foto's daarvan geneem is nie en dat die ammunisie deur ander mense van die toneel verwyder is.

Steenkamp se nadoodse ondersoek het gewys daar was geen tekens van aanranding voor haar dood nie. Dat haar blaas leeg was, bewys volgens die nadoodse ondersoek dat sy wel die toilet kort voor haar dood gebruik het.

Landdros Nair het in sy meer as twee uur lange uitspraak in die borgaansoek op Vrydag 22 Februarie die gebeure, soos deur Pistorius se verdediging sowel as Botha uiteengesit, herroep. Hy het ook die volle inhoud van Pistorius se beëdigde verklaring voorgedra. Die hof, wat sowat 90 mense kan huisves, was stampvol van meer as 200 belangstellendes, hofamptenare en verslaggewers. Die klank van die uitspraak is regstreeks uitgesaai, onder meer op eNews Channel Africa[5], maar die beeldmateriaal nie, ingevolge 'n besluit deur Nair.

Uiteindelik, omstreeks 16:20, het die landdros gesê omdat hy nie oortuig is Pistorius sal probeer vlug nie en ook nie dat hy 'n gevaar vir die publiek inhou nie, hy borg van R1 miljoen aan Pistorius toestaan, waarvan hy R100 000 in kontant moes betaal voor hy vrygelaat kon word op borg. Die moordverhoor begin op 4 Junie 2013. Die streng borgvoorwaardes was onder meer dat hy sy reisdokumente moet indien, twee maal per week by die polisiekantoor moet aanmeld, nie alkohol mag gebruik nie en die owerheid in kennis moet stel indien hy die Pretoriase landdrosdistrik wil verlaat.

Persoonlike rekords

  • 100 m: 10,91 s (wêreldrekord T43, 4 April 2007)
  • 200 m: 21,58 s (wêreldrekord T43, 5 April 2007)
  • 400 m: 45,07 s (Lignano Sabbiadoro, 20 Julie 2011)

Prestasies

Oscar Pistorius op die 4 x 400 meter tydens die Wêreldkampioenskap van 2011 in Daegu.
Oscar Pistorius tydens die Olimpiese Somerspele van 2012 in Londen

100 m

Kategorie T44
  • 2004: Goud USA Endeavor Spele - 11,62 s
  • 2004: Brons Paralimpiese Somerspele - 11,16 s
  • 2005: Goud Paralimpiese Wêreldbeker - 11,23 s
  • 2006: Goud Wêreldkampioenskap - 11,32 s
  • 2007: Goud Nedbank kamp. - 10,91 s
  • 2008: Goud Open NK - 11,48 s
  • 2008: Goud Sportfest - 11,42 s
  • 2008: Goud Paralimpiese Somerspele - 11,17 s

200 m

Kategorie T44
  • 2004: Goud USA Endeavor Spelen - 22,71 s
  • 2004: Goud Paralimpiese Spele - 21,97 s
  • 2005: Goud Paralimpiese Wêreldbeker - 22,01 s
  • 2006: Goud Wêreldkampioenskap - 21,80 s
  • 2007: Goud Nedbank kamp. - 21,58 s
  • 2008: Goud Open NK - 22,04 s
  • 2008: Goud Open Duitse kamp. - 21,77 s
  • 2008: Goud Paralimpiese Spele - - 21,67 s
  • 2012: Silwer Paralimpiese Spele -

400 m

Kategorie T44
  • 2006: Goud Wêreldkampioenskap vir gestremdes - 49,42 s
  • 2007: Silwer Suid-Afrikaanse kamp. - 46,56 s
  • 2008: Goud Open NK - 47,92
  • 2008: Goud Paralimpiese Spele - 47,49 s
Seniors
  • 2008: 6de Golden Gala - 46,62 s
  • 2011: 8ste Prefontaine Classic - 46,33 s
  • 2011: 6de Adidas Grand Prix - 45,69 s
  • 2011: Brons Memorial Van Damme – 45,46 s
  • 2011: 8ste in ½ fin. WK - 46,19 s
  • 2012: Silwer Afrika-kamp. - 45,52 s
  • 2012: 8ste in ½ fin. OS - 46,54 s

4 x 400 m

Seniors
  • 2011: Silwer WK - 2.59,87*
  • 2012: Silwer Afrika-kamp.
  • 2012: 8ste OS - 3.03,46

Verwysings

Eksterne skakels