Skaap

Skaap
'n Trop skape.
Bewaringstatus
Gedomestikeerd
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Artiodactyla
Familie:	Bovidae
Subfamilie:	Caprinae
Genus:	Ovis
Spesie:	O. aries
Binomiale naam
Ovis aries Linnaeus, 1758

'n Skaap (Latyn: Ovis aries) is 'n ewehoewige soogdier wat deur die mens mak gemaak is om onder andere wol en vleis te lewer. Dit is 'n herkouer, nou verwant aan die bok. 'n Mannetjie word 'n ram genoem, die wyfie 'n ooi en 'n kleintjie 'n lam.

By wolskape (bv. die Merino), word die wol eenkeer per jaar afgeskeer met 'n handskêr of 'n meganiese skêr. Daarna word die wol op 'n tafel gesorteer en geklas en in bale verskeep na die wêreld se wolmarkte.

Vleisskape en lammers (bv. dorper, dormer, Dohne Merino) word vir hul smaaklike vleis geproduseer; byna die hele geslagde dier is eetbaar en die vel het ook verskeie gebruike as kledingstukke en vloermatjies.

'n Pasgebore lammetjie se eerste treë