In vino veritas

Sonwyser met die inskripsie In vino veritas in die Chateau de Pommard in Frankryk.

In vino veritas is 'n bekende Latynse frase. Dit beteken Daar is waarheid in wyn. Die frase word dikwels aan Gaius Plinius Secundus die Ouere toegedig,

Die frase word soms voltooi met, "In vino veritas, in aqua sanitas", wat beteken, "In wyn is daar waarheid, in water is gesondheid."

Betekenis en oorsprong

Die frase dui skynbaar op die omstandighede waar mense alkohol drink hul inhibisies verloor en sê wat hulle regtig dink (d.w.s. die waarheid).

Plinius die ouere, wat die frase eerste geuiter het, het dit 'n gesegde genoem. Die oudste bekende bron vir die gesegde is die Griekse digter Alcaeus. Die Romeinse geskiedkundige Tacitus vertel van die Germane wat altyd wyn gedrink het wanneer hul vergader het omdat hulle geglo het dat 'n mens nie iemand doeltreffend om die bos kan lei as 'n mens dronk is nie.