Fietsry

'n Fietsryer tydens 'n wedren.

'n Fiets word aangewend kokosneute te vervoer.

Fietsry het 'n ryke geskiedenis.

Fietsry is die gebruik van fietse vir vervoer, rekreasie of vir sport. Fietsry is 'n baie effektiewe vervoermiddel vir kort na middel afstande. Fietsry hou baie voordele in in vergelyking met motorvoertuie, bv. goeie oefening, 'n alternatief vir die gebruik van nie-hernubare energiebronne, geen lug of geraasbesoedeling, verminderde verkeersdruk, maklike parkering ens.

Fietsry vir vervoer

Fietsry word algemeen as vervoermiddel ingespan om mense en goedere van een punt na 'n ander te vervoer. Voorbeelde hiervan is 'n posbode wat briewe per fiets aflewer of 'n persoon wat 'n fiets inspan om na sy werksplek te reis.

Fietsry vir rekreasie

Fietse word ook algemeen ingespan as ontspanning om (gewoonlik kort) plesierritte te onderneem.

Fietsry vir Sport

Fietsry is 'n versamelnaam vir alle sporte waar daar van fietse gebruik gemaak word om aan wedrenne deel te neem. Die Internasionale Fietsry Federasie (UCI) organiseer die sport wêreldwyd. Die sport bestaan uit 'n aantal items, maar ongeag van die item, die wêreldkampioen dra altyd die reënboogtrui tydens kompetisies.

Die Olimpiese fietsryitems sluit in:

• Padwedrenne
• Baanwedrenne
• Bergfiets-wedrenne (Cross Country)
• BMX-wedrenne

In Suid Afrika word fietsry deur die nasionale federasie beheer: Fietsry Suid-Afrika.

Sien ook

• Handfiets, vir gestremde atlete.

Eksterne skakels

• Die Internasionale Fietsryvereniging se webwerf