Jeanne Zaidel-Rudolph: Verskil tussen weergawes
Addbot (besprekings | bydraes) k Verplasing van 1 interwikiskakels wat op Wikidata beskikbaar is op d:q6172220 |
|||
| Lyn 25: | Lyn 25: | ||
{{DEFAULTSORT:Zaidel-Rudolph, Jeanne}} |
{{DEFAULTSORT:Zaidel-Rudolph, Jeanne}} |
||
[[Kategorie:Suid-Afrikaanse komponiste]] |
[[Kategorie:Suid-Afrikaanse komponiste]] |
||
[[en:Jeanne Zaidel-Rudolph]] |
|||
Wysiging soos op 02:24, 9 Maart 2013
Jeanne Zaidel-Rudolph (OIB) (gebore 9 Julie 1948) is 'n Suid-Afrikaanse komponis, pianis en pedagoog. Sy was die eerste vrou in Suid-Afrika om 'n doktorsgraad in musiekkomposisie te verwerf.[1]
Opleiding
Zaidel-Rudolph is in Pretoria gebore en het op vyfjarige ouderdom begin klavier speel. Sy het onder Stefans Grové en andere aan die Universiteit van Pretoria gestudeer.[1] Daarna is het sy ook aan die Royal College of Music in Londen gestudeer waar sy opleiding in komposisie van John Lambert en Tristram Carey ontvang het. Nadat sy die Hongaarse komponis György Ligeti ontmoet het is sy genooi om onder hom in Hamburg te studeer. Ligeti se gebruik van kontrapunte en toonkleur het Zaidel-Rudolph grootliks beïnvloed.
Zaidel-Rudolph het ook gespesialiseer in klavieruitvoering; haar onderwysers het Goldie Zaidel, Philip Levy en Adolph Hallis in Suid-Afrika en John Lill in Londen ingesluit. Zaidel-Rudolph het na Suid-Afrika teruggekeer en het die eerste vrou in die land geword wat 'n Doktorsgraad in Komposisie verwerf het. Dit was in 1979 aan die Universiteit van Pretoria onder Stefans Grové.
Loopbaan
In 1988 is die eerste volledige opname van die werke van 'n Suid-Afrikaanse kunsmusiekkomponis het van haar komposisies ingesluit op 'n album. Sy is aangestel om 'n werk te komponeer (Oratorio vir Menseregte) vir die Atlanta Olimpiese Spele in 1996. In 1995 het sy 'n saamgestelde weergawe van Suid-Afrika se nuwe Nasionale Lied op aanvraag van president Nelson Mandela verwerk. Sy het ook 'n lied (He walked to Freedom) geskryf vir die seremonie van sy ere-doktorsgraad in 1997. In 2000, 2002 en 2003 het sy deelgeneem in die vertoning "Celebration" in Kanada, die VSA en die Verenigde Koninkryk waar sy die musiek gekomponeer, gedirigeer en geörkestreer het.
Zaidel-Rudolph se komposisies dek die meeste musikale genres en wissel van grootskaalse simfonie- na kamer-, koor-, ballet-, rock-opera-, rolprent- en solo instrumentale musiek. Haar werke word gereeld in Afrika, Europa en Amerika uitgevoer. Zaidel-Rudolph het ook 'n groot bydrae gelewer tot Joodse musiek in Johannesburg. Sy het 'n noue verbintenis met die Sydenham-Highlands Noord-Hebreeuse Gemeente waarvan die mannekoor baie van Zaidel-Rudolph se komposisies uitgevoer het.
Zaidel-Rudolph werk sedert 1975 aan die Skool vir Musiek aan die Universiteit van die Witwatersrand, waar sy 'n professor in komposisie is.
Eerbewyse
- In 1974 was sy die eerste Suid-Afrikaanse komponis wat die Cobbettprys vir komposisie aan die Royal College of Music ontvang het.
- In 1986 het sy die eerste prys in die heel eerste Total Olie (SA) Kompetisie in Suid-Afrika gewen.
Verwysings
- ↑ 1,0 1,1 Human Sciences Research Council. Group: Democracy and Governance (2000). Women marching into the 21st century. HSRC Press. pp. 171–173. ISBN 9780796919663.