Fietsry Suid-Afrika: Verskil tussen weergawes

in Wikipedia, die vrye ensiklopedie
Content deleted Content added
Addbot (besprekings | bydraes)
k Verplasing van 1 interwikiskakels wat op Wikidata beskikbaar is op d:q5198297
Lyn 44: Lyn 44:
[[Kategorie:Fietsry|Suid-Afrika]]
[[Kategorie:Fietsry|Suid-Afrika]]
[[Kategorie:Sport in Suid-Afrika]]
[[Kategorie:Sport in Suid-Afrika]]

[[en:Cycling South Africa]]

Wysiging soos op 04:56, 9 Maart 2013

Suid-Afrikaanse fietsryer Ryan Cox in 2005.

Fietsry Suid-Afrika (Engels: Cycling South Africa[1] afgekort as CSA) is die Nasionale Federasie wat alle dissiplines van fietsry in Suid-Afrika beheer en reguleer. FSA is geaffilieer by die UCI[2][3] en ook by die Afrika fietsry konfederasie: Confederation Africaine de Cyclisme (CAC).

FSA bedryf die volgende vyf dissiplines naamlik:

  • Padfiets
  • Baanfiets
  • Bergfiets
  • "BMX"
  • "Paracyling"

Geskiedenis van FSA

Die Suid-Afrikaanse Fietsry Vereniging is gestig in 1892 en op 9 September 1893 was die eerste Suid-Afrikaanse Kampioenskap gehou. Die FSA het aangesluit by die International Cycling Association in 1894. In 1905 het die S.A. Fietsry Vereniging en S.A. Atletiek Vereniging saamgesmelt en vir 53 jaar lank saam die twee sporte bedryf.

Gedurende 1958 het die twee sporte elkeen sy eie pad gevolg en was die Suid-Afrikaanse Fietsry Federasie gestig en het ook geaffilieer by UCI.

FSA se hoofkantoor is in Kaapstad.

Funksies van FSA

Die FSA moet toesien dat die nasionale kampioenskappe vir elke dissipline jaarliks plaasvind, dat die nasionale spanne aangewys word soos en wanneer nodig, dat die nasionale truie ontwerp word en dat elke provinsie (affiliaat) se huis in orde is. FSA het die alleen reg op die Nasionale fietsry titels. Nasionale kampioene se truie het 'n goue en groen band om die lyf en moue se some.

Alle fietrsryers moet by FSA registreer d.m.v 'n lisensie. FSA is ook verantwoordelik vir die opleiding van Commissaires en beamptes soos benodig mag word. Hulle is ook verantwoordelik vir die daarstelling van 'n nasionale fietsry kalender vir al die dissiplines.

Olimpiese Spele

FSA moet toesien dat Suid-Afrika verteenwoordig word op die Olimpiese Spele en om die doel te bereik is hy by SASKOK geaffilieer.

Toer van Suid-Afrika

Elke fietsry land het 'n Nasionale toer en die Tour de France is seker die bekendste toer in die wêreld. Die Rapport Toer (1973-1999) was altyd Suid-Afrika se enigste internasionale toer. Na 'n lang afwesigheid van internasionale toere het FSA gedurende 2011 die "Tour of South Africa" aangebied. Hierdie toer was deur die UCI goedgekeur. Die toer was baie goed ondersteun deur die internasioale ryers omrede dit gedurende die noordelike halfrond se winter geskied en geleentheid vir die jaers gee om te oefen en voor te berei vir die komende Europese fietsry seisoen.

Bekende Suid-Afrikaanse Fietsryers

Suid-Afrika se eerste wêreldkampioen was gekroon gedurende 1893 toe Laurens Meintjes die 100 myl wedren gewen het te Chicago. Hy het voortgegaan en 16 nuwe wêreldrekords opgestel. Hy was Suid-Afrika se eerste wêreldkampioen in enige sportsoort.

Jack Rose was Suid-Afrika se tweede wêreldrekordhouer; hy het dit opgestel gedurende 1897 in die 25 myl wedren. Tydens die Olimpiese Somerspele 1912 te Stockholm het Rudolph "Okey" Lewis Suid-Afrika se eerste goue medalje ooit vir fietsry gewen in die 320km tydtoets. Sy tyd was 10 uur, 42 min. 39 sek.

Ertjies Bezuidenhout (geb.13.10.1955; oorl. 29.2.2012) het die Rapport Toer gewen in 1984 en het ook die Argus-fietswedren drie keer gewen in 1981, 1982 en 1986. Ertjies was 'n sterk klimmer en het die Koning van die Berge-titel verskeie kere gewen in die Rapport Toer.

Greg Minnaar het gedurende 2001 en 2012 die afdraande veldwedren (DHI) formaat wêreldkampioenskap gewen en Burry Stander het gedurende 2009 die onder-23 bergfiets (XCO) formaat wêreldkampioenskap gewen.

Robbie Hunter is die eerste Suid-Afrikaner wat aan die Tour de France (2001) deelgeneem het en ook die eerste Suid-Afrikaner wat 'n skof kon wen gedurende die 2007 Tour de France.

Verwysings

  1. Fietsry Suid-Afrika se amptelike webtuiste
  2. UIC se webtuiste
  3. UCI Regulations - Part 1: General Organisation of Cycling as a Sport