Suid-Afrikaanse Nasionale Weermag

Die Suid-Afrikaanse Nasionale Weermag (SANW) is die amptelike krygsmag van Suid-Afrika. Dit het in 1994 tot stand gekom as opvolger van die Suid-Afrikaanse Weermag (SAW). Dit sluit personeel en toerusting van die SAW en voormalige tuislande in, asook personeel van voormalige guerrilla-magte van sekere politieke partye soos die ANC se Umkhonto we Sizwe, die PAC se APLA en die beskermingseenhede van die IFP.

Herbewapening

In 1999 het die ANC-regering $4,8 miljard (R30 miljard rand) aan die aankoop van nuwe wapentuig spandeer. Verskeie aantygings van korrupsie tydens die aankope is daarna geopper. Die aankope behels die verkryging van korvette, duikbote, ligte helikopters, veg-simulators en gevorderde ligte vegvliegtuie.

Personeel

Teen 30 April 2011 was die rassesamestelling as volg:

• 54 503 (70.6%) Swart;
• 12 106 (15.7%) Wit;
• 9 687 (12.6%) Kleurlinge;
• 872 (1.1%) Indiërs;

Volgens geslag sien die SANW as volg daar uit: 56 663 Mans (73.4%) 20 505 Dames (26.6%)

Die teiken vir vroulike rekrute is in 2010 tot 40% verhoog.

Eksterne skakels

• Suid-Afrika se departement van verdediging
• Verdedigingswet (Wet 42 van 2002)