Willem-Alexander van die Nederlande

Willem-Alexander

Willem-Alexander, Prins van Oranje (Willem-Alexander Claus George Ferdinand; gebore 27 April 1967) is sedert 1980 die troonopvolger van die Koninkryk der Nederlande. Hy is die oudste kind van Koningin Beatrix en Prins Klaus van Amsberg en is sedert sy vader se dood in 2002 die hoof van die Huis van Amsberg.

Willem-Alexander het in die Nederlandse Koninklike Vloot gedien en geskiedenis aan die Universiteit van Leiden gestudeer. Hy is in 2002 met Máxima Zorreguieta Cerruti getroud. Hulle het drie dogters: prinses Catharina-Amalia (gebore 2003), prinses Alexia (gebore 2005) en Prinses Ariane (gebore 2007).

Op 28 Januarie 2013 kondig sy moeder aan dat sy op 30 April 2013, op Koninginnedag, gaan abdikeer. Prins Willem-Alexander sal haar dan in die posisie as koning opvolg. As hy die troon bestyg sal hy die eerste koning sedert die dood van sy groot-oupagrootjie, Willem III in 1890 wees.