Bedford, Oos-Kaap

Bedford
Bedford
Koördinate: 32°40′40″S 26°5′16″O
Land	Suid-Afrika
Provinsie	Oos-Kaap
Distriksmunisipaliteit	Amathole
Plaaslike Munisipaliteit	Nxuba
Stigting	1857
Oppervlak
• Totaal	2,54 km2 (0,98 vk. myl)
Bevolking
• Totaal	3 097
• Digtheid	1 200/km2 (3 000/vk. myl)
Tydsone	UTC+2 (SAST)
Webwerf	bedford.co.za

Bedford is 'n dorp in die Oos-Kaap, Suid-Afrika. Die dorp is tussen Cradock, en Grahamstad, en is ook 160 km van die Oos-Kaapse kus.

Geskiedenis

Die dorp is in 1854 op die plaas Maasstroom uitgelê, aan die voet van die Winterberge. Die plaas het aan sir Andries Stockenström behoort. Hy was die adjunk-goewerneur van die Oos-Kaap en het die dorp na sy vriend, die hertog van Bedford vernoem.

Opvoeding

Bedford beskik oor twee skole. Die Hoërskool Templeton is in 1865 gestig en bied onderrig in Afrikaans en Engels van gr. R tot gr.12. Die leerderkorps is driekwart swart en sowat 'n kwart bruin met net 'n hand vol wit leerders. Die Bedford Country School is Januarie 2009 begin om bekostigbare, Christelike gehalte-onderrig in Engels aan leerders van Bedford en die omliggende gebied te voorsien. Die skool strek van driejariges tot graaddries.

Distrik

Die distrik is 2 600 km² groot. Daar word met beeste, skape en perde geboer.

Bekende boorlinge

• Billy Millar - Springbokrugbyspeler en Suid-Afrika se elfde Springbokkaptein.

Sien ook

• NG gemeente Glen Lynden
• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Bedford se webtuiste
• Webtuiste van die Hoërskool Templeton

Fotogalery

Sakegeboue

• 
  'n Tweedehandseboekwinkel aan Bedford se hoofstraat.
• 
  'n Gebou in Bedford se sakekern waarvan die dak ineengestort het.
• 
  'n Eens sierlike gebou in die hoofstraat wat 'n meubelwinkel huisves.
• 
  'n Oudhedewinkel aan die hoofpad deur Bedford.
• 
  Dié sakegebou aan die hoofstraat huisves onder meer Pep Stores.

Openbare geboue

• 
  Dié gebou, eens die kantoor van Bedford se eie munisipaliteit, huisves nou die plaaslike kantoor van die Nxuba-munisipaliteit.
• 
  Beford is die setel van die NG gemeente Glen Lynden.
• 
  Die NG gemeente se vorige kerkgebou is opgerig in 1894 en dien nou as kerksaal.
• 
  'n Gedenkteken tussen die munisipale kantoor en Bedford Country School opgedra aan gesneuweldes van die Tweede Wêreldoorlog.
• 
  Die meeste kerke op Bedford is meer as 'n eeu oud en redelik klein soos dié Presbiteriaanse kerkie.
• 
  Die Sewendedag-Adventiste-kerk op Bedford.
• 
  Talle geboue het in 2012 'n laag verf gekort.
• 
  Geboue in die middedorp met gemengde gebruik.
• 
  Talle winkels in die middedorp getuig daarvan dat Bedford eens op 'n tyd 'n bedrywige handelsentrum was.

Woonhuise

• 
  Tipiese woonhuise aan een van Bedford se grondstrate.
• 
  'n Woonhuis op Bedford.
• 
  'n Woonhuis op Bedford.
• 
  'n Woonhuis op Bedford.
• 
  'n Woonhuis op Bedford.