Karp: Verskil tussen weergawes
→Bron: Spelfout |
|||
| Lyn 64: | Lyn 64: | ||
== Bron == |
== Bron == |
||
* First Field Guide to Fishes of |
* ''First Field Guide to Fishes of Southern Africa''. Rudy van der Elst. 1999. ISBN 978-1-86872-288-4 |
||
==Verwysings== |
==Verwysings== |
||
Wysiging soos op 09:10, 29 Junie 2013
| Karp | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | Cyprinus Linnaeus, 1758
|
| Sinonieme | |
|
Mesocyprinus Fang, 1936 | |
Die Karp (Cyprinus carpio) is 'n varswatervis van die familie Cyprinidae. Die gewone karp is die bekendste karp en is oorspronklik afkomstig van Asië. In die 12de eeu het Europese monnike karpe geteel as 'n bron van voedsel en in 1877 is karpe in die Verenigde State van Amerika ingevoer. In sentraal Europa is karp 'n algemene tradisionele gereg oor Kersfees.
Voorkoms
Die vis is olyf-bruin tot goud in kleur. Drie verskillende skub patrone word op die visse gevind:
- lyf is vol skubbe en staan bekend as die Volskaal karp
- lyf het geen skubbe nie en staan bekend as die Leer karp
- lyf is gedeeltelik bedek met skubbe en staan bekend as die Spieël karp
Die mond kan vorentoe uitstrek en daar is 'n paar baarde aan die mond wat dien as 'n tasorgaan. Die vis kan tot 24 kg weeg.
Habitat
Die vis leef in damme, mere, modderrige riviere en stadig vloeiende riviere, selfs staande water. Hulle is gewoonlik op die bodem doenig waar die modder versteur en kos gesoek word. Die wyfie lê haar eiers gedurende die lente en somer in vlak water of onder waterplante.
Karp Aas
Boilies is ongetwyfeld een van die beste varswater vis ase wat spesiaal gemaak word om groot vis mee te vang. Dit is nie net 'n uitstekende hengel aas vir spesie karp hengel nie, dit is ook uiters geskik vir beide kompeterende en sosiale karp hengel. Boilies is beskikbaar in 'n groot verskeidenheid kleure, geure en in verskillende vorms en groottes; van klein mikro boilies (sommige selfs so klein as 6mm) tot die heel groottes van so 40-50mm wat uitstekend werk vir monster vis, beide karp en baber.
Die mees algemene manier om 'n boilie te gebruik is met behulp van 'n haar strop (die aas word aan die haar geheg en nie direk aan die hoek vas gemaak nie) wat die boilie toe laat om aan die agter kant van die hoek te rus. Dit beteken nie net dat die aas meer natuurlik in die water sal voorkom nie maar ook dat dit dikwels die verskil sal maak tussen n goeie hoek greep en 'n ondoeltreffende greep. Weens die manier waarop karp na kos soek word alles wat na kos lyk eers van die bodem af opgesuig en dit wat nie kos is nie word dan baie vinnig weer uit geblaas; sou die vis besluit die boilie is nie eetbaar nie sal hy dit baie vinnig uitblaas, maar daar die boilie onafhanklik kan rond beweeg (los van die hoek) haak die hoek baie maklik in die karp se mond vas, en ook meer gereeld in die vis se onderlip waar dit nie maklik sal loskom nie.[1]
Ander karp aas wat in al ons hengel waters goeie vangstes oplewer is soetmielies, degieaas, dryfasies en erdwurms. Soetmielies word eers gekook en daarna binne-in 'n groot verskeidenheid van geursels verpak. Omdat dit redelik sag gekook word kan jy dit sommer direk op die hoekpunt haak. Die mees bekende degieaas is seer sekerlik doodgewone koekmeel wat met 'n bietjie water gemeng word, en dan bo-oor die hoeksteel gedraai word. Dit word dan netso, ongegeur, gebruik of jy kan dit bietjie versoet met strooi suiker of heuning of jy kan dit binne-in die geursel van jou keuse doop. Daar is bittermin hengelaars wat nie dryfasies ken nie. Hulle is beskikbaar in drie verskillende groottes, met ‘n hard of sagte tekstuur, en gegeur in ‘n magdom verskillende geure en word nes soetmielies direk op die hoekpunt gehaak. Erdwurms, veral die kleiner rooi wurm, het ‘n baie sterk, natuurlike, lok reuk; en alhoewel dit meestal vir kurper hengel gebruik word gebruik baie karp hengelaars dit ook saam hul deegaas en/of dryfasies. Haak eers die erdwurm op die hoek sodat dit agter-op die hoek se steel tot ruste kom en daarna word jou ander asie opgesit. Uiters doeltreffend, veral in die somer maande.
Koi
Die Koi-visse is almal karpe wat spesiaal geteel word.
Sien ook
- Koi
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Eksterne skakel
Bron
- First Field Guide to Fishes of Southern Africa. Rudy van der Elst. 1999. ISBN 978-1-86872-288-4
Verwysings
- ↑ Karp Aas - Boilies, besoek op 07 Junie 2013
