Windswaels

Windswaels
Bruinwindswaels (Apus apus) Let op: die vlerk se vorm is anders as die van swaeltjies.
Wetenskaplike klassifikasie
Koninkryk:	Animalia
Filum:	Chordata
Klas:	Aves
Orde:	Apodiformes
Familie:	Apodidae Hartert, 1897
Genera
Amper 20, sien teks.

Windswaels (Apodidae) is 'n familie van voëls wat goed aangepas is om in die lug te leef en vlieënde insekte in vlug te kan vang. Hoewel hulle baie soos gewone swaels lyk, behoort hulle aan totaal verskillende ordes. Windswaels behoort tot die orde windswaelagtiges (Apodiformes), terwyl gewone swaels sangvoëls (Passeriformes) is. Die sterk ooreenkoms in leefwyse en hoe hulle vlieg is 'n goeie voorbeeld van konvergente ewolusie.

Die wetenskaplike naam, Apoda kom vanuit Grieks: απους, apous, wat "sonder voete" beteken. Windswaels het byna onsigbare kort pootjies. Hulle sal nooit vrywillig op 'n horisontale vlak land nie. As hulle nie vlieg nie, hang hulle met hulle pootjies aan 'n vertikale voorwerp, soos 'n rotswand, muur of 'n boomtak.

Die familie omvat ongeveer 20 genera met 102 spesies.

Taksonomie

• Tribus Cypseloidini
  • genus Cypseloides (8 spesies)
  • genus Streptoprocne (5 spesies)

• Tribus Collocaliini
  • genus Collocalia (4 spesies)
  • genus Aerodramus (27 spesies, soms spesies in genus Collocalia)
  • genus Hydrochous (1 soort])
  • genus Schoutedenapus (2 spesies)

• Tribus Chaeturini
  • genus Mearnsia (2 spesies)
  • genus Zoonavena (3 spesies)
  • genus Telacanthura (2 spesies)
  • genus Rhaphidura (2 spesies)
  • genus Neafrapus (2 spesies)
  • genus Hirundapus (4 spesies)
  • genus Chaetura (11 spesies)

• Tribus Apodini - tipiese (of gewone) windswaels
  • genus Aeronautes (3 spesies)
  • genus Tachornis (3 spesies)
  • genus Panyptila (2 spesies)
  • genus Cypsiurus (2 spesies)
  • genus Tachymarptis (2 spesies)
  • genus Apus (17 spesies)

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name