21 Augustus

21 Augustus is die 233ste dag van die jaar in die Gregoriaanse kalender (234ste in skrikkeljare). Daar volg nog 132 dae in die res van die jaar.

Gebeure

• 1740 – Pous Benedictus XIV word gekroon deur kardinaal Carlo Maria de' Marini.
• 1901 – Die Cadillac Motor Maatskappy word gestig in Detroit, Michigan, VSA.
• 1972 – Die olietenkskepe Texanita en Oswego Guardian bots voor Stilbaai en eersgenoemde sink.
• 1986 – Giftige gas ontsnap van die vulkaniese Nyosmeer in Kameroen en meer as 1 700 mense sterf.
• 1989 – Raymond Suttner, anti-apartheidsaktivis en dosent in die regte aan Wits, woon die kongres van die OAE in Harare by, ondanks sy inperking.
• 1991 – Letland word van die Sowjetunie onafhanklik.

Geboortes

• 1943 – Tolla van der Merwe, Suid-Afrikaanse storieverteller en komediant († 2000)
• 1944 – Eleanor Baker, Suid-Afrikaanse skrywer († 2002).
• 1955 – Ngoako Ramathlodi, voormalige premier van Limpopo.

Sterftes

• 1938 – Dr. Frans Engelenburg, Suid-Afrikaanse joernalis en koerantredakteur en twee maal voorsitter van die Suid-Afrikaanse Akademie vir Wetenskap en Kuns (* 1863)
• 1978 – Dr. Nico Diederichs, Suid-Afrika se derde staatspresident (* 1903).

Gepubliseer

• 1871 – Die apostoliese konstitusie "In Hac Sublimi" deur Pous Pius IX.