Maclear

Maclear
Dorp
Maclear Poskantoor
Maclear
Koördinate: 31°5′0″S 28°22′0″O
Land	Suid-Afrika
Provinsie	Oos-Kaap
Distriksmunisipaliteit	Joe Gqabi
Plaaslike Munisipaliteit	Elundini
Stigting	1876
Oppervlak
• Totaal	7,24 km2 (2,80 vk. myl)
Hoogte	1 272 m (4 173 ft)
Bevolking
• Totaal	4 908
• Digtheid	680/km2 (1 800/vk. myl)
Tydsone	UTC+2 (SAST)
Poskode	5480
Skakelkodes	+27 (0)45

Maclear is 'n dorpie in die Noordoos-Kaap aan die voet van die Drakensberg, sowat 172 km noordoos van Oos-Londen (258  km per pad) en 66 km noordoos van Elliot.

Die dorpie is in 1876 gestig en genoem na Haar Majesteit se astronoom aan die Kaap, sir Thomas Maclear. Dit verkry munisipale status in 1916 nadat dit aanvanklik vinnig ontwikkel het uit die militêre pos wat hier gestig is.

Maclear is geleë in 'n pragtige omgewing en 'n welbekende plek vir forelhengel.

Maclear beskik oor 'n goeie provinsiale hospitaal.

NG gemeente

Vir hoofartikel, sien NG gemeente Maclear

Maclear was eers 'n buitewyk van die gemeente Ugie en reeds in 1905 is met groot opoffering, omdat die mense hier toe nog baie arm was, 'n kerkgeboutjie opgerig. In 1916 verkry die dorp munisipale status en die gemeente stig van Ugie af met 'n lidmaattal van sowat 400. Die eerste leraar wat die beroep hierheen teen 'n salaris van £250 aangeneem het, was prop. W.R. de Villiers. Hy is slegs 22 maande na hy die beroep aanvaar het, oorlede. Hy is opgevolg deur ds. J.P. Kriel.

Sien ook

• Lys van dorpe in Suid-Afrika

Bronne

• Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
• Raper, P.E., Dictionary of South African Place Names, Lowry Publishers, Johannesburg, 1987.

Eksterne skakels

• Maclear se amptelike webtuiste