Lughawe Londen-Heathrow

Heathrow se Terminaal 5-gebou.

Die Lughawe Londen-Heathrow of kort Heathrow (ICAO: EGLL, IATA: LHR) is 'n groot internasionale lughawe wat die Britse hoofstad bedien. Die lughawe, wat tussen 1946 en 1965 as London Airport bekend gestaan het, is in die Wes-Londense Borough of Hillingdon geleë.

Heathrow is die besigste lughawe in die Verenigde Koninkryk en Europa, en dit was in 2012 ook op twee na die besigste ter wêreld volgens die getal passasiers wat bedien is. Met 69,9 miljoen het dit meer passasiers gehanteer as die Charles de Gaulle-lughawe in Parys (61,6 miljoen) en Frankfurt am Main met 57,5 miljoen. Volgens die getal vliegtuie, wat in 2012 gehanteer is, is Heathrow die derde besigste lughawe in Europa ná Charles de Gaulle en Frankfurt am Main.

As Londen se hooflughawe het Heathrow twee vroeëre lughawens, die lugmagbasis RAF Northolt en die Lughawe Londen-Croydon, vervang. Met meer as 76 000 werkgeleenthede op die lughawe en 'n verdere 116 000 in die onmiddellike omgewing waar 'n groot aantal globale maatskappye sy kantore het, vorm Heathrow vandag 'n uitgestrekte besigheidsone wat 'n geskatte 2,7 persent tot Londen se bruto waardeskepping bydra.

Eksterne skakels

• Amptelike webtuiste