Noordwes-Universiteit: Verskil tussen weergawes
opdateer infokas |
|||
Lyn 105: | Lyn 105: | ||
* [[Christa Steyn]], 'n student gedurende 1976-78, oorlede op [[11 Junie]] [[2012]] in Pretoria, was ook lid van die Alabama Studentegeselskap; ’n komponis, pianis en Afrikaanse sangeres wat bekend was vir haar duette saam met Jannie du Toit. |
* [[Christa Steyn]], 'n student gedurende 1976-78, oorlede op [[11 Junie]] [[2012]] in Pretoria, was ook lid van die Alabama Studentegeselskap; ’n komponis, pianis en Afrikaanse sangeres wat bekend was vir haar duette saam met Jannie du Toit. |
||
* [[Kobie van Rensburg]] <ref>[http://www.kobievanrensburg.de www.kobievanrensburg.de]</ref> is ’n wêreldbekende [[opera]]sanger wat tans vanuit Duitsland werk. Hy was lid van die [[Potchefstroomse Universiteitskoor]] (1987-1994). |
* [[Kobie van Rensburg]] <ref>[http://www.kobievanrensburg.de www.kobievanrensburg.de]</ref> is ’n wêreldbekende [[opera]]sanger wat tans vanuit Duitsland werk. Hy was lid van die [[Potchefstroomse Universiteitskoor]] (1987-1994). |
||
== Noemenswaardige personeel == |
|||
* [[S.P.E. Boshoff]], akademikus en skrywer |
|||
* [[Wicus du Plessis]], regsgeleerde en ekonoom |
|||
== Kommersiële produkte en patente == |
== Kommersiële produkte en patente == |
Wysiging soos op 15:17, 6 Februarie 2014
Noordwes-Universiteit | |
---|---|
North West University Yunibesiti ya Bokone-Bophirima | |
Motto: | Innovasie deur diversiteit |
Gestig: | 2004 |
Tipe: | Openbare universiteit |
Vise-Kanselier: | Theuns Eloff |
Rektor: | Herman van Schalkwyk |
Fakulteite: | 15 |
Studente: | 33 713 (2004) |
Voorgraadse studente: | 31 300 (2004) |
Nagraadse studente: | 2 413 (2004) |
Ligging: | Potchefstroom Mahikeng Vereeniging, Noordwes, Suid-Afrika 33°37′11″S 23°4′17″E / 33.61972°S 23.07139°O |
Voormalige name: | Potchefstroomse Universiteit vir Christelike Hoër Onderwys Universiteit van Noordwes |
Koerant: | Die Wapad |
Sport: | Aërobiese oefeninge, Atletiek (Baan en veld, Landloop en padwedlope), Basketbal, Gholf, Gimnastiek, Hokkie, Judo, Kanovaart, Karate, Krieket, Muurbal, Netbal, Pluimbal, Ringbal, Rotsklim, Rugby, Sagtebal, Skaak, Sokker, Swem, Taekwondo, Tafeltennis, Tennis, Veelkampe, Vlugbal. |
Kleure: | Meroen, groen, blou |
Bynaam: | Pukke |
Gelukbringer: | Tarentaal |
Atletiek: | NWU-PUK |
Webtuiste: | http://www.nwu.ac.za/ |
Die Noordwes-Universiteit (bynaam "Pukke"), voorheen bekend as die Potchefstroomse Universiteit vir Christelike Hoër Onderwys (afgekort: PU vir CHO) en die Universiteit van Noordwes is in 2004 gestig. Dit is ’n medium grootte Suid-Afrikaanse universiteit. Onderrig geskied hoofsaaklik in Afrikaans op die Potchefstroom-kampus en in Engels op die ander kampusse, naamlik Mahikeng, Mankwe en Vaaldriehoek (Vanderbijlpark).
Geskiedenis
Die Potchefstroomse Universiteit het ontwikkel uit die Teologieskool van die Gereformeerde Kerke van Suid-Afrika (afgekort GKSA), wat op 29 November 1869 op Burgersdorp gestig is met die grondlegger van die GKSA, ds. Dirk Postma, as eerste lektor. By die stigtingsvergadering is besluit dat die skool onderrig sal verskaf aan toekomstige onderwysers en ander persone, sonder om enige voorkeur aan ’n spesifieke professie te gee. Aanvanklik was daar vyf studente en twee lektore, Postma en ds. Jan Lion Cachet.
In 1877 word ’n "Letterkundedepartement" gevestig, met een professor, ds. Petrus Postma, 'n seun van ds. Dirk Postma, wat die spesifieke doel gehad het om studente op te lei vir ’n akademiese graad of as onderwysers.
In 1905 word die Teologieskool, tesame met die Letterkundedepartement, verskuif van Burgersdorp na Potchefstroom.
Ten einde te kwalifiseer vir regeringsubsidies, word die Letterkundedepartement in 1919 van die Teologieskool geskei en die Het Potchefstroom Universiteitskollege voor Christelike Hooger Onderwijs (afgekort tot PUK) ontstaan. Daar is besluit dat die PUK ’n hoër onderriginstituut, onafhanklik van die GKSA, sal wees, alhoewel die PUK sou voortgaan om predikante vir die GKSA op te lei.
In 1921 word die Potchefstroomse Universiteitskollege (sonder die "vir Christelike Hoër Onderwys" agtervoegsel) geïnkorporeer by die Universiteit van Suid-Afrika; die PUK het eers in 1933 die "vir Christelike Hoër Onderwys" as deel van sy naam teruggekry.
Die Potchefstroomse Universiteitskollege vir Christelike Hoër Onderwys word amptelik in 1951 as ’n onafhanklike universiteit erken en hernoem tot Potchefstroomse Universiteit vir Christelike Hoër Onderwys.
In 1966 word die Vaaldriehoek-kampus gevestig in Vanderbijlpark, ten einde tersiêre onderrig in hierdie omgewing te verskaf.
In 2004 smelt die Potchefstroomse Universiteit saam in die Noordwes-Universiteit. Die ander twee kampusse is in Mahikeng en in Vanderbijlpark.
Fakulteite
Die Potchefstroomse Universiteit het kursusse verskaf en die Potchefstoomkampus van die Noordwes-Universiteit gaan voort om dit te verskaf, in die volgende fakulteite (die jaar waarin die fakulteit gestig is, word in hakies aangedui):
- Lettere en Wysbegeerte (1921)
- Natuurwetenskappe (1922)
- Teologie (1930)
- Onderwyswetenskappe (1935)
- Ekonomiese en Bestuurswetenskappe (1942)
- Regsgeleerdheid (1966)
- Ingenieurswese (1983)
- Gesondheidswetenskappe (1999)
Kultuur
Die universiteit se "Alabama Studentegeselskap", ’n musiekrevue-groep, gestig in 1943 en ontbind in 2008, is dwarsoor Suid-Afrika bekend. Die Potchefstroomse Universiteitskoor is wêreldbekend en was vir meer as 30 jaar onder leiding van prof. Awie van Wyk.
Studentegetalle en statistiek
In Augustus 2004 het die Potchefstroom kampus van die Noordwes-Universiteit 33 713 studente gehad. Hiervan was 13 021 manlik en 20 692 vroulik. Daar was 31 300 voorgraadse studente en 2 413 nagraadse studente.
Bekende oudstudente
Politiek
- F. W. de Klerk, Staatspresident van Suid-Afrika (1989-1994); Visepresident van Suid-Afrika tydens Nelson Mandela se Presidentskap (1994-1996).
- Pieter Mulder, Adjunk-Minister van Bosbou, Landbou en Visserye (2009-huidig); Leier van die Vryheidsfront Plus (2001-huidig)
- Corné Mulder, Lid van die Parlement vir die Vryheidsfront Plus
Uitvoerende Kunste
- Rina Hugo, bekende sangeres het haar B.Mus.-graad hier verwerf in 1970. Sy was ook lid van die Alabama Studentegeselskap. Sy het uitgeblink in feitlik alle genres wat deur ’n solis beoefen kan word naamlik: Opera, oratorium, operette, musiekblyspele, die kunslied en ligte musiek.
- Christa Steyn, 'n student gedurende 1976-78, oorlede op 11 Junie 2012 in Pretoria, was ook lid van die Alabama Studentegeselskap; ’n komponis, pianis en Afrikaanse sangeres wat bekend was vir haar duette saam met Jannie du Toit.
- Kobie van Rensburg [1] is ’n wêreldbekende operasanger wat tans vanuit Duitsland werk. Hy was lid van die Potchefstroomse Universiteitskoor (1987-1994).
Noemenswaardige personeel
- S.P.E. Boshoff, akademikus en skrywer
- Wicus du Plessis, regsgeleerde en ekonoom
Kommersiële produkte en patente
CFAM - Sentrum vir Gevorderde Vervaardiging
Voorbeelde van tipiese projekte wat aangepak is:
- Skroefsegment vir dubbelskroef-ekstrueerders
- Lope en loopsegmente vir dubbelskroef-ekstrueerders
- Ekstrusiematryse en knieblokke
- Komponente vir die verdedigingsbedryf
- Komponente vir die myn- en rotsboorbedryf
- Herontwerp van komponente van veral dubbelskroef-ekstrueerders
CTexT - Sentrum vir Tekstegnologie
- Speltoetsers vir verskeie Suid-Afrikaanse tale insluitende Afrikaans, Tswana, Noord-Sotho, Zoeloe en Xhosa
- Tsenang! is 'n multimediaprogram vir die aanleer van Tswana
- Ngenani! is 'n multimediaprogram vir die aanleer van Zoeloe
Student lab
- Student Lab Small Scale Chemistry laboratory
Bekende aktiwiteite
Tarentaal
Die Republiek van Tarentaal is in 1972 gestig met John Vorster as die eerste president.[2] Hierdie fiktiewe "republiek" se kultuurerfenis en geskiedenis was gebruik as 'n voertuig om eerstejaarstudente tuis te maak op die kampus, asook in te lei in die sosiale studentelewe op die Puk. Republiek van Tarentaal was veral aktief op die kampus tydens die sg. "ontgroeningseremonies" ('n tipe inisiasie) van eerstejaars elke jaar in Januarie. Laasgenoemde was 'n stokou tradisie wat in die 1990's afgeskaf (eintlik verbied) is, a.g.v. berugte wanpraktyke van seniors teenoor nuwelinge (onder die dekmantel van ontgroening), wat die universiteit se beeld na buite geskaad het.
Jool
Dit is ’n liefdadigheidsorganisasie waar al die eerstejaars, in hul koshuisverband, met hul self-geboude vlotte deur die strate van die dorp beweeg en geld insamel vir 'n goeie doel.
Koshuise
Verwysings
- ↑ www.kobievanrensburg.de
- ↑ Lenie, Gouws (19 Mei 2011). "Die Republiek van Tarentaal kom van ver af" (html). NWU. Besoek op 17 Junie 2012.