W.E.G. Louw: Verskil tussen weergawes

in Wikipedia, die vrye ensiklopedie
Content deleted Content added
Skakels
No edit summary
Lyn 68: Lyn 68:


[[Kategorie:Afrikaanse digters]]
[[Kategorie:Afrikaanse digters]]

{{DEFAULTSORT:Louw, William Ewart Gladstone}}

Wysiging soos op 21:50, 10 Februarie 2014

W.E.G. Louw
Gebore
William Ewart Gladstone Louw

31 Mei 1913
Sutherland
Sterf24 April 1980
Stellenbosch
TitelDigter, akademikus en skrywer
EggenootRosa Nepgen
Dié herinnering aan sy aanneming as lidmaat van die NG gemeente Jeppestown is op 11 April 1943 aan W.E.G. Louw uitgereik.

William Ewart Gladstone Louw (19131980) was 'n Afrikaanse skrywer en digter. Al sy boeke is as W.E.G. Louw gepubliseer. Hy was die jonger broer van die digter N.P. van Wyk Louw. In 1935 wen hy die Hertzogprys vir Die ryke dwaas (saam met C. Louis Leipoldt en Totius). Die versameling poësie kan moontlik as die begin van die Dertigers-beweging in die Afrikaanse literatuur gesien word.[1]

Biografie

William Ewart Gladstone Louw is op 31 Mei 1913 in Sutherland (destyds in die Kaapprovinsie, deesdae in die Noord-Kaap) gebore en matrikuleer van die South African College in Kaapstad.

Vanaf 1931 tot 1935 studeer hy aan die Universiteit van Kaapstad en ontvang 'n M.A. met 'n verhandeling oor die poësie van J.H. Leopold. Daarna sit hy sy studies in Nederland aan die Universiteit van Amsterdam voort, waar hy 'n D.Lit verwerf. In November 1938 keer hy terug na Kaapstad, en verwerf 'n Ph.D. met 'n verhandeling oor die invloed van Gorter op Leopold (Die invloed van Gorter op Leopold: ’n bydrae tot die sensitivisme).

In 1944 trou hy met die komponis Rosa Nepgen.

Hy stig die onafhanklike tydskrif Standpunte in 1945 saam met N.P. van Wyk Louw en H.A. Mulder.

Sy eerste akademiese posisie was as professor vir Afrikaans en Nederlands aan die Rhodes Universiteit in Grahamstad. In 1957 aanvaar hy 'n pos as kunsredakteur van Die Burger en bly tot die einde van 1966 in die betrekking aan. Vanaf 1967 dien hy as professor in Nederlandse letterkunde aan die Universiteit van Stellenbosch tot met sy aftrede in 1978.

Louw is op 24 April 1980 in Stellenbosch oorlede.

Bibliografie

  • Die ryke dwaas, Nasionale Pers Beperk (Kaapstad), 1934
  • De nieuwere Afrikaanse poëzie, ’s-Gravenhage: Daamen, 1939
  • Terugtog, Nasionale Pers Beperk, 1940
  • Die invloed van Gorter op Leopold: ’n bydrae tot die sensitivisme, Nasionale Pers Beperk, 1942
  • Adam en ander gedigte, Tafelberg (Kaapstad) & Constantia (Johannesburg), 1944
  • Bybels en Babels: verse, Nasionale Boekhandel Beperk (Kaapstad), 1957
  • Vaandels en voetangels: opstelle pro en contra, Balkema (Kaapstad), 1958
  • Ou wyn van vreugde: opstelle oor ons ouer poësie, Balkema, 1958
  • Onvoltooide kalender: essays, Tafelberg, 1962
  • Kolom: veertig opstelle, Tafelberg, 1964
  • So ver as ’n engel te perd kan ry, Tafelberg, 1969
  • Twee bronne van vernuwing in die poësie van NP Van Wyk Louw, RAU (Johannesburg), 1971
  • “Is die poësie nutteloos?”, Afrikaanse Skrywerskring (Johannesburg), 1971
  • Naggesprek en ander gedigte, Tafelberg, 1972, ISBN 0624002950
  • Versamelde gedigte, Tafelberg, 1973, ISBN 0624003671
  • Vensters op die vrees, Tafelberg, 1976, ISBN 0624009335
  • Persoonlike perspektiewe: WEG Louw in gesprek met Roy Pheiffer, Tafelberg, 1977, ISBN 0624010473
  • Opvlugte en opdragte, Tafelberg, 1980, ISBN 0624014614

Verwysings

  1. Lindenberg, E., et al. "Inleiding tot die Afrikaanse Letterkunde". Pretoria en Kaapstad: Vyfde uitgawe, 1980.

Sien ook

Eksterne skakels