Skubaduik: Verskil tussen weergawes

in Wikipedia, die vrye ensiklopedie
Content deleted Content added
→‎Toerusting: Beter woord
Skakel en spelfout
Lyn 5: Lyn 5:
'''Skubaduik''' is 'n aktiwiteit waar mense ("skubaduikers", of net "duikers" genoem) 'n lang tyd onderwater deurbring. Skubaduik word vir ontspanning beoefen en is 'n groeiende tydverdryf. Die woord skuba is afgelei van die Engelse woord ''scuba'' wat die afkorting is vir: '''''S'''elf-'''C'''ontained '''U'''nderwater '''B'''reathing '''A'''pparatus''.
'''Skubaduik''' is 'n aktiwiteit waar mense ("skubaduikers", of net "duikers" genoem) 'n lang tyd onderwater deurbring. Skubaduik word vir ontspanning beoefen en is 'n groeiende tydverdryf. Die woord skuba is afgelei van die Engelse woord ''scuba'' wat die afkorting is vir: '''''S'''elf-'''C'''ontained '''U'''nderwater '''B'''reathing '''A'''pparatus''.


[[Umkomaas]] en [[Sodwanabaai]] is gewilde bestemmings vir skubaduikers langs die Suid-Afrikaanse kus. Verder op teen die ooskus is [[Ponta do Ouro]] in Mosambiek ook gewild. In die binneland word varswater duiktogte by ''Miracle Waters'' en ''Bass Lake'' onderneem.
[[Umkomaas]] en [[Sodwanabaai]] is gewilde bestemmings vir skubaduikers langs die Suid-Afrikaanse kus. Verder op teen die ooskus is [[Ponta do Ouro]] in [[Mosambiek]] ook gewild. In die binneland word varswater duiktogte by ''Miracle Waters'' en ''Bass Lake'' onderneem.


== Toerusting ==
== Toerusting ==
Lyn 18: Lyn 18:


== Veiligheid ==
== Veiligheid ==
Vir veiligheid met daar op die volgende gelet word:
Vir veiligheid moet daar op die volgende gelet word:


* Gaan vir duiklesse voor jy inspring.
* Gaan vir duiklesse voor jy inspring.

Wysiging soos op 09:01, 26 Februarie 2014

Skubaduikers besigtig visse en korale onder die water.
'n Skubaduiker.
1: Lugpyp, 2: Mondstuk, 3: Reguleerder, 4: Harnas, 5: Rugplaat, 6: Lugbottel

Skubaduik is 'n aktiwiteit waar mense ("skubaduikers", of net "duikers" genoem) 'n lang tyd onderwater deurbring. Skubaduik word vir ontspanning beoefen en is 'n groeiende tydverdryf. Die woord skuba is afgelei van die Engelse woord scuba wat die afkorting is vir: Self-Contained Underwater Breathing Apparatus.

Umkomaas en Sodwanabaai is gewilde bestemmings vir skubaduikers langs die Suid-Afrikaanse kus. Verder op teen die ooskus is Ponta do Ouro in Mosambiek ook gewild. In die binneland word varswater duiktogte by Miracle Waters en Bass Lake onderneem.

Toerusting

Noodsaaklike toerusting sluit in:

  • 'n Duikbril wat oor die neus pas. Die duikbril help om onder die water te sien. As water inlek word deur die neus geblaas om die water uit te dryf. As die bril opwasem kan dit ook onder die water uitgespoel en op die gesig oopgeblaas word.
  • Lugbottels (silinders van metaal of aluminium) met saamgeperste lug of 'n ander inasembare gasmengsel.
  • Reguleerder wat aan die silinder gekoppel is. Die reguleerder verminder die druk van die silinder sodat die duiker normaal asem kan haal.
  • Dryfbeheertoestel (Engels: BCD of buoyancy control device) wat met lug gevul of afgeblaas word om vertikaal op en af te beweeg. As dit reg ingestel is kan die duiker gewigloos in die water hang.
  • Duikpak om warm te bly. Die duikpak hou nie die duiker droog nie, maar 'n dun lagie isolerende water word tussen die rubber teen die liggaam vasgevang.
  • Loodgordel (gordel met gewigte) sodat die duiker onder die water kan insak (daarsonder sal die gassilinder veroorsaak dat die duiker op oppervlak dobber).
  • Paddavoete (voetvinne) om vinniger te kan swem.

Veiligheid

Vir veiligheid moet daar op die volgende gelet word:

  • Gaan vir duiklesse voor jy inspring.
  • Gaan voor die tyd al die toerusting na en maak seker alles werk behoorlik.
  • Duik altyd saam met ander mense. Hulle kan jou help as probleme opduik en kan hulle suurstof met jou deel as joune opraak.
  • Voorkom dat jou oortromme bars deur die druk binne jou ore en sinusse gelyk aan die waterdruk om jou. Dit word met die Valsalva-maneuver gedoen: hou die mond styf toe, druk die neus feitlik met die vingers toe en blaas lug onder druk by die neus uit.
  • Haal heeltyd, reëlmatig asem en moet nooit jou asem onder die water ophou nie.
  • Bly kalm en moenie paniekbevange raak nie, kyk waarheen jou lugborrels beweeg as jy gedisoriënteerd voel en wonder waar bo is.
  • Moet nooit uit die water boontoe opskiet nie, beweeg stadig op en maak die nodige dekompressie-stoppe.

Borrelsiekte

Borrelsiekte kan by duikers voorkom wat te te vinnig vanuit die diepte na die oppervlak opskiet. Stikstofborrels kan in die liggaamsweefsel vorm weens die skielike verandering in atmosferiese druk. Dis dieselfde bruiseffek as wanneer 'n blikkie gaskoeldrank geskud en dan oopmaak word.

Hoe dieper die duiker is, hoe hoër is die druk en hoe meer gas word in die bloed opgelos. Die borrels vorm omdat die duiker se liggaam nie genoeg kans kry om die gas wat in die bloed opgelos is, geleidelik deur sy asemhalingstelsel vry te stel nie.

Die simptome van borrelsiekte word soms eers 'n ruk na die duik waargeneem. Dit sluit gewrigspyn, duiseligheid, kortasemrigheid, moeg- en lamheid, swak sig en bewusteloosheid in. In erge gevalle kan die duiker selfs doodgaan.

Om borrelsiekte te voorkom moet die duiker stadig na die oppervlak beweeg en gereelde stoppe vir dekompressie doen. As dit wel woorkom, moet die duiker in 'n dekompressiekamer behandel word.

Stikstofnarkose

Stikstofnarkose kom as die duiker baie diep duik (30 m of dieper). Die stikstof wat onder hoë druk in die bloed oplos het 'n verdowende effek. Dit kan veroorsaak dat die duiker hallusineer, sy begrip van tyd verloor en paniekerig raak. Die toestand is nie fisiek skadelik nie, maar die duiker se reaksie hierop kan gevaarlik wees.

Suurstofvergifting

Suurstofvergifting kom voor as daar meer suurstof as gewoonlik in 'n duiker se lugbottels is. Dit word gewoonlik gedoen om langer duike te kan onderneem. Die duiker loop egter die gevaar dat die suurstof by hoë druk (dieper water) toksies kan raak.

Kloustrofobie

Duikers wat afduik kan paniekerig of kloustrofobies raak. Uit paniek kan hulle dan sonder dekompressie na die oppervlak opskiet. In die proses kan hulle borrelsiekte opdoen of selfs hulle longe ooreis of skeur as hulle hul asems ophou.

Eksterne skakels