Slag van Guadalcanal

Slag van Guadalcanal
Deel van Tweede Wêreldoorlog
November 1942 — VSA Vlootsoldate rus in die veld.
Datum 7 Augustus 1942 – 9 Februarie 1943 Ligging Solomoneilande Resultaat Strategiese oorwinning vir Geallieerde magte
Strydende partye
Geallieerde magte, insluitende:  VSA  Australië  Nieu-Seeland  Verenigde Koninkryk Solomoneilande  Tonga Fiji	Japan
Bevelvoerders
Robert L. Ghormley William Halsey, Jr. Richmond K. Turner Alexander A. Vandegrift Alexander Patch	Isoroku Yamamoto Nishizo Tsukahara Jinichi Kusaka Hitoshi Imamura Harukichi Hyakutake
Sterkte
60,000 man (grondmagte)	36,200 man (grondmagte)
Ongevalle
7,100 dood 4 gevang 29 skepe verloor 615 vliegtuie verloor	31,000 dood 1,000 gevang 38 skepe verloor 683–880 vliegtuie verloor

Die Slag van Guadalcanal het plaasgevind tydens die Tweede Wêreldoorlog in die Solomoneilande tussen Japannese magte en Geallieerde magte. Dit was die eerste offensief wat die Geallieerdes gevoer het teen Japan na die aanval op Pearl Harbor en Slag van Midway. Die slag is bekend vir die bittere gevegte op land en verskeie seegevegte tussen die twee lande se vlote.

Op 7 Augustus 1942 het 19 000 Amerikaanse seesoldate onder bevel van Majoor-generaal Alexander A. Vandegrift geland op die eilande Tulagi en Guadalcanal. Tulagi was binne 'n paar dae oorgeneem. Op Guadalcanal het die seesoldate die vliegveld (daarna Henderson-vliegveld genoem) binne 'n paar dae oorgeneem en in bedryf gestel. Daarna het dit hulle nog maande geneem om die strawwe Japannese weerstand deur bloedige gevegte te oorkom en die eiland oor te neem. Die Japannese het op 7 Februarie 1943 finaal onttrek van die eiland en op 9 Februarie 1943 het die Geallieerdes die eiland veilig verklaar.

Seeslagte om en by Guadalcanal

Daar was verskeie gevegte tussen die Geallieerde en Japannese vlote tydens die slag. Party van die see-gevegte het by Guadalcanal plaasgevind, terwyl ander verder van die eiland was soos die twee magte mekaar se versterkings en logistieke planne in die wiele probeer ry het. Die Japannese vloot het ook tevergeefs probeer om Henderson-vliegveld te bombardeer.

• 9 Augustus 1942 - Seeslag van Savo-eiland.
• 23-25 Augustus 1942 - Seeslag van die Oostelike Solomoneilande.
• 11-12 Oktober 1942 - Seeslag van Kaap Esperance
• 26-27 Oktober 1942 - Seeslag van Santa Cruz
• 12 November 1942 - Aksie suid van Savo-eiland
• 14-15 November 1942 - Tweede aksie van Savo-eiland
• 30 November - 1 Desember 1942 - Seeslag van Tassafaronga

Bron

• The Encyclopedia of Sea Warfare. Spring Books. 1975. ISBN 0-600-33111-3