Fotografie

Een van die eerste foto's wat vandag nog bestaan is die "Venster by Le Gras" deur die fotograaf Joseph Nicéphore Niépce. Die blootstellingstyd was agt ure, wat verduidelik waarom daar sonlig aan beide kante van die geboue sigbaar is.

Fotografie is die tegniek om permanente beelde vas te vang en te genereer deur ligstimuli op fotosensitiewe materiaal vas te vang. Die ligpatrone word vasgevang deur die fotosensitiewe materiaal vir 'n kort oomblik aan die lig bloot te stel. Die proses word uitgevoer deur of meganies/chemiese of digitale toerusting, wat algemeen bekend staan as die kamera.

Die woord fotografie het ontstaan uit die Griekse woorde φως ("phos" wat "lig" beteken), en γραφις ("graphis" wat stilus of verfkwas beteken). Saamgestel, beteken dit "Verf met lig". Sonder lig kan daar geen fotografie wees nie.

Fotografiese Kameras

Die kamera of camera obscura is die instrument of toestel waarmee fotos geneem word, en fotografiese film of 'n digitale stoor kaart is die medium waarop beelde vasgele en/of gestoor word.

Fotograwe gebruik kontroles van die kamera en lens om die ligsensitiewe medium te belig (gewoonlik film of 'n "charge-coupled device"; n "complementary metal-oxide-semiconductor"). Met film word hierdie ligsensitiewe materiaal ontwikkel deur 'n chemiese proses om 'n negatief of 'n positief te vorm.

Die kontroles is gewoonlik, maar nie altyd:

• Fokus van die lens
• Lensopening van die lens – verstelling van die iris, gemeet in 'n f-stop of nommer, wat die hoeveelheid lig beheer wat deur die lens op die ligsensetiewe medium geprojekteer word. Lensopening het ook 'n invloed op die fokus in terme van diepte van veld, naamlik, hoe kleiner die [lensopening], hoe minder lig word deurgelaat en bereik die ligsensitiewe medium, maar hoe groter die diepte van veld - m.a.w hoe meer van onderwerp wat afgeneem word is in fokus.
• Sluiter Spoed – verstelling van die spoed

• 
  Foto van Carla Liesching
• 
  Wonderboom Lughawe en Pilatus PC-12

Sien ook

• Digitale kamera
• Mik-en-druk-kamera
• Selfie