Relatiewe snelheid

’n Voorstelling van die relatiewe snelheid tussen twee deeltjies.

Die relatiewe snelheid ${\vec {v}}_{\mathrm {BA} }$ (ook ${\vec {v}}_{\mathrm {B/A} }$ of ${\vec {v}}_{\mathrm {BrelA} }$) is die snelheid van ’n voorwerp of waarnemer, B, in die russtelsel van ’n ander voorwerp of waarnemer, A. As dit konstant is,

${\vec {v}}_{\mathrm {BA} }=-{\vec {v}}_{\mathrm {AB} }$

waar ${\vec {v}}_{\mathrm {AB} }$ die snelheid van A in die russtelsel van B is.

As albei voorwerpe of waarnemers beweeg, is die relatiewe snelheid nie noodwendig dieselfde as die verskilsnelheid nie.

Voorbeeld 1: Jannie en Sannie ry in dieselfde rigting. Jannie se snelheid is 90 km/h en Sannie s’n 110 km/h. As ons aanneem Jannie se snelheid is ${\vec {v}}_{B}$ en Sannie s’n ${\vec {v}}_{A}$, dan is

${\vec {v}}_{A\mathrm {\ rel\ } B}=110-90=20{\text{ km/h.}}$

Dit is die snelheid wat deur Jannie waargeneem word. Jannie sien dat Sannie teen 20 km/h ry.

Voorbeeld 2: Jannie en Sannie ry in teenoorgestelde rigtings. Jannie se snelheid is 90 km/h en Sannie s’n 100 km/h. As ons aanneem Jannie se snelheid is ${\vec {v}}_{B}$ en Sannie s'n ${\vec {v}}_{A}$, dan is

${\vec {v}}_{A\mathrm {\ rel\ } B}=100-(-90)=190{\text{ km/h.}}$

Let op dat Jannie se snelheid negatief is, want hy ry in die teenoorgestelde rigting as Sannie. Dus:

${\vec {v}}_{A\mathrm {\ rel\ } B}=100+90=190{\text{ km/h.}}$

Dit is die snelheid wat deur Jannie waargeneem word. Jannie sien dat Sannie teen 190 km/h ry.

Eksterne skakels

• Relatiewe beweging by HyperPhysics
• ’n Java-app wat relatiewe snelheid illustreer, deur Andrew Duffy
• Hierdie artikel is vertaal uit die Engelse Wikipedia