17 Maart

17 Maart is die 76ste dag van die jaar in die Gregoriaanse kalender (77ste in skrikkeljare). Daar volg nog 289 dae.

Gebeure

• 45 v.C. – Julius Caesar behaal sy finale oorwinning in die Slag van Munda waar hy die Optimatemagte van Titus Labienus en Gnaeus Pompeius verslaan.
• 1183 – Pous Lucius III gee kwytskelding aan koning Willem I van Skotland en stuur vir hom die Orde van die Goue Roos.
• 1560 – Antonio Ghislieri (later Pous Pius V) word biskop van Mondovi en Piëmont.
• 1756 – Pous Benedictus XIV verklaar Fortis Gabrielli salig.
• 1861 – Die koninkryk Italië word geproklameer. Victor Emmanuel word koning.
• 1901 – 'n Uitstalling van 71 skilderye deur Vincent van Gogh veroorsaak 'n opskudding in Parys, 11 jaar na sy dood.
• 1958 – Vanguard 1, die eerste sonkragaangedrewe satelliet, word gelanseer. Dit is die oudste mensgemaakte voorwerp wat vandag nog in die ruimte is.
• 1959 – Tenzin Gyatso, die 14de en huidige Dalai Lama, vlug uit Tibet na Indië.
• 1966 – Die eerste studente word geregistreer aan die Universiteit van Zambië.
• 1969 – Golda Meir van die Arbeiders Party word die vierde Eerste Minister van Israel.
• 1970 – 14 offisiere word aangekla vir die bedwinging van inligting oor die My Lai-menseslagting.
• 1992 – Suid-Afrikaanse referendum van 1992 vind plaas.

Geboortes

• 1863 – Dr. Frans Engelenburg, Suid-Afrikaanse joernalis en koerantredakteur en twee maal voorsitter van die Suid-Afrikaanse Akademie vir Wetenskap en Kuns († 21 Augustus 1938)
• 1897 – Ferdinand von Sammern-Frankenegg, Duitse soldaat († 20 September 1943).
• 1982 – Steven Pienaar, Suid-Afrikaanse sokkerspeler.

Sterftes

• 180 – Markus Aurelius, Romeinse keiser (* 121).
• 1957 – Ramon Magsaysay, Filippynse politikus en president (* 1907).

Vakansies, vierings, en waarnemingsdae

• Sint Patrickdag