29 Oktober

29 Oktober is die 302de dag van die jaar in die Gregoriaanse kalender (303de in 'n skrikkeljaar). Daar volg nog 63 dae in die res van die jaar.

Gebeure

W A Mozart

Kemal Atatürk

• 1344 – Pous Clemens VI se kruistog verower Smyrna.
• 1591 – Pous Innocentius IX volg Pous Gregorius XIV op as pous van die Rooms Katolieke Kerk.
• 1695 – Pous Innocentius XII verklaar Helen Enselmini van Arcella salig.
• 1787 – Mozart se opera Don Giovanni word vir die eerste keer in Praag opgevoer.
• 1886 – New York Stad kantoorwerkers vind spontaan die ticker-tape parade uit.
• 1923 – Mustafa Kemal Atatürk word die eerste President van die Republiek van Turkye, 'n nuwe nasie gestig op die oorblyfsels van die Ottomaanse Ryk.
• 1956 – Die Suezkanaalkrisis begin: Israel val die Sinaiskiereiland in en dwing Egiptiese magte terug na die Suezkanaal.
• 1975 – Genaraal Francisco Franco se 36-jarige bewind kom tot 'n einde met die aankondiging dat Prins Carlos as voorlopige staatshoof van Spanje sal oorneem.
• 1982 – Lindy Chamberlain word in Australië skuldig bevind aan moord op haar nege-week-oue babadogter nadat 'n jurie haar bewering dat 'n Dingo die baba gevat het, verwerp.
• 1998 – Die Waarheid en Versoeningskommisie bied sy verslag oor gebeure onder Apartheid in Suid-Afrika aan.
• 1998 – John Glenn maak op ouderdom 77, na meer as drie dekades sedert sy laaste deelname aan die Amerikaanse ruimteprogram, 'n ruimtevlug mee aan boord van ruimtependeltuig Discovery om die uitwerking van 'n ruimtevlug op bejaardes na te vors.

Geboortes

• 1875 – Marie van Edinburgh, kleindogter van Koningin Victoria en vrou van Ferdinand van Roemenië
• 1938 – Ellen Johnson-Sirleaf, die huidige vroulike president van Liberië
• 1946 – John Williams, Suid-Afrikaanse rugbyafrigter
• 1949 – Gerrie (Johannes Servaas) Germishuys, Springbok rugbyspeler as vleuel in 20 toetse.

Sterftes

• 1268 – Conradin, die laaste Hohenstaufen, onthoof deur Karel van Anjou op die markplein in Napels.
• 1902 – Genl. Christiaan Botha, jonger broer van genl. Louis Botha (* 1864).
• 1905 – Hendrik Witbooi, kaptein (leier) van die Witbooi-Nama in Namibië (* 1830)
• 1911 – Joseph Pulitzer, Hongaars-Amerikaanse verslaggewer, koerantuitgewer, advokaat en filantroop (* 1847).
• 1933 – Rudolph Lewis, eerste Suid-Afrikaner wat 'n Olimpiese goue medalje in fietsry kon wen (* 1887).
• 1949 – George Gurdjieff, stigter van die 4de Weg (* 1866).
• 1997 – Anton LaVey, stigter en Hoëpriester van die Kerk van Satan (* 1930)