Cleopatra VII: Verskil tussen weergawes
Nuwe artikel |
kategorie |
||
Lyn 59: | Lyn 59: | ||
*[[Lêer:Crystal txt.png|15px]] Hierdie artikel is vertaal uit die [http://en.wikipedia.org/wiki/Cleopatra_VII Engelse Wikipedia] |
*[[Lêer:Crystal txt.png|15px]] Hierdie artikel is vertaal uit die [http://en.wikipedia.org/wiki/Cleopatra_VII Engelse Wikipedia] |
||
[[Kategorie: |
[[Kategorie:Farao's van Egipte]] |
||
[[Kategorie:Monarge]] |
|||
{{Link GA|de}} |
{{Link GA|de}} |
Wysiging soos op 13:45, 1 Augustus 2014
Cleopatra VII | |
---|---|
Borsbeeld van Cleopatra VII (Altes Museum, Berlyn). | |
Dinastie | Ptolemeïese Dinastie |
Bewind | 51 v.C. – 12 Augustus 30 v.C. (21 jaar) |
Volle naam | Cleopatra VII Thea Philopator |
Gebore | 69 v.C |
Alexandrië, Egipte | |
Gesterf | 12 Augustus 30 v.C. (op 39) |
Alexandrië, Egipte | |
Onbekend, moontlik in Egipte | |
Voorganger | Ptolemaeus XII Auletes |
Gade van | Ptolemaeus XIII Theos Philopator Ptolemaeus XIV Markus Antonius |
Kinders | Caesarion, Ptolemaeus XV Philopator Philometor Caesar Alexander Helios Cleopatra Selene II Ptolemaeus XVI Philadelphus |
Vader | Ptolemaeus XII Auletes |
Moeder | Cleopatra V van Egipte |
Cleopatra VII Philopator (Grieks: Κλεοπάτρα Φιλοπάτωρ; 69 v.C. – 12 Augustus 30 v.C.), in die geskiedenis bekend as Cleopatra, was die laaste aktiewe farao van Antieke Egipte. Sy is net vir ’n kort rukkie deur haar seun en medeheerser Caesarion oorleef. Haar naam is afgelei van die Antieke Griekse naam Κλεοπατρα (Kleopatra), wat beteken "glorie van die vader".[1][2]
Bewind
Cleopatra was lid van die Ptolemeïese Dinastie, ’n familie van Griekse oorsprong wat ná Alexander die Grote se dood oor Egipte regeer het tydens die Hellenistiese tydperk. Sy het haar laat vereer as die Egiptiese godin Isis. Cleopatra het aanvanklik regeer saam met haar pa, Ptolemaeus XII Auletes, en later saam met haar broers, Ptolemaeus XIII en Ptolemaeus XIV – met wie sy volgens Egiptiese tradisie getroud is. Sy het egter later die alleenheerser geword. As farao het sy ’n verhouding met Julius Caesar aangeknoop, wat haar houvas op die troon verstewig het. Sy het later haar seun by Caesar, Caesarion, as medeheerser in naam aangewys.
Sy het Caesar na Rome gevolg, maar ná sy moord in 44 v.C na Egipte teruggekeer, waar sy ’n verhouding met Markus Antonius aangeknoop en saam met hom Caesar se wettige erfgenaam, Gaius Julius Caesar Octavianus (later bekend as Augustus), teengestaan het. By Antonius het sy drie kinders gehad: die tweeling Cleopatra Selene II en Alexander Helios, en nog ’n seun, Ptolemaeus Philadelphus. Nadat hulle in die Slag van Actium deur Octavianus se magte verslaan is, het Antonius selfmoord gepleeg en Cleopatra het sy voorbeeld op 12 Augustus 30 v.C. gevolg.[3]
Sy is vir ’n kort rukkie oorleef deur haar seun Caesarion, wat deur sy ondersteuners as farao aangewys is, maar hy is kort daarna op bevel van Octavianus vermoor. Egipte het toe die Romeinse provinsie Aegyptus geword.
Nalatenskap
Cleopatra is vandag steeds ’n gewilde figuur in die Westerse kultuur. Sy leef voort in verskeie kunswerke en baie dramatiserings van haar lewe, onder meer William Shakespeare se tragedie Antony and Cleopatra en die 1963-rolprent Cleopatra. In die meeste gevalle word sy as ’n groot skoonheid uitgebeeld en haar opeenvolgende verhoudings met van die wêreld se magtigste mans word beskou as ’n teken van haar estetiese en seksuele aantrekkingskrag.
Verwysings
- ↑ "Cleopatra: Meaning & History". Behind the Name.com. Besoek op 4 April 2014.
- ↑ "Kleopatros: Meaning & History". Behind the Name.com. Besoek op 4 April 2014.
- ↑ "Who Was Cleopatra? (bl. 2)". Smithsonian Magazine. Besoek op 22 Januarie 2008.
Eksterne skakels
- Cleopatra VII (VI) by LacusCurtius – Hoofstuk XIII van E.R. Bevan se House of Ptolemy, 1923
- Cleopatra, ’n kinderboek by Jacob Abbott, 1852, Project Gutenberg
- James Grout: Cleopatra deel van Encyclopædia Romana
- Hierdie artikel is vertaal uit die Engelse Wikipedia
Sjabloon:Link GA Sjabloon:Link GA Sjabloon:Link GA Sjabloon:Link GA Sjabloon:Link FA Sjabloon:Link FA Sjabloon:Link FA Sjabloon:Link GA Sjabloon:Link FA