Petro Porosjenko: Verskil tussen weergawes
k Kategorie:Presidente bygevoeg (HotCat.js) |
No edit summary |
||
Lyn 62: | Lyn 62: | ||
| alma_mater = Nasionale Universiteit van Kiëf |
| alma_mater = Nasionale Universiteit van Kiëf |
||
| religie = |
| religie = |
||
| handtekening = |
| handtekening = Petro Poroshenko Signature 2014.png |
||
| militer = |
| militer = |
||
| lojaliteit = |
| lojaliteit = |
Wysiging soos op 16:24, 26 Augustus 2014
Petro Porosjenko Петро Порошенко | |
President van Oekraïne
| |
Ampsbekleër | |
Termynaanvang 7 Junie 2014 | |
Voorafgegaan deur | Oleksandr Toerchinof |
---|---|
Persoonlike besonderhede
| |
Gebore | 26 September 1965 Bolhrad, Sowjetunie (tans Oekraïne) |
Politieke party | Onafhanklik |
Eggenoot/-note | Marina Porosjenko |
Kind(ers) | Oleksi Jefhenija Oleksandra Michailo |
Alma mater | Nasionale Universiteit van Kiëf |
Handtekening |
Petro Oleksijowitsj Porosjenko (Oekraïens: Петро Олексійович Порошенко, wetenskaplike transliterasie: Petro Oleksijovyč Porošenko; * 26 September 1965 in Bolhrad) is 'n Oekraïense ondernemer en politikus. Op 7 Junie 2014 het hy die presidensiële ampseed afgelê.
As entrepreneur het hy 'n fortuin met sy sakegroep Ukrprominvest verdien wat onder meer belange in die Oekraïense sjokolade-, televisie-, motor-, skeepsbou- en wapenbedryf het. Die Amerikaanse sakeydskrif Forbes het Porosjenko, wie se fortuin op VSA-$ 1,6 miljard beraam word, sewende op die ranglys van Oekraïense oligarge gelys. In 2005 is sy fortuin volgens die Poolse nuustydskrif Wprost nog op sowat VSA-$ 350 miljoen beraam.[1] Weens sy belange in Roshen, die grootste Oekraïense vervaardiger van sjokolade en ander lekkergoed, het Porosjenko die bynaam "Sjokoladekoning" gekry.
Gedurende sy politieke loopbaan het Porosjenko reeds 'n verskeidenheid regeringsposte beklee. Tussen Februarie en September 2005 was hy voorsitter van die Nasionale Veiligheids- en Verdedigingsraad van Oekraïne en vanaf Februarie 2007 tot en met Maart 2012 direkteur en lid van die bestuursraad van Oekraïne se Reserwebank. Onder president Wiktor Joesjtsjenko het hy die amp van minister van buitelandse sake en onder president Wiktor Janoekowitsj die amp van minister van ekonomiese sake beklee. Op 24 Mei 2014 het hy reeds in die eerste rondte van die Oekraïense presidensiële verkiesing 'n oorwinning behaal.[2]