Klas 6-stoomlokomotief

Die Klas 6 is 'n stoomlokomotief wat meestal deur die Cape Government Railways (CGR) in die tydperk voor Suid-Afrikaanse uniewording gebruik is. Die klas het dertien subklasse. Hierdie klas is ontwerp deur Michael Stephens vir gebruik op die snelpassasiersdienste van die CGR. Opeenvolgende bestellings is geplaas by beide Britse sowel as Amerikaanse vervaardigers tussen 1893 en 1904.

Die Kaapse Klas 6-lokomotief is ontwerp by die Soutrivierwerke van die CGR op dieselfde tydstip as die Klas 7. Terwyl die Klas 7 hoofsaaklik bedoel was as 'n goederelokomotief is die Klas 6 ontwerp om sy vinnige passasiersdiens-eweknie te wees.

Klas 6

Die eerste 40 lokomotiewe van die klas is afgelewer deur Dübs and Company in 1893. Die ontwerp was 'n vergroting van die CGR Klas 05-lokomotief. Hulle was toegerus met Stephenson skakels met D-kleppe bokant die silinders. Die lokomotiewe het diens gedoen in die Kaap en Middellande.

Klas 6A

'n Verdere 50 lokomotiewe is ontvang van Dübes and Company en Sharp, Stewart and Company tussen 1895 en 1897. Hierdie masjiene het groter stoomketels gehad as die eerste bestelling. Hulle het regoor die Kaapkolonie diens gedoen.

Klas 6B

Neilson, Reid and Company het nog 54 lokomotiewe afgelewer vanaf 1897 tot 1898. Hulle was regoor die land in diens gestel en was geklassifiseer as Klas 6B. Hulle was feitlik identies aan Klas 6A behalwe dat die kolewa met 'n agtwieldraaistel toegerus was.

Klas 6C

Behalwe die CGR het die Orange Free State Government Railways ook lokomotiewe bestel. Die eerste vyftien van hulle lokomotiewe is in 1896 deur Dübs and Company, Neilson, Reid and Company en Sharp, Stewart and Company afgelewer. Na die Tweede Vryheidsoorlog is die lokomotiewe bedryf deur die Central South African Railways waar hulle bekend was as tipe 6L-2. Toe die SASH tot stand gekom het is hulle geklassifiseer as Klas 6C.

Klas 6D

'n Verdere 33 is bestel en afgelewer deur Neilson, Reid and Company in 1898 wat soortgelyk aan hulle voorgangers was, maar was toegerus met seswiel draaistelle.

Klas 6E

Die Orange Free State Government Railways het ook nog 'n verdere ses lokomotiewe bestel in 1898 by Sharp, Stewart and Company. Hulle was soortgelyk aan die vorige bestellings maar die kajuit was groter en die kolewa was toegerus met draaistelle. CSAR het hulle tipe L-3 genoem maar SASH het hulle geherklassifiseer as Klas 6E 4-6-0.

Klas 6F

Die Klas 6-lokomotiewe was hoofsaaklik ingestel as passasierslokomotiewe, maar toe die klas vervang word deur groter en meer kragtige lokomotiewe, het dit letterlik 'n "Jack-of-all-trades" geword wat homself bewys het as een van die mees bruikbare en suksesvolle lokomotiefklasse wat ooit ontwerp is by die Salt River werkwinkels. Hulle was in alle dele van die land, behalwe Natal, gebruik en het alle soorte waens en vrag getrek.

Twee Klas 6F-lokomotiewe is op die Kaapse hooflyn in diens gestel. In vergelyking met die res van die Klas 6-familie, het hulle 'n relatief kort leeftyd van minder as dertig jaar gehad, en is aan diens onttrek in 1929.

Klas 6G

'n Latere Klas 6G by die Schenectady Locomotive Works

Die agt Klas 6-lokomotiewe wat in diens in 1901 geplaas is deur die CGR is ontwerp en gebou deur die Schenectady Locomotive Works volgens die spesifikasies van die CGR lokomotiefdepartement en was gevolglik ietwat anders in voorkoms as die vorige Kaapse Klas 6 lokomotiewe. Terwyl hulle ook op kroegrame gebou is soos die vorige twee Klas 6-lokomotiewe, was hulle effens groter met groter stoomketels en met 17,5 duim (444 mm) deursnee silinders, in vergelyking met die 17 duim (432 mm) deursnee silinders van alle vroeëre Klas 6-lokomotiewe. Soos die twee Klas 6F-lokomotiewe, is 'n duidelik sigbare kenmerk hul hoër gemonteerde treeplanke sonder die behoefte vir dryfwielskorte. Hulle was genommer in die reeks van 262 tot 269 en was aan die Kaapse Westelike Sisteem toegewys.

Klas 6H by die depot op Noupoort

Klas 6H

In 1901 het Neilson, Reid and Company nog 21 lokomotiewe afgelewer wat geskoei was op die Klas 6 ontwerp. Die lokomotiewe is bestel deur die CGR. Hulle stoomketels was groter en hulle was toegerus met H.M. Beatty kajuite, wat ook groter was en is geklassifiseer as Klas 6H.

Klas 6J

'n Netjiese Klas 6J op 'n tog van Kaapstad na Johannesburg

Die veertien 6 Klas-stoomlokomotiewe wat in 1902 in diens geplaas is deur die CGR is deur Neilson, Reid en Company gebou. Hulle was byna identies aan die twee staafraamlokomotiewe deur Sharp Stewart en Company in 1900 gebou is, wat later die Suid-Afrikaanse Spoorweë (SAS) Klas 6F geword het, en hulle was sigbaar uitkenbaar as tweede generasie 6de Klas-lokomotiewe deur hul hoër treeplanke sonder enige wielskorte.

Klas 6K

'n SAR Klas 6K 4-6-0 (ou CGR)

Klas 6L

'n SAR Klas 6L 4-6-0 (ou CGR)