26 Oktober

26 Oktober is die 299ste dag van die jaar in die Gregoriaanse kalender (300ste in skrikkeljare). Daar volg nog 66 dae in die res van die jaar.

Gebeure

• 1562 – Koninklike Franse troepe neem Rouen in en verwoes die Normandiese hoofstad.
• 1907 – Die NG gemeente Cathcart word gestig.
• 1926 – Emily Hobhouse se oorblyfsels word aan die voet van die vrouemonument ter ruste gelê.

  

  Vlag van Transkei

• 1946 – Die NG gemeente Maltahöhe word in die destydse Suidwes-Afrika gestig.
• 1955 – Suid-Viëtnam Eerste Minister Ngo Dinh Diem verklaar homself tot President en vervang daardeur Nguyen keiser Bao Dai as staatshoof.
• 1976 – Transkei word die eerste tuisland om onafhanklikheid van Suid-Afrika te ontvang.
• 1979 – President Park Chung-hee van Suid-Korea sterf in ’n sluipmoordaanval deur die direkteur van die Koreaanse Sentrale Intelligensie Agentskap en jarelange vriend Kim Jaekyu.

VSA-President George Bush

• 2001 – VSA President George W. Bush teken die “Uniting and Strengthening America by Providing Appropriate Tools Required to Intercept and Obstruct Terrorism wet van 2001”, meer algemeen bekend as die USA PATRIOT Act.

Geboortes

• 1885 – Duggie Morkel, Suid-Afrika se tiende Springbokkaptein († 1950).
• 1897 – Prof. J.L.B. Smith, 'n Suid-Afrikaanse igtioloog, identifiseer die Selakant († 1968).
• 1911 – Hester Heese, Afrikaanse skrywer († 1992).
• 1918 – Anton Hartman, Suid-Afrikaanse dirigent († 1982).
• 1919 – Mohammad Reza Pahlavi, laaste sjah van Iran († 1980).
• 1936 – Wilhelm Knobel, Afrikaanse digter († 1974).
• 1938 – Richard Goldstone, Suid-Afrikaanse regter.
• 1939 – Karel Schoeman, Afrikaanse skrywer.

Sterftes

• 899 – Koning Alfred die Grote van Engeland (* 848/9).
• 1969 – Jeremy Schulman, Suid-Afrikaanse violis en dirigent (* 1896).
• 1979 – Park Chung-hee, Suid-Koreaanse politikus en soldaat, President van Suid-Korea (* 1917).
• 2014 – Senzo Meyiwa, 'n Suid-Afrikaanse sokkerspeler, kaptein en doelwagter van Bafana-Bafana en Orlando Pirates (*1987).

Vakansie-, vierings- en waarnemingsdae

• Feesdag van Pous Evaristus in die Rooms-Katolieke Kerk.