Singapore Airlines: Verskil tussen weergawes

in Wikipedia, die vrye ensiklopedie
Content deleted Content added
No edit summary
kNo edit summary
Lyn 35: Lyn 35:
|-
|-
| style="vertical-align: top; text-align: right;" | '''Werknemers'''
| style="vertical-align: top; text-align: right;" | '''Werknemers'''
| style="vertical-align: top; text-align: left;" | 14,156 (2012/2013)
| style="vertical-align: top; text-align: left;" | 17 240 <small>(2013/2014)</small>
|-
|-
| style="vertical-align: top; text-align: right;" | '''Alliansie:'''
| style="vertical-align: top; text-align: right;" | '''Alliansie:'''
Lyn 44: Lyn 44:
|-
|-
| style="vertical-align: top; text-align: right;" | '''Vloot:'''
| style="vertical-align: top; text-align: right;" | '''Vloot:'''
| style="vertical-align: top; text-align: left;" |104 vliegtuie
| style="vertical-align: top; text-align: left;" |107 vliegtuie
|-
|-
| style="vertical-align: top; text-align: right;" | '''Webtuiste:'''
| style="vertical-align: top; text-align: right;" | '''Webtuiste:'''

Wysiging soos op 19:19, 22 November 2014

Singapore Airlines
IATA: SQ
ICAO: SIA
Roepsein: SINGAPORE
Gestig: 1972
Ondernemingsvorm: Aandelemaatskappy
Hoofkwartier: Changi
Hooflughawe: Singapoer Changi Lughawe
Voorsitter: Goh Choon Phong
Markkapitalisasie VS$ 20 miljard (2010)[1]
Passasiers
Werknemers 17 240 (2013/2014)
Alliansie: Star Alliance
Bestemmings: 62
Vloot: 107 vliegtuie
Webtuiste: http://www.singaporeair.com/

Die lugredery Singapore Airlines Limited (SIA) (SGX:C6L) is die vlagdraer van Singapoer en 'n 5-sterlugredery. Singapore Airlines word bedryf uit 'n middelpunt of spil by Lughawe Singapoer Changi en handhaaf 'n sterk teenwoordigheid in Suidoos-Asië, Oos-Asië, Suid-Asië en die "Kangaroe-roete" markte.

Geskiedenis

Singapore Airlines onstaan as "Malayan Airways Limited" in 1946, sy eerste huurvlug word gevlieg op 2 April 1947 en sy eerste lynvlug tussen Singapoer en Kuala Lumpur begin op 1 Mei 1947. Toe Singapoer in 1966 afskei van Maleisië word die lugredery se naam gewysig na "Malaysia-Singapore Airlines". Hierna groei die lugvaartmaatskappy met rasse skrede, onder andere deur die toevoeging van die Boeing 707 en 737 tot sy vloot.

As gevolg van politieke spanning tussen Maleisië en Singapoer word daar in 1972 besluit om "Malaysia-Singapore Airlines" te verdeel in twee firmas; Singapore Airlines en Malaysia Airline System (die huidige Malaysia Airlines). Die Singapoer-deel ontvang al die Boeing's en daarna groei die lugredery vinnig in Asië. Nog Boeing 747s is aangekoop.

In die jare 80 was ook vlugte na Noord-Amerikaanse en Europese bestemmings uitgevoer. In 1989 voeg die lugredery ook die heel nuutste Boeing 747-400 tot haar vloot toe. Vanaf die 1990s begin Singapore Airlines ook na Suid-Afrika vlieg.

Sedert 2004 word daar ononderbroke vlugte na Noord-Amerika gevlieg met die Airbus A340-500.

Teen middel-Desember 2012 word bekend gemaak dat Singapore Airlines se belang van 49% in Virgin Atlantic Airways verkoop is aan die Amerikaanse Delta Air Lines [2]. Delta betaal €277-miljoen vir die aandele, dit is minder as die helfte van wat Singapore Airlines in 1999 betaal het vir sy minderheidsbelang in Virgin Atlantic.

Vandag

Een van hierdie lugwaardinne sal moontlik na jou omsien op 'n Singapore Airlines-vlug

Singapore Airlines was die bekendstellingskliënt van die Airbus A380, tans die wêreld se grootste passasiersvliegtuig. SIA het gediversifiseerde lugredery-verwante ondernemings, soos vliegtuighantering en ingenieurswese. Sy volfiliaal, SilkAir, bestuur plaaslike vlugte na sekondêre stede wat kleiner kapasiteitvereistes het. Filiaal Singapore Airlines Cargo bedryf SIA se toegewyde vragskipvloot, en die bestuur van die vraghouerkapasiteit in SIA se vliegtuie. Dit is ook betrokke by die laekoste passasiersmark deur sy belang in Tiger Airways en sy volfiliaal, Scoot. Dit is in die geledere van die top 15 lugdienste wêreldwyd in terme van inkomstekilometers, [3] en 10de in die wêreld vir internasionale passasiers gedra. [4] Op 15 Desember 2010 is Singapore Airlines deur die Internasionale Lugvervoervereniging aangewys as die tweede grootste lugredery in die wêreld in terme van markkapitalisasie met 'n waarde van VS$ 14 miljard. [5] Singapore Airlines is tans 'n amptelike borg van die Singapoer nasionale sokkerspan. Die lugredery gebruik die "Singapore Girl" as sentrale beeld om die lugredery se handelsmerk te bemark. In 2013 het Singapore Airlines die vorming van 'n gesamentlike onderneming "TATA SIA" saam met Tata Sons aangekondig.

Bestemmings

Singapore Airlines vlieg na 64 bestemmings in 35 lande in Asië, Oseanië, die Midde-Ooste, Europa, Afrika en Noord-Amerika. Die meeste plaaslike vlugte word deur sy filiaal SilkAir uitgevoer, daarom het Singapore Airlines ook geen klein vliegtuie in sy vloot nie.

Langste direkte vlugte

Singapore Airlines vlug 21 is die langste direkte (non-stop) lynvlug ter wêreld. Dit is 'n lang vlug vanaf Newark Liberty Internasionale Lughawe (in New York) na Singapoer Changi Lughawe van ongeveer 15 330 km oor die Arktiese Oseaan (Noordpool), wat ongeveer agtien-en-'n-halfuur duur. Die terugvlug, Singapore Airlines vlug 22, is die tweede langste vlug in die wêreld. Hierdie vlug is vyftien minute korter as gevolg van die heersende wind wat die vliegtuig ondervind. Singapore Airlines onderneem hierdie vlug met die Airbus A340-500.

Verwysings

  1. IATA-persverklaring. URL besoek op 22 November 2014
  2. De Telegraaf: Delta koop belang in Virgin Atlantic, 11 Desember 2012. Besoek op 13 Desember 2012
  3. "Data/Airline Economics Channel". Air Transport World. 2007.[dooie skakel]
  4. "WATS Scheduled Passengers Carried". International Air Transport Association. 2005.[dooie skakel]
  5. Mutzabaugh, Ben (14 Desember 2010). "U.S., European airlines no longer world's biggest, IATA says". USA Today. Besoek op 16 Mei 2011.
Hierdie artikel is in sy geheel of gedeeltelik vanuit die Engelse Wikipedia vertaal.
Hierdie artikel is in sy geheel of gedeeltelik vanuit die Nederlandse Wikipedia vertaal.