7 Maart

7 Maart is die 66ste dag van die jaar in die Gregoriaanse kalender (67ste in skrikkeljare). Daar volg nog 299 dae in die res van die jaar.

Gebeure

• 161 – Marcus Aurelius en Lucius Verus volg Antoninus Pius op om mede-keisers van die Romeinse Ryk te word.
• 1667 – Pous Alexander VII stel vier nuwe kardinale aan, waaronder Louis de Vendôme.
• 1859 – Die dorp Jacobsdal word in die Vrystaat gestig.
• 1900 – Tweede Vryheidsoorlog: Die Slag van Poplar Grove vind langs die Modderrivier plaas.
• 1926 – Die eerste suksesvolle trans-Atlantiese radio-telefoon gesprek vind plaas tussen New York en Londen.
• 1936 – Duitsland herbeset die gedemilitariseerde Rynland, en verbreek daarmee die Verdrag van Versailles en die Locarno Verdrae wat na die Eerste Wêreldoorlog onderteken is.
• 1950 – Die Sowjetunie reik ’n verklaring uit wat ontken dat die Duitse kernfisikus Klaus Fuchs as ’n Sowjet spioen gedien het.
• 1965 – Amerikaanse Burgerregtebeweging: Burgerregte betogers wat van Selma na Montgomery, Alabama marsjeer word brutaal deur die polisie aangeval op Bloedige Sondag.

Geboortes

• 1693 – Carlo Rezzonico (later Pous Clemens XIII), die 248ste pous van die Rooms-Katolieke Kerk († 1769).
• 1792 – John Herschel, ’n Britse wiskundige, sterrekundige, apteker en eksperimentele fotograaf/uitvinder († 1871).
• 1872 – Piet Mondriaan, Nederlandse skilder († 1944).
• 1926 – Johan Degenaar, Suid-Afrikaanse filosoof en teoloog.
• 1950 – Jackie Selebi, voormalige nasionale polisiekommissaris († 2015).

Sterftes

• 161 – keiser Antoninus Pius (* 86).
• 203 – Perpetua en Felicitas, Christen-martelaars.
• 1724 – Pous Innocentius XIII, die 244ste pous van die Rooms-Katolieke Kerk (* 1655).
• 1878 – Alfred Donné, ’n Franse bakterioloog, dokter en bekend vir die ontdekking van trichomonas vaginalis en leukemie; ook die uitvinder van die fotoelektriese mikroskoop († 1878).
• 1973 – PK Albertyn, Suid-Afrika se vyftiende Springbokkaptein (* 1897).
• 1990 – Koos Strauss, Suid-Afrikaanse politikus (* 1900).
• 1999 – Stanley Kubrick, ’n Amerikaanse rolprentregisseur, vervaardiger, draaiboekskrywer en kinematograaf (* 1928).
• 2013 – Dirk Coetzee, mede-stigter en bevelvoerder van die polisie-eenheid op Vlakplaas ( * 1945).
• 2013 – Freda Linde, Suid-Afrikaanse skrywer en vertaler van kinderboeke (* 1915).

Vakansie-, vierings- en waarnemingsdae

• Onderwysersdag in Albanië