30 Julie

30 Julie is die 211de dag van die jaar in die Gregoriaanse kalender (212de in skrikkeljare). Daar volg nog 154 dae in die res van die jaar.

Gebeure

• 657 – Pous Vitalianus volg Pous Eugenius I op.
• 1419 – Tydens die eerste Praagse venstergooi (Duits: Fenstersturz) gooi aanhangers van die hervormer Johannes Hus die katolieke stadsraad by die venster uit.
• 1502 – Christophorus Columbus sit voet aan wal by Guanaja in die Bay-eilande by die kus van die Honduras, tydens sy vierde ontdekkingsreis.
• 1505 – Gian Pietro Carafa (later Pous Paulus IV) word biskop van Chieti.
• 1619 – Die eerste verteenwoordigende volksraad in die Amerikas, Virginië se Huis van Burgesses, vergader vir die eerste keer.
• 1629 – 10 000 mense sterf in 'n aardbewing in Napels, Italië.
• 1733 – Die eerste herberg van die Vrymesselaars word geopen in die toekomstige Verenigde State.
• 1825 – Malden Eiland (nou een van Kiribati se Lyn Eilande) word ontdek.
• 1864 – Amerikaanse Burgeroorlog: Unie magte poog om Konfederale lyne in die Slag van die Crater te breek.
• 1966 – Engeland wen die Sokker Wêreldbeker, deur Duitsland 4 teen 2 te klop.
• 1980 – Vanuatu verkry onafhanklikheid van die Verenigde Koninkryk en Frankryk.
• 1991 – Die Groepsgebiedewet word afgeskaf.
• 2003 – Die laaste 'ou' Volkswagen Kewer rol van die vervaardigingslyn in Puebla, Meksiko.

Geboortes

• [[1818] – Emily Brontë, 'n Engelse skrywer en outeur van die roman Wuthering Heights († 1848).
• 1863 – Henry Ford, Amerikaanse motorvervaardiger († 1947).
• 1940 – Clive Sinclair, Britse uitvinder en entrepreneur
• 1981 – Juan Smith, Springbokrugbyspeler

Sterftes

• 579 – Pous Benedictus I, die 62ste pous van die Rooms-Katolieke Kerk (* onbekend).
• 1898 – Otto von Bismarck, eerste minister van Pruise, kanselier van die Noord-Duitse Verbond en die eerste rykskanselier van die Duitse Keiserryk ( (* 1815)
• 1900 – Alfred, Hertog van Sakse-Koburg en Gotha, 2de seun van koningin Victoria van die Verenigde Koninkryk (* 1844).
• 1945 – Anton van Wouw, Suid-Afrikaanse beeldhouer (* 1862).

Vakansies, vierings, en waarnemingsdae

• Onafhanklikheidsdag in Vanuatu (1980)