Bulls (Verenigde Rugbykampioenskap): Verskil tussen weergawes

in Wikipedia, die vrye ensiklopedie
Content deleted Content added
Lyn 214: Lyn 214:
|valign="top"|
|valign="top"|
'''Stutte'''
'''Stutte'''
* [[Neethling Fouché]]
* [[Dean Greyling]]
* [[Dean Greyling]]
* [[Frik Kirsten]]
* [[Werner Kruger]]
* [[Werner Kruger]]
* [[Morné Mellett]]
* [[Morné Mellett]]
* [[Trevor Nyakane]]
* [[Marcel van der Merwe]]
* [[Marcel van der Merwe]]
* [[Dayan van der Westhuizen]]
* [[Hencus van Wyk]]


'''Hakers'''
'''Hakers'''
* [[Bandise Maku]]
* [[Bandise Maku]]
* [[Bongi Mbonambi]]
* [[Adriaan Strauss]]
* [[Callie Visagie]]
* [[Callie Visagie]]
* [[Jaco Visagie]]


'''Slotte'''
'''Slotte'''
* [[David Bulbring]]
* [[Grant Hattingh]]
* [[Grant Hattingh]]
* [[Nico Janse van Rensburg]]
* [[Victor Matfield]]
* [[Marvin Orie]]
* [[RG Snyman]]
* [[Flip van der Merwe]]
* [[Flip van der Merwe]]
* [[Paul Willemse]]


|width="33"| 
|width="33"| 
Lyn 238: Lyn 244:
* [[Jacques du Plessis]]
* [[Jacques du Plessis]]
* [[Jacques Engelbrecht]]
* [[Jacques Engelbrecht]]
* [[Pieter Labuschagne]]
* [[Hanro Liebenberg]]
* [[Wiaan Liebenberg]]
* [[Wiaan Liebenberg]]
* [[Jono Ross]]
* [[Pierre Spies]] [[File:Captain sports.svg|12px|Captain]]
* [[Pierre Spies]] [[File:Captain sports.svg|12px|Captain]]
* [[Deon Stegmann]]
* [[Deon Stegmann]]
* [[Nardus van der Walt]]


'''Skrumskakels'''
'''Skrumskakels'''
Lyn 249: Lyn 257:


'''Losskakels'''
'''Losskakels'''
* [[Louis Fouché]]
* [[Handré Pollard]]
* [[Handré Pollard]]
* [[Jacques-Louis Potgieter]]
* [[Jacques-Louis Potgieter]]
Lyn 256: Lyn 263:


'''Senters'''
'''Senters'''
* [[Ulrich Beyers]]
* [[JJ Engelbrecht]]
* [[JJ Engelbrecht]]
* [[Waylon Murray]]
* [[Ryan Nell]]
* [[Burger Odendaal]]
* [[Jan Serfontein]]
* [[Jan Serfontein]]
* [[William Small-Smith]]
* [[William Small-Smith]]
Lyn 265: Lyn 272:
* [[Bjorn Basson]]
* [[Bjorn Basson]]
* [[Travis Ismaiel]]
* [[Travis Ismaiel]]
* [[Sampie Mastriet]]
* [[Akona Ndungane]]
* [[Akona Ndungane]]
* [[Ryan Nell]]
* [[Jamba Ulengo]]


'''Heelagters'''
'''Heelagters'''
* [[Clayton Blommetjies]]
* [[Warrick Gelant]]
* [[Jesse Kriel]]
* [[Jesse Kriel]]
* [[Duncan Matthews]]
* [[Jürgen Visser]]
* [[Jürgen Visser]]
|}
|}

Wysiging soos op 09:50, 4 April 2015

Vir die Vodacom- en Curriebekerspan, sien Blou Bulle.
Bulls
Stigting 1997
Unie Blou Bulle Maatskappy
Ligging Pretoria, Suid-Afrika
Streek Pretoria, Gauteng, Limpopoprovinsie
Stadion Loftus Versfeld
Kapasiteit 51 ,762
Afrigter(s) Vlag van Suid-Afrika Frans Ludeke
Kaptein(s) Vlag van Suid-Afrika Pierre Spies
Vlag van Suid-AfrikaDewald Potgieter
Liga(s) Superrugby
2014 9de
Tuiskleure


Weg kleure

Statistiek
Meeste wedstryde 122 Morné Steyn
Meeste drieë 37 Bryan Habana
Eerste wedstryd
Noord-Transvaal 30 – 8 Natal
(9 Maart 1996)
Grootste oorwinning
Bulls 92 – 3 Reds
(5 Mei 2007)
Grootste nederlaag
ACT Brumbies 73 – 9 Noordelike Bulls
(27 Maart 1999)
Amptelike webwerf
www.thebulls.co.za

Die Bulls (weens borgskapredes bekend as die Vodacom Bulls) is ’n Suid-Afrikaanse rugbyspan wat sedert 1996 aan Superrugby deelneem. Die konsessie sluit Pretoria, die Limpopoprovinsie en die Oosrand in. In terme van Curriebekerspanne kom die Bulls spelers van die Blou Bulle, Pumas en Valke af. Hulle tuiswedstryde word op Loftus Versfeld in Pretoria gespeel. Die huidige kaptein van die span is Pierre Spies, maar hy word deur Dewald Potgieter vervang op 29 Junie 2013.

Geskiedenis

Voor die professionele Superrugbyliga het Noord-Transvaal (Blou Bulle) aan die Super 10 deelgeneem tussen 1993 en 1995 waarin spanne van Suid-Afrika, Australië en Nieu-Seeland en die nasionale spanne van Wes-Samoa en Tonga gespeel het. Die beste drie spanne van die vorige seisoen se Curriebeker het gekwalifiseer vir die Super 10. Noord-Transvaal het in die 1993 seisoen in poel B teen Transvaal, Nieu-Suid-Wallis, North Harbour en Waikato gespeel. Noord-Transvaal het derde geëindig in die rondomtalietoernooi. Hulle het nie aan die volgende twee seisoene deelgeneem nie.

Lêer:Northern Transvaal Badge 1995.JPG
Noord-Transvaal wapen

Na die professionalisering van rugby is die Super 10-toernooi hergestruktureer. Die Super 12 is op die been gebring en spanne van Australië, Nieu-Seeland en Suid-Afrika het daaraan deelneem. Australië en Nieu-Seeland het van die begin af konsessiemodelle vir hul spanne gevorm maar Suid-Afrika het besluit om die beste vier spanne van die vorige seisoen se Curriebeker vir die Super 12 te oorweeg.

Noord-Transvaal was een van die spanne wat aan die heel eerste Super 12-kompetisie deelgeneem het. Die span het agt van hul elf wedstryde gewen en derde op die punteleër geëindig, naas die Auckland Blues en die Queensland Reds. Jannie Kruger van Noord-Transvaal het ook die derde meeste punte van die seisoen aangeteken. Noord-Transvaal het na Auckland gereis vir die halfeindronde maar het met 48 - 11 verloor op Edenpark.

Na ’n redelik suksesvolle eerste toernooi het die Bulls ietwat teleurgestel in die volgende seisoen toe hulle net drie wedstryde kon wen (hulle het ook in drie wedstryde gelykop gespeel). Hulle het die seisoen in die agtste plek afgesluit. Na afloop van die 1997-seisoen het Suid-Afrika besluit om ook konsessies te vorm vir deelname aan die Super 12. Die Bulls is as een van die nuwe konsessies gevorm. In 1998 het die Bulls nog swakker vertoon as in 1997 toe hulle die seisoen afgesluit het in die elfde plek nadat hulle slegs drie wedstryde kon wen. Vir die volgende vier seisoene (1999 - 2002) het die Bulls die laaste plek op die punteleër beklee behalwe toe hulle in 2000 elfde was. Hulle kon in die vier seisoene slegs vier wedstryde wen en het in 2002 nie een wedstryd gewen nie en 500 punte afgestaan. Die Bulls is tot dusver die enigste span wat in een seisoen van Superrugby nie een wedstryd kon wen nie en ook om 500 of meer punte in een seisoen af te staan.

Die 2003- en 2004-seisoene verloop baie beter vir die Bulls en hulle het in altwee jare sesde geëindig. In 2005 het hulle weer tot die uitspeelrondes deurgedring nadat hulle derde was na afloop van die rondomtalietoernooi. Hulle het na Sydney gereis om teen die Waratahs te speel in die halfeindronde. Die Bulls het met 23 - 13 in Sydney verloor.

Die Bulls speel teen die Western Force in Perth, Australië in 2006.

In 2006 het die Bulls weer na die uitspeelrondes deurgedring nadat hulle vierde op die punteleër geëindig het. Hierdie keer het hulle na Christchurch gereis om teen die Crusaders in die halfeindronde te speel. Hulle het daar met 35 - 15 verloor.

2007 was een van die Bulls se beste seisoene en hulle het 11 van hul rondomtaliewedstryde gewen. In die laaste ronde moes die Bulls met 72 punte teen die Reds wen om ’n tuishalfeindstryd te verseker. Hulle het die Reds met 92 - 3 gewen (die grootste oorwinning tot nog toe in Superrugby) wat beteken het dat hulle tweede op die punteleër geëindig het. Dit het ook beteken dat die Bulls ’n tuishalfeindstryd[1] teen die wenners van die vorige seisoen, die Crusaders, behaal het. Die Bulls het die wedstryd met 27 - 12 gewen en hulle het na Durban gereis vir die eindstryd teen die Sharks. Die Bulls wen ’n spannende wedstryd na meer as 80 minute met ’n doelskop van Derick Hougaard. Nadat die sirene die einde van die wedstryd afgekondig het het François Steyn van die Sharks besluit om die bal in spel te hou. Hy het die bal vorentoe geskop, Bryan Habana het die bal bemeester en deurgehardloop om die wendrie te druk. Derick Hougaard moes die drie verdoel om die telling 20 - 19 te maak. Die Bulls het in daardie jaar die eerste Suid-Afrikaanse span geword wat die Superrugbykompetisie kon wen.

Die volgende jaar het die Bulls nie daarin geslaag om hul titel suksesvol te verdedig nie en het die seisoen afgesluit met ’n tiende plek. In 2009 het die Bulls verbeter op hul sukses van 2007 en het tien wedstryde gewen om bo-aan die punteleër geëindig. Die Bulls moes weer teen die Crusaders speel in die halfeindronde en het die wedstryd in Pretoria met 36 - 23 gewen. Daarna het hulle teen die Chiefs in die eindrondte gespeel. Dit was ’n eensydige wedstryd wat die Bulls met 61 - 17 gewen het.

Konsessiegebied

Die konsessie is gesentreer om die Blou Bulle Rugbyunie (Pretoria en die Limpopoprovinsie) maar kry ook spelers van die Valke (wat die Oosrand verteenwoordig). Tot 2005 het die konsessie ook spelers van die Pumas (Mpumalanga) en die Luiperds (Noordwes) getrek, maar met die herskikking van die Suid-Afrikaanse konsessies vir die 2006 seisoen, is hierdie twee unies geskuif na die Cats (later die Lions).

Tuisveld

Die Bulls speel al hul tuiswedstryde op Loftus Versfeld in Pretoria, wat ook die tuiste van die Blou Bulle in die Curriebekerreeks is. Die Springbokke speel gereeld hier rugby en die stadion was ook gebruik tydens die Rugbywêreldbeker 1995. Die stadion is sedert 1908 in gebruik en in 1932 is die veld vernoem na Robert Loftus Owen Versfeld, die stigter van georganiseerde rugby in Pretoria.[2][3] Die stadion het sitplek vir 51, 762 mense.

Seisoenbepalings

Super 12

Die volgende tabel som die Bulls se Super 12-uitslae op:[4]

Seisoen Pos Gespeel Gewen Gelyk Verloor Punte vir Punte teen +/− BP Pte Notas
1996 3de 11 8 0 3 329 208 +121 6 38 verloor as Noord-Transvaal teen Auckland Blues in halfeindronde
1997 8ste 11 3 3 5 264 342 −78 4 22 as Blou Bulle (Noord-Transvaal)
1998 11de 11 3 0 8 249 306 −57 4 16
1999 12de 11 1 0 10 203 447 −244 3 7
2000 11de 11 1 2 8 231 395 −164 3 11
2001 12de 11 2 0 9 241 378 −137 3 11
2002 11de 11 0 0 11 232 500 −268 1 1
2003 6de 11 6 0 5 320 354 −34 5 30
2004 6de 11 5 1 5 302 320 −18 6 28
2005 3de 11 7 0 4 301 229 +72 6 34 Verloor teen Waratahs in halfeindronde

Super 14

Die volgende tabel som die Bulls se Super 14-uitslae op:[4]

Seisoen Pos Gespeel Gewen Gelyk Verloor Punte vir Punte teen +/− BP Pte Notas
2006 4de 13 7 1 5 355 290 +65 8 38 Verloor in halfeindronde teen Crusaders
2007 1ste 13 9 0 4 388 223 +165 6 42 Wen teen Sharks in eindronde
2008 10de 13 6 0 7 324 347 −23 4 28
2009 1ste 13 10 0 3 338 271 +67 6 46 Wen teen Chiefs in eindronde
2010 1ste 13 10 0 3 436 345 +91 7 47 Wen teen Stormers in eindronde

Superrugby

Die volgende tabel som die Bulls se Superrugby-uitslae op:

Seisoen Pos Gespeel Gewen Gelyk Verloor Punte vir Punte teen +/− BP1 Pte Notas
2011 7de 16 10 0 6 416 370 +46 6 54
2012 5de 16 10 0 6 472 369 +103 11 59 Verloor teen Crusaders in kwalifiserende ronde
2013 2de 16 12 0 4 448 330 +118 7 63 Verloor teen Brumbies in halfeindronde
2014 9de 16 7 1 8 365 335 +30 8 38

1 Punte toegeken vir ’n loslootjie is nie hierby ingereken nie.

Huidige span

Bulls 2014 Superrugbyspan

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Afrigters

Kapteins

Rekords en statistiek

Wedstryd

  • Grootste oorwinning: 89 punte teen die Reds (2007)
  • Meeste punte aangeteken: 92 teen die Reds se 3 (2007)
  • Grootste nederlaag: 64 punte teen die ACT Brumbies (1999)
  • Meeste punte afgestaan: 75 vir die Crusaders teen die Bulls se 27 (2000)
  • Meeste drieë gedruk: 13 teen die Reds (2007)
  • Meeste drieë afgestaan: 11 teen die Crusaders (2000)
  • Meeste indiwiduele punte: 35 deur Morné Steyn teen die Stormers (2005) en teen die Brumbies (2010)
  • Meeste indiwiduele drieë: 3 deur Fourie du Preez teen die Cats (2004)
  • Meeste doelskoppe: 11 deur Derick Hougaard teen die Reds (2007)
  • Meeste strafdoele: 7 deur Jannie de Beer teen die Highlanders (2000)
  • Meeste skepdoele: 4 deur Morné Steyn teen die Crusaders (2009)

Indiwidueel

  • Meeste wedstryde: Morné Steyn (119 van 2005 tot 2013) (korrek tot op 2 Junie 2013)
  • Meeste agtereenvolgende wedstryde: Pedrie Wannenburg (99 van 2003 tot 2010)
  • Oudste speler: Johan le Roux (37 jaar 134 dae op 37 Maart 1999 teen die Brumbies)
  • Meeste punte: Morné Steyn (1 397 van 2005 tot 2013)
  • Meeste drieë: Bryan Habana (37 van 2005 tot 2009)
  • Meeste doelskoppe: Morné Steyn (234 van 2005 tot 2013) (korrek tot op 2 Junie 2013)
  • Meeste skepdoele: Morné Steyn (25 van 2005 tot 2013) (korrek tot op 2 Junie 2013)
  • Meeste wedstryde as kaptein: Victor Matfield (60 tot 2010)

Seisoen

  • Meeste punte: 435 in 15 wedstryde (2007, 2009)
  • Meeste indiwiduele punte: 263 deur Morné Steyn (2010)
  • Meeste drieë: 51 in 15 wedstryde (2010)
  • Meeste indiwiduele drieë: 11 deur Bjorn Basson (2012)
  • Meeste doelskoppe: 38 deur Morné Steyn (2010)
  • Meeste strafdoele: 51 deur Morné Steyn (2010)
  • Meeste skepdoele: 11 deur Morné Steyn (2009)

Verwysings

  1. (en) "Rugby-Bulls blitz Reds 92-3 to earn home semi-final". Reuters. 5 Mei 2007. Besoek op 6 Mei 2007.
  2. (en) "Sports stadiums in South Africa". SouthAfrica.info. Besoek op 6 Mei 2007.
  3. (en) "Loftus Versfeld - History". Vodacom Blue Bulls. Besoek op 6 Mei 2007.
  4. 4,0 4,1 (en) "Superrugby spanbesonderhede (Bulls)". Lassen Creative Technologies Ltd. Besoek op 16 Maart 2010.

Eksterne skakels

Voorafgegaan deur
2006 - Crusaders
2008 - Crusaders
Super 14-kampioene
2007 (1ste)
2009 (2de) - 2010 (3de)
Opgevolg deur
2008 - Crusaders
2011 - Reds