Jansenville

Jansenville
Dorp
Jansenville
Koördinate: 32°56′S 24°40′O
Land	Suid-Afrika
Provinsie	Oos-Kaap
Distriksmunisipaliteit	Cacadu
Plaaslike Munisipaliteit	Ikwezi
Oppervlak
• Totaal	23,83 km2 (9,20 vk. myl)
Bevolking
• Totaal	1 433
• Digtheid	60/km2 (200/vk. myl)
Tydsone	UTC+2 (SAST)
Poskode	6265

Jansenville is 'n dorp in die Oos-Kaap, sowat 80 km suid van Graaff-Reinet. Dit is geleë in 'n streek wat as die Kamdeboo bekend staan.

Geskiedenis

Die dorpie het ontstaan toe die NG Kerk te Uitenhage gedurende 1854 besluit het om 'n nuwe gemeente in die noorde te stig. Die plaas Vergenoegd van P.J. Fourie is uitgekoop. Die plaas lê aan die oewers van die Sondagsrivier. Die dorp is 1855 geproklameer en genoem na JW Janssens, goewerneur van die Kaapkolonie tydens die Bataafse bewind van (1803-1806). Die NG gemeente Jansenville is amptelik op 4 Februarie 1855 van die moedergemeente Uitenhage, die tweede oudste in die Oostelike Provinsie, afgestig, maar Graaff-Reinet en Somerset-Oos het ook wyke bygedra. Op sy beurt het Jansenville twee dogtergemeentes afgestaan, Waterford in 1919 en Klipplaat in 1944. Teen 2013 was dit die kleinste twee gemeentes in die Sinode van Oos-Kaapland, met onderskeidelik 47 en 40 belydende lidmate.

Distrik

Die distrik is 4 500 km² groot. Die belangrikste produkte is merinowol en sybokhaar. Daar is ook angorastoetplase in die distrik.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus 1995 ISBN 1-86842-026-4