Ribbetjie

Ribbetjies in 'n braairestaurant

Ribbes van vark-, bees-, lam- en wildsvleis is 'n soort vleissnit. Die term ribbes verwys gewoonlik na dié deel van tjops wat minder vleis aan het, en word gewoonlik as een plat stuk gaargemaak (nie in aparte ribbes gesny nie). Ribbes van wildsbokke, volstruis, krokodil, buffel, bison, kangaroe en ander diere word ook verbruik in verskillende dele van die wêreld.

'n Stel ribbes wat saam bedien word (5 of meer), staan bekend as 'n rak ribbes.

Kookkuns

Ribbetjies kan op verskillende maniere gaargemaak word, bv. gerooster of pangebraai, gesoteer, gesmoor, gebak of gebraai oor kole. Lamsribbetjie word dikwels oor kole gebraai en varkribbes is gewild in restaurante as spare ribs.

In Amerikaanse kookkuns, verwys ribbes gewoonlik na gebraaide varkribbes, of soms beesribbes, wat saam met verskeie braaisouse bedien word.

Dit word bedien as 'n rak van vleis wat eters gewoonlik met die hand uitmekaar skeur, en dan die vleis van die been af eet. Stadige braai of 'n roterende spitbraai vir so veel as 10-12 uur, skep 'n smaaklike finale produk.

• 
  Gesnyde varkribbetjies
• 
  Varkribbetjies in 'n gewilde familierestaurant
• 
  So kan 'n braaier homself uitleef!
• 
  Lamribtjops

Sien ook

• Braai
• Boerewors
• Mieliepap
• Tjop (vleis)

Eksterne skakels

• Skaapribbetjie lekkerte, SA Outdoors