Riebeek-Kasteel: Verskil tussen weergawes

in Wikipedia, die vrye ensiklopedie
Content deleted Content added
Wapen
→‎Wapen: skakel reggestel
Lyn 151: Lyn 151:


==Wapen==
==Wapen==
Riebeeck-Kasteel is in 1975 tot munisipaliteit geproklameer. Die munisipale raad het in 1978 'n wapen by die [[Buro vir Heraldiek]] geregistreer. Dit is op [[Jan van Riebeeck]] se familiewapen gebaseer : ''In rooi, drie goue ringe en 'n gekanteelde skildhoof, alles van goud''. Die helmteken was 'n rooi muurkroon, en die wapenspreuk "Vires in arduis".<ref name=bvh>http://www.national.archsrch.gov.za.</ref>
Riebeeck-Kasteel is in 1975 tot munisipaliteit geproklameer. Die munisipale raad het in 1978 'n wapen by die [[Buro vir Heraldiek]] geregistreer. Dit is op [[Jan van Riebeeck]] se familiewapen gebaseer : ''In rooi, drie goue ringe en 'n gekanteelde skildhoof, alles van goud''. Die helmteken was 'n rooi muurkroon, en die wapenspreuk "Vires in arduis".<ref name=bvh>[http://www.national.archsrch.gov.za/sm300cv/smws/sm300dl National Archives of South Africa : Data of the Bureau of Heraldry].</ref>


==NG gemeente==
==NG gemeente==

Wysiging soos op 08:32, 13 Januarie 2016

Riebeek-Kasteel
Riebeek-Kasteel is in Wes-Kaap
Riebeek-Kasteel
Riebeek-Kasteel
Koördinate: 33°23′7.21″S 18°53′54.65″O / 33.3853361°S 18.8985139°O / -33.3853361; 18.8985139
LandVlag van Suid-Afrika Suid-Afrika
ProvinsieWes-Kaap
DistriksmunisipaliteitWeskus
Plaaslike MunisipaliteitSwartland
Oppervlak
 • Totaal1,40 km2 (0,54 vk. myl)
Bevolking
 • Totaal2 532
 • Digtheid1 800/km2 (5 000/vk. myl)
TydsoneUTC+2 (SAST)
Poskode
7307
Skakelkodes022
Jan van Riebeeck uit die skildery De Stichter deur E.C. Godée Molsbergen.
Enkele jare oue geboue op Riebeek-Kasteel wat in 'n outydse styl opgerig is.
Uitsig oor die vallei en Kasteelberg by Riebeek-Kasteel vanaf die Royal Hotel.

Riebeek-Kasteel is 'n skilderagtige dorpie aan die voet van die 946 m hoë vrystaande Kasteelberg in die distrik Swartland, Wes-Kaap, Suid-Afrika.

Die eerste Europeërs wat die vallei besoek het, was 'n geselskap onder leiding van korp. Cruythoff, uitgestuur deur Jan van Riebeeck, na wie die berg, dorpie en aanliggende Riebeek-Wes genoem is.

Wapen

Riebeeck-Kasteel is in 1975 tot munisipaliteit geproklameer. Die munisipale raad het in 1978 'n wapen by die Buro vir Heraldiek geregistreer. Dit is op Jan van Riebeeck se familiewapen gebaseer : In rooi, drie goue ringe en 'n gekanteelde skildhoof, alles van goud. Die helmteken was 'n rooi muurkroon, en die wapenspreuk "Vires in arduis".[1]

NG gemeente

Die kerkraad van die moedergemeente Swartland (op Malmesbury) het in 1854 besluit om vir die lidmate wat agter die Riebeek-Kasteelberg (soos dit onder meer destyds genoem is) 'n hulpkerk op te rig. Ds. J.C. Moorrees, wat 48 jaar lank leraar van Swartland was en na wie Moorreesburg genoem is, het die hulpkerk op 15 Mei 1856 ingewy, een maal per maand daar buitekerk gehou en een maal elke drie maande die sakramente bedien. In 1862 rig die plaaslike NG lidmate 'n versoekskrif aan die kerkraad waarin hulle vra dat Riebeek-Kasteel afgestig moet word. Die kerkraad het die versoek die volgende haar toegestaan. By gebrek aan fondse en omdat die lidmate maar min was, het ds. Moorrees, as konsulent, die gemeente nog tot 1880 bedien.

Ds. J.S. Human, voorheen van Namakwaland, is op 8 April 1881 op Riebeek-Kasteel as eerste leraar bevestig. Hy dien tot 1908. Sy opvolger, ds. Pieter de Waal, dien van 1909 tot 1920, en dit was in sy dienstyd dat die huidige kerkgebou, wat bo die dorpie uittroon, teen 'n totale koste van £6 000 ingewy is. Die lidmaattal het teen omstreeks 1950 op sowat 450 gestaan en teen 2010 op sowat 500.

Toerisme

Riebeek-Kasteel huisves jaarliks die Olyffees wat honderde besoekers van oral oor lok. Die Royal Hotel is smaakvol opgeknap en langs die geskiedkundige kerkgebou geleë. Die vallei beskik oor talle wynplase, onder meer Allesverloren, olyfboerderye, gastehuise en restaurante. Dit is 'n gewilde naweek-toevlugsoord vir stedelinge en ook 'n slaapdorp vir pendelaars wat elders werk.

Sien ook

Bronne

  • Bulpin, T.V., 2001. Discovering Southern Africa. Cape Town: Discovering Southern Africa Publications cc.
  • Rosenthal, Eric, 1978. Encyclopaedia of Southern Africa. Cape Town and Johannesburg: Juta and Company Limited.
  • Olivier, ds. P.L. (samesteller), 1952. Ons gemeentelike feesalbum. Kaapstad en Pretoria: N.G. Kerk-uitgewers.

Eksterne skakels