Gereformeerde kerk Worcester: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Morne (besprekings | bydraes)
Lyn 20: Lyn 20:
# Aucamp, Johannes Louis, 1991 – 2000 (in kombinasie met [[Gereformeerde kerk Clanwilliam|Clanwilliam]])
# Aucamp, Johannes Louis, 1991 – 2000 (in kombinasie met [[Gereformeerde kerk Clanwilliam|Clanwilliam]])
# Van der Walt, Johannes Gideon Lessing, 2000 – 2008
# Van der Walt, Johannes Gideon Lessing, 2000 – 2008
# Geertsema, Paul Geert, 2008 – 2014 (aanvaar sy [[emeritaat]] om mediese redes)
# Du Plessis, Alwyn Nicolaas, 2014 – hede
# Du Plessis, Alwyn Nicolaas, 2014 – hede



Wysiging soos op 08:53, 3 Februarie 2016

Die Gereformeerde kerk Worcester.
Ds. Lood Snyman, van 1956 tot 1958 die eerste leraar.

Die Gereformeerde kerk Worcester is die derde oudste van die gemeentes in die GKSA se Klassis Boland wat die hele provinsie Wes-Kaap en die noordwestelike uithoek van die Noord-Kaap beslaan. In 1997 het Worcester 208 belydende en 84 dooplidmate gehad, maar einde 2015 was dit onderskeidelik 133 en 31.

Die gemeente Worcester is op 28 November 1954 gestig as slegs die derde gemeente in wat later Klassis Boland sou word. Aan die begin het dit as Worcester-Paarl bekendgestaan omdat dié twee wyke gesamentlik van die Gereformeerde kerk Kaapstad afgestig het. Die Gereformeerde kerk Paarl het op 23 April 1963 van Worcester afgestig sodat die gemeentegrense nou (2016) buiten die hoofdorp, Worcester, ook Ashton, Barrydale, Bonnievale, Ceres, De Doorns, McGregor, Montagu, Rawsonville, Robertson, Sutherland, Villiersdorp en Wolseley insluit.

Aanvanklik het die lidmate van die samegestelde gemeente op Worcester in die Biesenbachsaal van die Skool vir Blindes eredienste gehou. Later is ’n erf oorkant die saal gekoop sodat dit vir blinde lidmate makliker sou wees om self by die kerk uit te kom. Die argitek Dirk Swart was verantwoordelik vir die bouplan en die bouaannemer was Jan Brand. Die gebou is in ’n A-raam gebou met reusagtige, gelamineerder houtbalke. Aan die noordekant is ’n baie groot venster met ’n uitsig op die Brandwagberge. P.A. Venter het die afwerking aan die banke en preekstoel gedoen. Die gebou bied sitplek aan 400 mense.

André Wattel van Kaapstad het die pyporrel gebou. Weens die grootte van die gemelde venster het die son se hitte die allooi van die orrelpype laat knak. Die pype is vervang en ’n houtafskorting voor die pype geplaas om die hitte af te keer. Die toring is in die Kaap van glasvesel vervaardig volgens die argitek se ontwerp. ’n Sterk wind het dit egter getref drie dae nadat dit opgerig is en ’n stuk daarvan het afgebreek. Dit is later herstel en staan nou nog.

Predikante

  1. Snyman, Johannes Lodewikus Jakobus, 1956 – 1958
  2. Lessing, Johannes Christiaan, 1958 – 1960
  3. Linde, Philippus Jacobus Wilhelmus, 1961 – 1966 (in kombinasie met Paarl)
  4. Heystek, dr. Nicolaas Philippus, 1967 – 1972 (in kombinasie met Clanwilliam)
  5. Venter, dr. Jan Louis, 1973 – 1976
  6. Krüger, Hendrik Jacobus, 1976 – 1985 (in kombinasie met Clanwilliam); 1986 – 1990 (selfstandig)
  7. Aucamp, Johannes Louis, 1991 – 2000 (in kombinasie met Clanwilliam)
  8. Van der Walt, Johannes Gideon Lessing, 2000 – 2008
  9. Geertsema, Paul Geert, 2008 – 2014 (aanvaar sy emeritaat om mediese redes)
  10. Du Plessis, Alwyn Nicolaas, 2014 – hede

Bronne