Johannes Petrus van der Walt: Verskil tussen weergawes
Morne (besprekings | bydraes) Nuwe bladsy geskep met 'Ds. '''Johannes Petrus van der Walt''' (Ladybrand, Oranje-Vrystaat, 29 Augustus 1878 – Johannesburg, Transvaal, 2 Augustus 1922) was ’...' |
(Geen verskil)
|
Wysiging soos op 18:00, 6 Februarie 2016
Ds. Johannes Petrus van der Walt (Ladybrand, Oranje-Vrystaat, 29 Augustus 1878 – Johannesburg, Transvaal, 2 Augustus 1922) was ’n predikant in die Gereformeerde Kerke van Suid-Afrika.
Petrus Johannes van der Walt is op Ladybrand in die Oos-Vrystaat gebore as seun van T.N. van der Walt. Hy is gedoop op 2 Maart 1879 in die Gereformeerde kerk Ladybrand, wat op 20 Desember 1872 van die Gereformeerde kerk Reddersburg afgestig het. Nadat hy sy opleiding aan die Teologiese Skool, Burgersdorp, voltooi het, het hy in 1909 ’n beroep aangeneem na sy enigste gemeente, Waterberg, op die destydse Nylstroom. Op 28 Januarie die volgende jaar is hy op Fauresmith in die Oranje-Vrystaat getroud met Maria Magdalena Henning (gebore op Burgersdorp op 8 Mei 1891. Die bruidegom was dus reeds 31 jaar oud en die bruid net 18. Ses kinders is uit dié huwelik gebore, van wie ’n seuntjie, Andries, jonk oorlede is. Daar was nog twee seuns en drie dogters.
Ds. Van der Walt het Waterberg net sowat 12 jaar bedien, want in Augustus 1922, 27 dae voor sy 44ste verjaardag, is hy in Johannesburg weens kanker oorlede ná ’n bittere lyding. Miemie van der Walt het 74 jaar oud geword en is op 18 Mei 1965, 10 dae ná haar verjaardag, op Potchefstroom oorlede. Blykbaar het sy in die amper 43 jaar tussen haar man se dood en haar eie nooit hertrou nie. Sy en haar man is albei op Nylstroom begrawe.
Galery
-
Die huwelik van ds. J.P. van der Walt en mej. Maria Magdalena Henning. Hy is gebore op 29 Augustus 1878 op Ladybrand en sy op 8 Mei 1891 op Burgersdorp; getroud op 28 Januarie 1910 op Fauresmith.
-
Ds. J.P. en mev. M.M. van der Walt.
-
Ds. J.P. en mev. Miemie van der Walt en hul drie seuns (van links): Andries (jonk oorlede), Hansie en Tjaart.
-
Die dogters van ds. J.P. en mev. M.M. van der Walt. Hy was predikant hier van 1909 tot sy dood in 1922, sy enigste gemeente.
-
Die weduwee M.M. van der Walt met haar ses kinders in die jaar van haar, ds. J.P. van der Walt, se dood (1922).
-
Ds. J.P. van der Walt se grafsteen. Hy is op 2 Augustus 1922 in Johannesburg oorlede nadat hy klaaglik gely het weens kanker.
-
Miemie van der Walt, 1952.
Bronne
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.