Sianied

Verskillende voorstellings van die sianied-ioon.

'n Sianied is 'n sout van blousuur (waterstofsianied) met 'n formule CN⁻.

Die oksidasietoestand van die koolstofatoom is +4. Die bekendste sianiede is kalium- en natriumsianied (KCN en NaCN) wat in waterige oplossings goed oplosbare soute is en 'n basiese oplossing gee omrede blousuur 'n swak suur is en die sianiedioon in water gedeeltelik sal hidroliseer volgens die reaksie

$CN^{-}+H_{2}O\to HCN+OH^{-}$

Sianiede en hul oplossings is baie giftig en in suur oplossings word blousuur vrygestel. Dit is 'n kleurlose en taamlik vlugtige vloeistof wat kenmerkend soos bitter almandels ruik en 'n snelwerkende dodelike gif is. Die dood volg binne sekondes na inaseming van blousuurdampe. Dit was ook 'n gewilde middel in die verlede om mense te vergif en is gebruik by teregstellings.

Die sianiedioon is 'n goeie kompleksvormer. Met yster byvoorbeeld kan sianoferrate gevorm word

heskasianoferraat(II): $Fe^{2+}+6CN^{-}\to Fe(CN)_{6}^{4-}$

heskasianoferraat(III): $Fe^{3+}+6CN^{-}\to Fe(CN)_{6}^{3-}$

Hierdie stowwe is baie minder giftig as die sianiede self.

Sien ook

• Lys van anione
• Pseudohalogeen
• Sianogeen

Bron

• Dokter in die huis, Dr Jan van Elfen, 1993 ISBN 0 624 03234 5