Wapen van Suid-Afrika: Verskil tussen weergawes

in Wikipedia, die vrye ensiklopedie
Content deleted Content added
k 1960s > 1960's
Bron bygevoeg
Lyn 3: Lyn 3:
== 1910-2000 ==
== 1910-2000 ==
[[Lêer:Coat of Arms of South Africa (1932-2000).svg|thumb|upright|Wapen van Suid-Afrika (1932-2000)]]
[[Lêer:Coat of Arms of South Africa (1932-2000).svg|thumb|upright|Wapen van Suid-Afrika (1932-2000)]]
Die oorspronklike landswapen is deur Arthur Holland ontwerp en op 17 September 1910 deur koning George V aan die [[Unie van Suid-Afrika]] toegeken. Die amptelike wapenbeskrywing is:
Die oorspronklike landswapen is deur Arthur Holland ontwerp en op 17 September 1910 deur koning George V aan die [[Unie van Suid-Afrika]] toegeken.<ref>Staatskoerant No. 58, gedateer 15 November, 1910.</ref> Die amptelike wapenbeskrywing is:


<blockquote>
<blockquote>

Wysiging soos op 12:30, 22 April 2016

Die wapen van Suid-Afrika is Suid-Afrika se amptelike heraldiese simbool. Sedert uniewording in 1910 is twee agtereenvolgende landswapens gebruik: die oorspronklike wapen vanaf 1910 to 2000 en die huidige wapen sedert 2000.

1910-2000

Wapen van Suid-Afrika (1932-2000)

Die oorspronklike landswapen is deur Arthur Holland ontwerp en op 17 September 1910 deur koning George V aan die Unie van Suid-Afrika toegeken.[1] Die amptelike wapenbeskrywing is:

  • Wapen: Gevierendeel, die snylyn golwend: I, in rooi, 'n vroulike figuur voorstellende Hoop wat met die regterarm op 'n rots leun en met die linkerhand 'n anker ondersteun, alles van silwer; II, in goud, twee swartwildebeeste in volle ren langs mekaar in natuurlike staat, albei van natuurlike kleur; III, in goud, op 'n los grond, 'n groen oranjeboom met natuurlike vrugte; IV, in groen, 'n trekwa van silwer.
  • Helmteken: Op 'n wrong van die wapenkleure 'n gaande aansiende leeu van rooi wat met sy regterpoot vier regopgeplaaste stawe vashou, beurtelings van silwer en blou en met 'n goue band saamgevat.
  • Skildhouers: Regs 'n springbok en links 'n gemsbok van natuurlike kleur.
  • Wapenspreuk: EX UNITATE VIRES.
  • Kompartement: Twee Protea-plante elk met twee blomkoppe, van natuurlike kleur, op die groen grasgrond aan weerskante van die wapenskild.[2]

Die vier kwartiere verteenwoordig die vier provinsies, nl Kaapland, Natal, die Oranje-Vrystaat, en Transvaal. Die leeu is afgelei van die Britse en Nederlandse landswapens. Die wapenspreuk is 'n Latynse vertaling van die voormalige Transvaalse wapenspreuk. Die kompartement met proteas daarop is eers in 1932 bygevoeg.[3][4]

Oor die jare is vier amptelike afbeeldings van die wapen gebruik: die 1910-afbeelding, die 1930-afbeelding, die 1932-afbeelding (soos op hierdie bladsy getoon), en die Buro vir Heraldiek se afbeelding wat ten tye van die Republiekfees in 1971 gebruik is. Die wapen is in 1968 by die Buro geregistreer.

2000-hede

Wapen van Suid-Afrika sedert 2000

Die huidige wapen is in 2000 deur Iaan Bekker in opdrag van die kabinet ontwerp, en is amptelik op 27 April 2000 ingehuldig. Die amptelike wapenbeskrywing is:

  • In goud, voorstellings van twee rooi-oker staande toegewende San-mensefigure, die hande van die binneste arms in handgreep, met 'n silwer band om die binneste gewrig, bo-arms, middellyf en knieë, en 'n smal skildsoom van rooi-oker.
  • Die skild oortop met 'n skuinsgekruiste spies en knopkierie van swart, daarbo 'n goue halwe sekretarisvoël met uitgespreide vleuels, op die bors belaai met 'n gestileerde voorstelling van 'n proteablom met groen buiteblare en binneblomblare van goud, gesaad van nege aanstotende driehoeke in drie rye, die boonste driehoek rooi, die tweede ry groen, goud omgekeer en groen, en die derde ry groen, goud omgekeer, swart, goud omgekeer en groen; bokant die kop van die sekretarisvoël 'n boog van sewe strale gefasetteer van goud en oranje, die twee buitenste strale aanstotend teen die verhewe vleuels.
  • Op 'n groen lint die wapenspreuk !KE E: /XARRA //KE in silwer letters; uitkomend uit die punte van die lint twee paar goue olifantstande binnetoe geboë, die punte daarvan aanstotend teen die vleuels van die sekretarisvoël, daarbinne twee bruin koringare aan die skildflanke.[5]

Ander wapens

Sien ook

Verwysings

  1. Staatskoerant No. 58, gedateer 15 November, 1910.
  2. Buro vir Heraldiek
  3. Pama, C. (1965). Lions and Virgins
  4. Brownell, F.G. (1993). Nasionale en Provinsiale Simbole
  5. Staatskoerant nr 21131 gedateer 28 April 2000

Bronne

  • Brownell, F.G. (1993). Nasionale en Provinsiale Simbole.
  • Pama, C. (1965). Lions and Virgins.

Eksterne skakels