Hui-Chinese: Verskil tussen weergawes
Nuwe artikel |
(Geen verskil)
|
Wysiging soos op 19:00, 19 Junie 2016
Hui-Sjinese | |
---|---|
Totale bevolking: | ca. 10,6 miljoen |
Belangrike bevolkings in: | China |
Taal: | Mandaryns (insluitende Dungan) en ander Sjinese tale |
Geloofsoortuiging: | Hoofsaaklik Soennitiese Islam |
Verwante etniese groepe: | Ander Sino-Tibettaanse volke soos Han-Sjinese. |
Die Hui-Sjinese (Sjinees: 回族; pinyin: Huízú, Xiao'erjing: خُوِذُو/حواري, Dungan: Хуэйзў/Huejzw) behoort tot een van die 56 amptelik erkende etniese groepe ("nasionaliteite") in die Volksrepubliek van Sjina. Hulle is etnies en linguisties nou verwant aan die Han-Sjinese, met die uitsondering dat die Hui-Sjinese oorwegend aanhangers van die Soennitiese Islam is. Kleiner Islamitiese etniese groepe wat nie deur die Sjinese regering as eie nasionaliteite erken word nie, word by die Hui-Sjinese ingereken.
Volgens die sensus van 2011 leef in die Volksrepubliek van Sjina 10 586 087 Hui-Sjinese, veraal in die streke Noordwes-Sjina en die ssentrale Zhongyuan. Groot bevolkings van Hui-Sjinese leef in die provinsies Ningxia (2 173 820 of 20,52%), Gansu (1 258 641 of 11,88%), in die outonome gewes Xinjiang (983 015 of 9,28%) en Henan (957 964 of 9,04%).
Hui-Sjinese praat as moedertaal oorwegend Mandaryns met plaaslike dialekte. Hul dialek word in die aangrensende lande Kirgisië, Kasakstan, Oesbekistan en Tadjikistan Dungan (東干語) genoem. In liturgiese opsig is hul taalgebruik deur leenwoorde uit Arabies, Persies en Turks gekenmerk.
Eksterne skakels
- Wikimedia Commons het meer media in die kategorie Hui-Chinese.
- (en) "Hui". Encyclopædia Britannica. Besoek op 19 Junie 2016.
- (en) The Hui ethnic minority – Sjinese regeringswebwerf
- (zh) Verspreiding van etniese groepe in Sjina