De Rust

De Rust
De Rust
Koördinate: 33°28′0″S 22°31′0″O
Land	Suid-Afrika
Provinsie	Wes-Kaap
Distriksmunisipaliteit	Eden
Plaaslike Munisipaliteit	Oudtshoorn
Oppervlak
• Totaal	17,74 km2 (6,85 vk. myl)
Bevolking
• Totaal	2 804
• Digtheid	160/km2 (400/vk. myl)
Tydsone	UTC+2 (SAST)

Die kerkgebou van die NG gemeente De Rust, gestig in 1899.

De Rust is dorpie in die Wes-Kaap, Suid-Afrika. Dit is geleë aan die suidelike ingang van Meiringspoort op die N12 nasionale pad. Ongeveer 5 km suidoos van De Rust word die Olifantsrivier in die Stompdriftdam opgedam.

De Rust is in 1900 gestig op die plaas De Rust waarvan die eerste eienaar J.P. Meiring was na wie Meiringspoort genoem is. Die naaste groot dorp is Oudtshoorn, 35 km wes van De Rust.

Dit is in 2011 aangewys as Rapport en Kwêla se "Dorp van die Jaar".

Wapen

De Rust se munisipale raad het in 1988 'n wapen by die Buro vir Heraldiek geregistreer: In rooi, aan die kante rond uitgesny van goud, 'n golwende versmalde dwarsbalk van die een in die ander, blou en goud, in die skildhoof 'n silwer vyfpuntige ster. Die helmteken is 'n druiwetros tussen twee volstruisvere, en die wapenspreuk "Rus en vrede".

Sien ook

• Lys van dorpe in Suid-Afrika
• Broer Matie, rolprent wat hier verfilm is.
• NG gemeente De Rust

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4