President van Suid-Afrika

Die Uniegebou in Pretoria, setel van die Suid-Afrikaanse president

Die President van Suid-Afrika is die staatshoof en regeringshoof onder Suid-Afrika se Grondwet. Vanaf 1961 tot 1994 was die staatshoof bekend as die Staatspresident.

Die President word verkies deur lede van die Parlement en is gewoonlik die leier van die grootste party. Vanaf die eerste veelrassige verkiesings op 27 April 1994 was hierdie die ANC gewees. Die eerste President wat verkies was onder die nuwe Grondwet was Nelson Mandela, wie deur Thabo Mbeki in 1999 opgevolg is.

Onder die tussentydse Grondwet (geldig vanaf 1994 tot 1996) was daar 'n Regering van Nasionale Eenheid waarin 'n LP van die grootste opposisieparty geregtig was tot die posisie van Adjunkpresident. Tesame met Mbeki, het die laaste Staatspresident, F.W. de Klerk, ook gedien as Adjunkpresident in sy amp as leier van die Nasionale Party wat die tweede-grootste party in die nuwe Parlement was. De Klerk het egter uitgetree en in opposisie van sy party gegaan. 'n Vrywillige koalisieregering bestaan steeds onder die nuwe Grondwet (wat in 1996 aangeneem is), alhoewel daar nog geen aanstellings van opposisiepolitici tot die pos van Adjunkpresident gemaak is nie.

Die amptelike setel van die President is die Uniegebou in Pretoria.

Lys van Presidente van Suid-Afrika (1994–hede)

Partye

██ African National Congress (ANC)

#	Portret	Naam (Geboorte–Dood)	Ampstermyn — Verkiesingsmandate		Parlement	Party	Regering
1		Nelson Mandela (1918–2013)	10 Mei 1994	14 Junie 1999	22ste	ANC	Mandela ANC—NP—IVP
			1994
2		Thabo Mbeki (1942–)	14 Junie 1999	21 Mei 2004	23ste	ANC	Mbeki I ANC—IFP
			21 Mei 2004	24 September 2008	24ste		Mbeki II
			1999, 2004
3		Kgalema Motlanthe (1949–)	24 September 2008	9 Mei 2009	24ste	ANC	Motlanthe
			—
4		Jacob Zuma (1942–)	9 Mei 2009	21 Mei 2014	25ste	ANC	Zuma I
			21 Mei 2014	Ampsbekleër	26ste		Zuma II
			2009, 2014

Sien ook

• Adjunkpresident van Suid-Afrika
• Eerste Minister van Suid-Afrika
• Goewerneur-generaal van Suid-Afrika
• Staatspresident van Suid-Afrika
• Lys van Suid-Afrikaanse staatshoofde

Eksterne skakels

• Wikimedia Commons het meer media in die kategorie President van Suid-Afrika.
• (en) Amptelike webwerf van die Presidentskap