Hadj: Verskil tussen weergawes

in Wikipedia, die vrye ensiklopedie
Content deleted Content added
Uitgebrei, nog besig
Uitgebrei, nog besig
Lyn 90: Lyn 90:
[[Beeld:Kaaba 2.JPG|thumb|Pelgrims voer die tawaf om die Kaäba uit.]]
[[Beeld:Kaaba 2.JPG|thumb|Pelgrims voer die tawaf om die Kaäba uit.]]
Op dieselfde of die volgende dag besoek pelgrims weer Al-Masjid al-Haram in Mekka vir nog ’n tawaf, bekend as Tawaf al-Ifaada, ’n verpligte deel van die hadj.<ref name=Long21/> Dit simboliseer ’n haas om op God te reageer en liefde teenoor Hom te betoon. Die nag van die 10de word weer in Mina deurgebring.
Op dieselfde of die volgende dag besoek pelgrims weer Al-Masjid al-Haram in Mekka vir nog ’n tawaf, bekend as Tawaf al-Ifaada, ’n verpligte deel van die hadj.<ref name=Long21/> Dit simboliseer ’n haas om op God te reageer en liefde teenoor Hom te betoon. Die nag van die 10de word weer in Mina deurgebring.

===Vierde dag: 11 Dhu'l Hidjdja===
Van die middag tot met sonsondergang gooi pelgrims weer klippe na elk van die drie pilare in Mina.<ref name=al-Hasani/>

===Vyfde dag: 12 Dhu'l Hidjdja===
Op 12 Dhu'l Hidjdja volg dieselfde prosedure van die steniging van die duiwel.<ref name=al-Hasani/> Pelgrims mag voor sonsondergang van Mina na Mekka reis.

===Laaste dag by Mina: 13 Dhu'l Hidjdja===
As hulle nie op die 12de kon vertrek nie of self besluit het om langer te bly, moet die perlgrims weer die steniging van die duiwel uitvoer voordat hulle na Mekka terugkeer.<ref name=al-Hasani/>

====Tawaf al-Wadaa====
Eindelik, voordat hulle Mekka verlaat, moet pelgrims ’n laaste tawaf, Tawaf al-Wadaa, uitvoer. "Wadaa" beteken "om tot siens te sê". Die pelgrims loop sewe keer antikloksgewys om die Kaäba en as hulle kan, soen hulle die Kaäba of raak daaraan.<ref name=ngeo/>

===Reis na Medina===
Hoewel dit nie deel van die hadj is nie, kan pelgrims nou na Medina en [[Al-Masjid an-Nabawi]] (Moskee van die Profeet) reis. Laasgenoemde bevat Mohammed se graftombe.<ref name=RESA/> Die [[Quba-moskee]] en [[Masjid al-Qiblatayn]] word ook gewoonlik besoek.<ref>{{cite book |url=https://books.google.com/books?id=QlozJ12_C-8C&pg=PA32&dq=Quba+Mosque+Qiblatain&hl=en&ei=QDsdTb6-CZSxhAf21Iy3Dg&sa=X&oi=book_result&ct=result&resnum=1&ved=0CCsQ6AEwAA#v=onepage&q=Quba%20Mosque%20Qiblatain&f=false |title=A life that matters: a spiritual experience |author=Norani Noridin |author2=Nordin Yusof |publisher=The Other Press |page=32 |isbn=9789675062025}}</ref>


==Notas==
==Notas==

Wysiging soos op 21:46, 8 September 2016

Pelgrims in die Al-Masjid al-Haram op die hadj van 2008.

Die hadj (soms gespel gadj; Arabies: الحجّ) is ’n jaarlikse Islamitiese pelgrimstog, of bedevaart, na Mekka wat elke Moslem wat fisiek en finansieel daartoe in staat is, minstens een keer in sy of haar leeftyd moet onderneem.[1][2][3] Dit is een van die Vyf Pilare van Islam.

Die hadj is een van die grootste jaarlikse byeenkomste van mense in die wêreld.[4] Dit is ’n demonstrasie van die solidariteit van Moslems en hul aanbidding van een God (Allah).[5][6]

Die bedevaart vind plaas van die 8ste tot die 12de (of soms 13de)[7]) van Dhu'l Hidjdja, die laaste maand van die Islamitiese kalender. Omdat dit ’n maankalender is in teenstelling met die Gregoriaanse kalender, wat ’n sonkalender is, is die Islamitiese jaar sowat 11 dae korter as ’n Gregoriaanse jaar, en daarom verskil die datum van die hadj van jaar tot jaar. Ihram is die naam van die spesiale spirituele toestand waarin pelgrims twee wit stukke naatlose materiaal dra en hulle van sekere dade weerhou.[5][8][9]

Die hadj word verbind met die lewe van die profeet Mohammed uit die 7de eeu, maar Moslems glo die pelgrimsritueel na Mekka dateer van duisende jare gelede in die tyd van Abraham. Honderdduisende mense besoek Mekka vir die week van die hadj en voer ’n aantal rituele uit: elkeen loop sewe keer antikloksgewys om die Kaäba (die vierkantige gebou in die middel van Al-Masjid al-Haram in Mekka en die rigting van gebed), hardloop heen en weer tussen die heuwels Safa en Marwa, drink uit die Zamzam-put, gaan vir ’n nagwaak na Berg Ararat, bring ’n nag deur op die vlakte van Muzdalifa en voer ’n simboliese steniging van die duiwel uit deur klippe na drie pilare te gooi. Die pelgrims skeer dan hul hare, doen mee aan ’n ritueel van diereoffering en vier die drie dae lange fees Eid al-Adha.[10][11][12]

Pelgrims besoek Mekka ook ander tye van die jaar om dié rituele uit te voer. Dit word soms oemra, of ’n "mindere pelgrimstog", genoem. Hulle moet egter steeds die hadj onderneem as hulle kan.

Geskiedenis

’n Foto uit 1907 van Al-Masjid al-Haram vol aanbidders.

Die huidige patroon van die hadj is deur Mohammed gevestig.[13] Volgens die Koran kan elemente daarvan teruggespoor word na die tyd van Abraham, omstreeks 2000 v.C. Die Islamitiese tradisie vertel God het Abraham beveel om sy vrou Hagar en seun Ismael alleen in die woestyn van antieke Mekka te los. Terwyl Hagar op soek was na water, het sy desperaat sewe keer tussen die twee heuwels Safa en Marwa gehardloop, maar niks gekry nie. Toe sy na Ismael terugkeer, het sy gesien die baba krap die grond met sy been, en ’n fontein het op die plek ontspring.[14]

Later het Abraham bevel gekry om die Kaäba te bou (wat hy met Ismael se hulp gedoen het) en om mense te nooi om ’n bedevaart daarheen te onderneem.[15] Die Koran verwys in verse 2:124-127 en 22:27-30 daarna.[nota 1] Daar word gesê die aartsengel Gabriël het die Swart Steen uit die hemel gebring om in die Kaäba te lê.[15]

In voor-Islamitiese Arabië, ’n tyd bekend as djahilijja, is die Kaäba omring deur heidense afgode.[16] In 630 n.C. het Mohammed sy volgelinge van Medina na Mekka gelei, die Kaäba gereinig deur al die afgode te vernietig, en die gebou weer aan Allah gewy.[17] In 632 n.C. het Mohammed sy enigste bedevaart met ’n groot aantal volgelinge onderneem en hulle onderrig in die rituele van die hadj.[18] Van dié oomblik af was die hadj een van die vyf pilare van Islam.

In die Middeleeue het pelgrims in die groot stede van Sirië, Egipte en Irak byeengekom om in groepe en karavane van tienduisende na Mekka te reis,[19] dikwels onder staatsbeskerming.[20] Hadj-karavane, veral tydens die Mameluk-sultanaat en sy opvolger, die Ottomaanse Ryk, is deur ’n militêre mag en dokters vergesel.[21][22] Dit was om die karavane teen Bedoeïene-rowers en natuurlike terugslae te beskerm,[nota 2][21][22] en om te verseker die pelgrims het alles wat hulle nodig het.[21] Moslemreisigers soos die geograaf en digter Ibn Jubayr en die geleerde Ibn Battuta het gedetailleerde beskrywings van hadj-reise in die Middeleeue gegee.[23] Die karavane het gevestigde roetes soos die Koninklike Weg gevolg.

Tyd van die hadj

Die datum van die hadj word bepaal deur die Islamitiese kalender, wat op die maandjaar gebaseer is.[24][25] Die gebeure van die hadj vind elke jaar oor vyf dae plaas, wat begin op die 8ste en eindig op die 12de Dhu'l Hidjdja, die laaste maand van die Islamitiese kalender. Van dié vyf dae is die 9de bekend as die Dag van Arafah, en dit is die dag van die hadj. Omdat die Islamitiese kalender ’n maandkalender is en die Gregoriaanse kalender ’n sonkalender, is die Islamitiese jaar sowat 11 dae korter as die Gregoriaanse jaar; daarom verskil die Gregoriaanse datum van die hadj van jaar tot jaar. Die bedevaart begin dus elke jaar 11 (soms 10) dae vroeër.[25][26] Die hadj kan twee keer in een Gregoriaanse jaar voorkom – dit gebeur elke 33 jaar (die laaste keer was in 2006).[27] Die tabel hier onder toon die datums aan van die hadj die afgelope paar jaar (die datum verwys na 9 Dhu'l Hidjdja):

2011 2012 2013 2014 2015 2016
5 November[28] 25 Oktober 14 Oktober[29][30] 3 Oktober[31] 23 September[32] 12 September[33]

Rituele

Die terreine van die hadj-rituele.

Fikh beskryf in besonderhede die manier waarop die hadj-rituele uitgevoer moet word en pelgrims volg gewoonlik handleidings en gidse om dit reg te doen.[34] In die uitvoering van die rituele volg die pelgrims nie net die voorbeeld van Mohammed nie, maar vier hulle ook gebeure wat met Abraham verbind word.[35]

Ihram

Wanneer die pelgrims die regte mikat bereik (afhangend van waar hulle kom), betree hulle ’n toestand van heiligheid. Dit behels die dra van twee wit naatlose stukke materiaal vir mans – met die een om die middel gebind en wat tot onder die knie afhang, en die ander om die linkerskouer gedrapeer en aan die regterkant vasgemaak; die dra van vroueklere wat voldoen aan die Islamitiese kode vir openbare drag, met die hande en gesig onbedek;[36] reiniging; die verklaring van die bedoeling om die pelgrimstog af te lê en hom- of haarself te weerhou van sekere dade soos die knip van naels, die skeer van hare aan enige deel van die liggaam, seks, die gebruik van reukmiddels, die beskadiging van plante, die doodmaak van diere, die bedekking van die kop (mans) of die gesig en hande (vroue); huwelike of die dra van wapens.[5][8] Die bedoeling van die ihram is dat alle pelgrims gelyk is voor God: daar is geen onderskeid tussen ryk en arm nie.[35]

Tawaf en saj

Die rigting van die tawaf om die Kaäba.
Die heuwel Safa naby die Kaäba in Al-Masjid al-Haram.

Die tawaf-ritueel behels dat sewe keer antikloksgewys om die Kaäba geloop word.[37] Wanneer pelgrims by Al-Masjid al-Haram aankom, voer hulle ’n eerste tawaf uit as deel van die verwelkomingseremonie.[38] Tydens die tawaf sluit pelgrims ook Hateem in: ’n gebied noord van die Kaäba. Elke omsirkeling begin met die soen of aanraking van die Swart Steen (Hajar al- Aswad).[39] Wanneer dit nie moontlik is nie weens die groot skare, kan daar met elke omsirkeling met die hand na die Swart Steen gewys word. Pelgrims mag nie eet nie, maar wel water drink om dehidrasie te voorkom. Mans word aangemoedig om die eerste drie omsirkelings vinnig af te lê en die laaste vier teen ’n meer gemaklike pas.[36][39]

Nadat sewe keer om die Kaäba geloop is, volg twee gebede by die Plek van Abraham (Muqam Ibrahim), ’n plek in die moskee naby die Kaäba.[39][40] Die gebede kan egter, weer eens vanweë die groot skare, elders in die moskee plaasvind. Ná die gebede drink pelgrims water uit die Zamzam-put, wat oral in die moskee beskikbaar is.[41]

Hoewel die omsirkeling van die Kaäba tradisioneel op die grondverdieping plaasvind, kan dit ook op die eerste verdieping of die dak van die moskee gedoen word weens die skares.

Tawaf word gevolg deur saj, die loop of hardloop (sewe keer) tussen die heuwels Safa en Marwa, wat naby die Kaäba geleë is.[37][40] Dit was voorheen in die ope lug, maar is deesdae heeltemal onderdak.[42] Pelgrims word aangeraai om te loop, maar hulle kan ook hardloop. Daar is ook ’n laan vir gestremdes. Ná saj skeer die mans hul hare en vroue knip gewoonlik ’n stuk van hul hare af. Dit voltooi die oemra.

Eerste dag van die hadj: 8 Dhu'l Hidjdja

Tente by Mina.

Op 8 Dhu'l Hidjdja word die pelgrims aan hul pligte herinner. Hulle trek die ihram-klere aan en bevestig hul voorneme om die pelgrimstog te onderneem. Die beperkings van ihram begin nou.

Mina

Pelgrims dra ihram op die vlakte van Arafat op die dag van die hadj.
Berg Arafat tydens die hadj.

Ná die oggendgebed op 8 Dhu'l Hidjdja beweeg die pelgrims na Mina, waar hulle die hele dag deurbring en noen-, namiddag-, aand- en naggebede doen.[43] Die volgende dag verlaat hulle Mina ná die oggendgebed en beweeg na Arafat.

Tweede dag: 9 Dhu'l Hidjdja

Arafat

Op die oggend van 9 Dhu'l Hidjdja kom die pelgrims by Arafat aan – ’n droë stuk land sowat 20 km oos van Mekka.[44] Hier doen hulle smeekbede, toon berou en doen boete oor hul sondes van die verlede, en vra genade by Allah. Hulle luister ook na preke deur Islamitiese geleerdes vanaf die Jabal al-Rahmah (die Heuwel van Genade),[43] van waar Mohammed na berig word sy laaste preek gelewer het. Dit duur van die middag tot met sonsondergang,[44] en is bekend as "staan voor God" (wuquf), een van die belangrikste rituele van die hadj.[5] ’n Pelgrim se hadj word as ongeldig beskou as hy nie die middag op Arafat deurgebring het nie.[11][44]

Moezdalifa

’n Toneel by Moezdalifa.

Pelgrims moet na Moezdalifa vertrek ná sonsondergang, maar sonder om die aandgebed te doen.[45] Moezdalifa is ’n gebied tussen Arafat en Mina. Wanneer hulle daar aankom, doen pelgrims die aand- en naggebed tegelykertyd en bring die nag daar deur onder die ope lug. Hulle maak ook klippe bymekaar vir die volgende dag se steniging van die duiwel (Sjaitan).[46]

Derde dag: 10 Dhu'l Hidjdja

Nadat hulle van Moezdalifa af teruggekeer het, bring pelgrims die nag in Mina deur.

Rami al-Djamarat

Die steniging van die duiwel in 2006.

Wanneer hulle terug is in Mina, voer die pelgrims ’n simboliese steniging van die duiwel (Rami al-Djamarat) uit deur van sonsopkoms tot sonsondergang sewe klippe na die grootste van die drie pilare bekend as Djamrat al-Akaba te gooi.[11][47] Hulle gooi nie dié dag klippe na die ander twee pilare nie.[48] Die drie pilare verteenwoorig Satan.[49] Om veiligheidsredes is die pilare in 2004 deur lang mure vervang, waar die klippe opgevang word nadat hulle gegooi is.[50][51]

Diere-offering

Ná die steniging word diere geslag om die storie van Abraham en Ismael te gedenk. Tradisioneel het die pelgrims self diere geslag, maar vandag koop hulle ’n bewys in Mekka en die diere word dan op die 10de namens hulle geslag sonder dat hulle teenwoordig hoef te wees. Moderne slagplase verwerk die vleis en dit word na arm mense regoor die wêreld gestuur.[11][42] Terselfdertyd offer Moslems regoor die wêreld diere tydens ’n driedaagse fees, Eid al-Adha.[12]

Haarverwydering

Nadat ’n dier geslag is, volg nog ’n belangrike ritueel van die hadj: die skeer of knip van hare. Die mans skeer of knip hul hare op die dag van Eid al-Adha, en vroue knip die punte van hul hare af.[52][53][54]

Tawaf al-Ifaada

Pelgrims voer die tawaf om die Kaäba uit.

Op dieselfde of die volgende dag besoek pelgrims weer Al-Masjid al-Haram in Mekka vir nog ’n tawaf, bekend as Tawaf al-Ifaada, ’n verpligte deel van die hadj.[53] Dit simboliseer ’n haas om op God te reageer en liefde teenoor Hom te betoon. Die nag van die 10de word weer in Mina deurgebring.

Vierde dag: 11 Dhu'l Hidjdja

Van die middag tot met sonsondergang gooi pelgrims weer klippe na elk van die drie pilare in Mina.[47]

Vyfde dag: 12 Dhu'l Hidjdja

Op 12 Dhu'l Hidjdja volg dieselfde prosedure van die steniging van die duiwel.[47] Pelgrims mag voor sonsondergang van Mina na Mekka reis.

Laaste dag by Mina: 13 Dhu'l Hidjdja

As hulle nie op die 12de kon vertrek nie of self besluit het om langer te bly, moet die perlgrims weer die steniging van die duiwel uitvoer voordat hulle na Mekka terugkeer.[47]

Tawaf al-Wadaa

Eindelik, voordat hulle Mekka verlaat, moet pelgrims ’n laaste tawaf, Tawaf al-Wadaa, uitvoer. "Wadaa" beteken "om tot siens te sê". Die pelgrims loop sewe keer antikloksgewys om die Kaäba en as hulle kan, soen hulle die Kaäba of raak daaraan.[11]

Reis na Medina

Hoewel dit nie deel van die hadj is nie, kan pelgrims nou na Medina en Al-Masjid an-Nabawi (Moskee van die Profeet) reis. Laasgenoemde bevat Mohammed se graftombe.[42] Die Quba-moskee en Masjid al-Qiblatayn word ook gewoonlik besoek.[55]

Notas

  1. Dit lees onder meer: "En toe sy Heer Abraham met sekere opdragte beproef en hy dit uitgevoer het, het Hy gesê: Voorwaar, Ek sal u ’n leier van mense maak! . . . En toe Ons die Huis ’n vergaderplek van mense en ’n toevlugsoord gemaak het, het Ons gesê: Neem die plek van Abraham as ’n plek van gebed! En Ons het Abraham en Ismael gebied en gesê: Reinig My Huis vir hulle wat daar sal omloop in die bedevaartsbesoek, en hulle wat daar vertoef vir aanbidding, en hulle wat vooroorbuig en hul hoofde op die grond eerbiedig neerlê. . . . Toe het Abraham en Isma-eel die fondamente van die Huis gelê." (2:124-127) en "Verkondig die bedevaart aan die mense. Hulle sal te voet of op elke maer kameel oor lang afstande na u kom: sodat hulle van hulle voordeel mag getuig en die Naam van Allah gedurende die vasgestelde dae uitspreek oor die viervoetige vee waarvan Hy hulle voorsien het. Eet dan daarvan, en voed die behoeftiges, die armes. Laat hulle dan voldoen aan die nodige reinigingshandelinge, en laat hulle hul gelofte nakom en om die ou Huis gaan." (22: 27-29)
  2. Ibn Jubayr het geraamtes gesien van gelowiges wat op pad van dors omgekom het. In die 17de eeu het ’n groep Egiptiese pelgrims meer as 1 500 mense en 900 kamele verloor. In 1924 het sowat ’n vyfde van ’n Siriese groep pelgrims gesterf en twee jaar later het 12 000 mense vermoedelik tydens die reis gesterf. [Islam in the World deur Malise Ruthven. Granta Publications, 2006. bl. 2. ISBN 1-86207-906-4.]

Verwysings

  1. Long, Matthew (2011). Islamic Beliefs, Practices, and Cultures. Marshall Cavendish Corporation. p. 86. ISBN 978-0-7614-7926-0. Besoek op 2 September 2014.
  2. Nigosian, S. A. (2004). Islam: Its History, Teaching, and Practices. Indiana: Indiana University Press. p. 110. ISBN 0-253-21627-3.
  3. Berkley Center for Religion, Peace, and World Affairs - Islam Sien "Islamic Practices"
  4. Mosher, Lucinda (2005). Praying: The Rituals of Faith. Church Publishing, Inc. p. 155. ISBN 9781596270169. Besoek op 18 September 2014.
  5. 5,0 5,1 5,2 5,3 Nigosian, S. A. (2004). Islam: Its History, Teaching, and Practices. Indiana: Indiana University Press. p. 111. ISBN 0-253-21627-3.
  6. Hooker, M. B. (2008). Indonesian Syariah: Defining a National School of Islamic Law. Institute of Southeast Asian Studies. p. 228. ISBN 9789812308023. Besoek op 6 Oktober 2014.
  7. "13th of Zil Hajj". heliohost.org.
  8. 8,0 8,1 "ihram".. (2014). URL besoek op 6 Oktober 2014. 
  9. "Ihram - Summary". Hajj Portal. Besoek op 20 November 2013.
  10. Karen Armstrong (2002). Islam: A Short History. Modern Library Chronicles (Hersien uitg.). Modern Library. pp. 10–12. ISBN 0-8129-6618-X.
  11. 11,0 11,1 11,2 11,3 11,4 Anisa Mehdi; John Bredar (2003). "Inside Makkah" (video documentary). National Geographic Society. {{cite news}}: |format= requires |url= (hulp)
  12. 12,0 12,1 "Eid ul Adha". BBC. 7 September 2009. Besoek op 30 Desember 2012.
  13. "Hajj".. (2014). URL besoek op 12 Augustus 2014. 
  14. Haykal, Muhammad Husayn (1994). The Life of Muhammad. The Other Press. p. 29. ISBN 9789839154177.
  15. 15,0 15,1 Peters, F. E. (1994). The Hajj: The Muslim Pilgrimage to Mecca and the Holy Places. New Jersey: Princeton University Press. pp. 4–7. ISBN 0-691-02120-1.
  16. Al Mubarakpuri, Safi ur Rahman (2002). "Religions of the Arabs". The Sealed Nectar: Biography of the Noble Prophet. Darussalam. p. 45. ISBN 9960-899-55-1. Besoek op 6 Oktober 2014.
  17. Husayn Haykal, Muhammad (2008). The Life of Muhammad. Selangor: Islamic Book Trust. pp. 439–40. ISBN 978-983-9154-17-7.
  18. "{{{title}}}". Encyclopedia of Islam. (2009). Ed. Juan E. Campo. Facts On File. ISBN 978-0-8160-5454-1. 
  19. Peters, F. E. (1994). The Hajj: The Muslim Pilgrimage to Mecca and the Holy Places. Princeton University Press. p. 164. ISBN 9780691026190.
  20. "{{{title}}}". Encyclopedia of Islam. (2009). Ed. Juan E. Campo. Facts On File. ISBN 978-0-8160-5454-1. 
  21. 21,0 21,1 21,2 Singer, Amy (2002), Constructing Ottoman Beneficence: An Imperial Soup Kitchen in Jerusalem, SUNY Press, p. 141, ISBN 9780791453513, https://books.google.com/books?id=zHBHBTNwBQoC&pg=PA141&dq=Amir+al+hajj+Ottoman&hl=en&sa=X&ei=-ruVVb73G4GbNszmgYgG&ved=0CEQQ6AEwBA#v=onepage&q=Amir%20al%20hajj%20Ottoman&f=false 
  22. 22,0 22,1 Phillipp, Thomas (1998), The Mamluks in Egyptian Politics and Society, Cambridge University Press, pp. 102–104, ISBN 9780521591157, https://books.google.com/books?id=WoPF9T4ZiWsC&pg=PA102&dq=Amir+al+hajj&hl=en&sa=X&ei=3ruVVZSAN4mnNp_UgpAE&ved=0CCwQ6AEwAA#v=onepage&q=Amir%20hajj&f=false 
  23. Peters, F. E. (1994). The Hajj: The Muslim Pilgrimage to Mecca and the Holy Places. Princeton University Press. p. 71. ISBN 9780691026190.
  24. Harrison, David, red. (2001). Tourism and the Less Developed World: Issues and Case Studies. CABI. p. 156. ISBN 9780851994338. Besoek op 6 Oktober 2014.
  25. 25,0 25,1 Reynolds, Gabriel Said (2012). The Emergence of Islam: Classical Traditions in Contemporary Perspective. Fortress Press. p. 33. ISBN 9781451408126. Besoek op 15 November 2014.
  26. Sheikh, Aziz, red. (2008). Caring for Muslim Patients. Radcliffe Publishing. p. 95. ISBN 9781857758122. Besoek op 15 November 2014.
  27. "Principal Islamic Days of Observance according to Umm al-Qura Calendar". The Umm al-Qura Calendar of Saudi Arabia. 2014. Besoek op 24 November 2014.
  28. Penprase, Bryan E (2010). The Power of Stars: How Celestial Observations Have Shaped Civilization. Springer Science & Business Media. p. 142. ISBN 9781441968036.
  29. "Hajj celebrated by Muslims in Mecca - video". The Guardian. 15 Oktober 2013. Besoek op 16 November 2014.
  30. "Hajj today". The Daily Star. 14 Oktober 2013. Besoek op 16 November 2014.
  31. "Islamic State militants are enemies of humanity: Saudi Grand Mufti". Dawn. 3 Oktober 2014. Besoek op 16 November 2014.
  32. "Hajj Performed: 2 million pilgrims pray for world peace". The Daily Star. 24 September 2015. Besoek op 26 September 2015.
  33. http://www.aljazeera.com/news/2016/09/eid-al-adha-2016-160901181404738.html
  34. "{{{title}}}". Encyclopedia of Islam. (2009). Ed. Juan E. Campo. Facts On File. ISBN 978-0-8160-5454-1. 
  35. 35,0 35,1 Neusner, Jacob (2000). World Religions in America: An Introduction. Westminster John Knox Press. p. 178. ISBN 9780664258399. Besoek op 6 Oktober 2014.
  36. 36,0 36,1 Mohamed, Mamdouh N. (1996). Hajj to Umrah: From A to Z. Amana Publications. ISBN 0-915957-54-X.
  37. 37,0 37,1 Long, Matthew (2011). Islamic Beliefs, Practices, and Cultures. Marshall Cavendish Corporation. p. 89. ISBN 978-0-7614-7926-0. Besoek op 2 September 2014.
  38. Long, David E. (1979). The Hajj Today: A Survey of the Contemporary Pilgrimage to Makkah. SUNY Press. p. 16. ISBN 0-87395-382-7.
  39. 39,0 39,1 39,2 Long, David E. (1979). The Hajj Today: A Survey of the Contemporary Pilgrimage to Makkah. SUNY Press. p. 17. ISBN 9780873953825.
  40. 40,0 40,1 Adelowo, E. Dada, red. (2014). Perspectives in Religious Studies: Volume III. Ibadan: HEBN Publishers Plc. p. 401. ISBN 9789780814472.
  41. "Pilgrims complain of Zamzam water shortage in Makkah". Arab News. 7 Julie 2014. Besoek op 7 September 2014.
  42. 42,0 42,1 42,2 "Hajj". Royal Embassy of Saudi Arabia. Besoek op 12 Augustus 2014.
  43. 43,0 43,1 Adelowo, E. Dada, red. (2014). Perspectives in Religious Studies: Volume III. Ibadan: HEBN Publishers Plc. p. 403. ISBN 9789780814472.
  44. 44,0 44,1 44,2 Long, David E. (1979). The Hajj Today: A Survey of the Contemporary Pilgrimage to Makkah. p. 19. ISBN 0-87395-382-7.
  45. Sahih Muslim-Hadith No 2941.2944
  46. Sahih Bukhari Hadith No: 732,733, en 734
  47. 47,0 47,1 47,2 47,3 al-Hasani, Abu Qanit al-Sharif (2009). The Guiding Helper: Main Text and Explanatory Notes. Lulu.com. p. 220. ISBN 9781445237916.
  48. "easyhajj.co.uk". easyhajj.co.uk. Geargiveer vanaf die oorspronklike op 11 Augustus 2011. Besoek op 19 Desember 2011. {{cite web}}: Onbekende parameter |deadurl= geïgnoreer (hulp)
  49. Nigosian (2004). Islam: Its History, Teaching, and Practices. p. 112. ISBN 0-253-21627-3.
  50. Islamic Beliefs, Practices, and Cultures. Marshall Cavendish Corporation. 2011. p. 90. ISBN 978-0-7614-7926-0. Besoek op 2 September 2014.
  51. Gad-el-Hak, Mohamed, red. (2008). Large-Scale Disasters: Prediction, Control, and Mitigation. Cambridge University Press. p. 54. ISBN 9781139472296. Besoek op 13 Januarie 2015.
  52. "Hajj: pilgrimage to Mecca". BBC. 8 September 2009. Besoek op 6 Oktober 2014.
  53. 53,0 53,1 Long (1979). The Hajj Today: A Survey of the Contemporary Pilgrimage to Makkah. p. 21. ISBN 0-87395-382-7.
  54. Sahih Muslim Hadith no:2985,2994
  55. Norani Noridin; Nordin Yusof. A life that matters: a spiritual experience. The Other Press. p. 32. ISBN 9789675062025.

Verdere leesstof

  • Bianchi, Robert R. (2004). Guests of God: Pilgrimage and Politics in the Islamic World. Oxford University Press. ISBN 978-0-19-517107-5.
  • Hammoudi, Abdellah (2006). A Season in Mecca: Narrative of a Pilgrimage. Hill and Wang. ISBN 978-0-8090-7609-3.
  • Khan, Qaisra, "Hajj & 'Umra", in Muhammad in History, Thought, and Culture: An Encyclopedia of the Prophet of God (2 vols.), reds. C. Fitzpatrick en A. Walker, Santa Barbara, ABC-CLIO, 2014, Vol I, pp. 239–245.
  • Trojanow, Ilija (2007). Mumbai To Mecca: A Pilgrimage to the Holy Sites of Islam. Haus Publishing. ISBN 978-1-904950-29-5.

Eksterne skakels