Constand Viljoen

Constand Laubscher Viljoen is die stigter van die Vryheidsfront en ‘n voormalige Hoof van die Suid-Afrikaanse Weermag.

Constand Viljoen is gebore op 28 Oktober 1933 en ontvang sy skoolopleiding aan die Laerskool Perdekop en Hoërskool Standerton. Hy sluit daarna aan by die Suid-Afrikaanse Weermag, en behaal die graad B.Sc (B.Mil) by die Universiteit van Pretoria in 1955.

Viljoen word bevorder tot Luitenant-Generaal in 1976 en Generaal in 1980. In 1977 word hy Hoof van die Suid-Afrikaanse Leër en in 1980 die Hoof van die Suid-Afrikaanse Weermag. Hy tree af by die weermag in 1985 om voltyds te boer in die Ohrigstad area. In 1993 tree Viljoen toe tot die politiek saam met nog drie ander oud-generaals en help met die stigting van die Afrikaner Volksfront.

Kort voor die 27 April 1994 algemene verkiesing stig Viljoen die Vryheidsfront as politieke party vir die Afrikaners. Dié party beywer hom vir die daarstel van ‘n Afrikaner Volkstaat. Die Vryheidsfront wen 640 000 stemme met Viljoen as leier.

In 2001 tree Viljoen uit die aktiewe politiek en as leier van die Vryheidsfront.

Bron

http://www.vryheidsfront.co.za