Verskil tussen weergawes van "Johannes Beijer"

Jump to navigation Jump to search
geen wysigingsopsomming nie
 
== Herkoms, opleiding en vroeë loopbaan ==
Beijer was die oudste seun van Johannes Beijer, 'n skoenmaker in De Visserstraat en sy vrou, Trijntje Folkers, albei van Groningen. Hy het sy opleiding as predikant ontvang van ds. Tamme Foppes de Haan, 'n Hervormde predikant wat hom in 1839 by die Christelik Afgeskeie Gereformeerde Kerk in Nederland gevoeg het nadat dié kerkverband in 1834 van die Hervormde Kerk afgeskei het. 'n Deel van sy opleiding het hy ook ds. Dirk Postma geniet, wie se eerste kollega in Suid-Afrika hy op [[2 Februarie]] [[1862]] op [[Reddersburg]] sou word. Prop. Beijer is in 1849 tot die bediening toegelaat en word op [[12 Mei]] [[1852]] predikant van die Christelik Afgeskeie gemeentes van [[Dokkum]] (ds. Postma se geboortedorp), te Heerenveen. Reeds op [[4 November]] daardie jaar verhuis hy na die gemeente Leeuwarden, waarvandaan hy op [[18 Mei]] [[1861]] na Reddersburg in Suid-Afrika sou vertrek. Die dood van sy eerste vrou en hul vyfde kind tydens die bevalling op [[3 Augustus]] [[1860]] was moontlik die rede waarom hy in 1861 die tweede beroep na die [[Gereformeerde kerk Reddersburg]] aanvaar het nadat ds. Dirk Postma die gemeente, en daarmee saam die dorp, op [[7 Mei]] [[1859]] gestig het as die eerste Gereformeerde kerk in die [[Oranje-Vrystaat]]. [[Reddersburg]] se kerkraad het die dorp vir kerkdoeleindes onder leiding van [[Koos Venter|J.J. Venter]] aangelê.
 
== Op Reddersburg ==
[[Beeld:GK Reddersburg Inwyding van tweede kerk 1863.JPG|duimnael|300px|links|Die inwyding van die tweede Gereformeerde kerk op Reddersburg in 1863, 'n jaar ná die koms van ds. Beijer.]]
 
Ds. Beijer se diens as predikant in die pas gestigte Gereformeerde Kerk in Suid-Afrika was van groot betekenis, aldus B. Spoelstra in die ''[[Suid-Afrikaanse Biografiese Woordeboek]], deel III''. Sy gemeente het die hele Oranje-Vrystaat beslaan en hy was tot 1865 as konsulent en enigste predikant naas ds. Postma van [[Gereformeerde kerk Rustenburg|Rustenburg]], ook verantwoordelik vir die Gereformeerde kerke [[Gereformeerde kerk Burgersdorp|Burgersdorp]], [[Gereformeerde kerk Middelburg, Kaap|Middelburg]], [[Gereformeerde kerk Colesberg|Colesberg]] (die oudste drie kerke in die [[Kaapkolonie]], almal gestig in 1860) en [[Gereformeerde kerk Philipstown|Philipstown]], wat in 1863 as kerkdorp gestig is weens die "vervolging en smaad" wat die Gereformeerdes elders in die noordoostelike dele van die Kolonie moes verduur. <ref>{{af}} [[Stephanus du Toit|Du Toit, prof. dr. S.]] 1955. ''Handleiding vir die studie van die Kerkgeskiedenis''. Potchefstroom: Pro Rege-Pers Beperk</ref>.
 
Reeds in sy bediening en organisasie van die jong kerkverband het hy grondleggende werk gedoen. Ook was hy skriba van die eerste Sinode van die Gereformeerde Kerk in Suid-Afrika, op Reddersburg in Maart 1862, voorsitter van die volgende, te [[Rustenburg]], in 1863 en weer skriba van dié te [[Burgersdorp]] in 1866. Ds. Beijer het die moed van sy oortuiging getuig om op die eerste Sinode sy voormalige leermeester ds. Dirk Postma teë te gaan en het daarin geslaag om die Sinode te oorreed om die Dordtse Kerkorde van 1619 as grondslag vir die jong kerkverband se regering bo die gewysigde kerkorde van ds. Postma te aanvaar. So het hy ’n bepalende invloed op die Gereformeerde Kerk uitgeoefen.
 
In opdrag van die Sinode van 1863 het hy, nes ds. Postma, tuis met die opleiding van begaafde maar ongeskoolde jong mans en seuns as predikante begin, van wie enkeles tot die bediening toegelaat is. As konsulent in die Noordoos-Kaap het ds. Beijer die oorkoms van ds. Postma in 1866 as predikant na [[Gereformeerde kerk Burgersdorp|Burgersdorp]] bewerkstellig met die oog op die opleiding van predikante. Beijer het dus 'n belangrike bydrae gelewer tot die ontstaan in 1869 van die [[Teologiese Skool Burgersdorp|Teologiese Skool]] van die Gereformeerde Kerk in Suid-Afrika, wat in 1905 na Potchefstroom verplaas is en waaruit die [[PU vir CHO]] ontstaan het.
[[Lêer:Journaal gehouden van Reddersburg (Oranje Vrijstaat) naar Rustenburg (Zuid-Afrikaansche Republiek) deur ds Johannes Beijer, 1863.jpg|duimnael|regs|200px|Ds. Beijer se ''Journaal gehouden van Reddersburg (Oranje Vrijstaat) naar Rustenburg (Zuid-Afrikaansche Republiek)'', uitgegee deur sy broer in 1863.]]
 
Beijer het eers die drie werke ''Journaal gehouden van Nederland naar Zuid-Afrika (Algoabaai) in het jaar 1861'', ''Journaal gehouden van Port Elizabeth (Algoabaai) naar Reddersburg (Oranje Vrijstaat) in het jaar 1861, alsmede de redenen der afscheiding van de Nederduitsch Gereformeerde Kerk'' en ''Journaal gehouden van Reddersburg (Oranje Vrijstaat) naar Rustenburg (Zuid-Afrikaansche Republiek) in het jaar 1863, benevens overzigt van de Gereformeerde en de Nederd.-Gereformeerde Kerk in Zuid-Afrika'' afsonderlik gepubliseer. Dié drie werke is in 1866 herdruk en saamgebundel met ''Openlijke verklaring of redenen, waarom velen zich hebben afgescheiden van die Ned.-Ger. Kerk en de gronden der Gereformeerde Kerk in Zuid-Afrika,'' uitgegee deur [[Saul Solomon]]. B. Spoelstra skryf: "Hierdie publikasies was veral bedoel om in Nederland 'n apologie vir die stigting van die Gereformeerde Kerk in Suid-Afrika gedurende 1859 te bied en so 'n leemte te vul wat Postma se verduidelikings nie gedek het nie. Afgesien van hierdie kerkhistoriese bronne uit tydgenootlike klimaat, is die werke waardevolle Africana en belig sake soos die landelike pioniersomstandighede, die flora en fauna, voorkoms en uitwerking van natuurplae, en reisgeleenthede."
Van ds. Beijer het by die uitgewersaak van sy broer in Groningen verskyn ''De Mormonen in Zuid Afrika. Eene waarschuwing aan allen die de waarheid in Christus Jezus liefhebben (1863)'' en ''Lijkverbranding! Vergeleken met Gods Woord'' (1874).
 
== Gesinslewe ==
Ds. Beijer is op [[10 Januarie]] [[1850]] in [[Zwolle]] getroud met Hendrieka Louman (17 September 1826 – 3 Augustus 1860), dogter van die egpaar Gerrit Louman en Hendriena van den Berg. Hulle het vier kinders gehad, maar Hendrieka Beijer en hul vyfde kind het haar man met die bevalling ontval. Op [[22 Maart]] [[1862]] is hy op [[Reddersburg]] in die huwelike bevestig met die gesin se huishoudster, Breitske van der Heide ([[30 Junie]] [[1823]] – [[4 November]] [[1875]]), wat te oordeel na haar naam saam met die predikant en sy vier kinders uit Nederland gekom het. Uit hierdie huwelik is nog twee kinders gebore.
 
== Bronne ==
* {{af}} [http://indieskriflig.org.za/index.php/skriflig/article/viewFile/1264/1535 Die eerste predikant van Reddersburg, prof. B. Spoelstra]. URL besoek op 22 November 2016.
== Verwysings ==
{{Verwysings}}
 
{{DEFAULTSORT:Beijer, Johannes}}
[[Kategorie:Suid-Afrikaanse predikante]]
[[Kategorie:Gereformeerde Kerke in Suid-Afrika]]

Navigasie-keuseskerm